Арапова, Александра Петровна
| Арапова, Александра Петровна | |
|---|---|
| Файла:Александра Петровна Ланская (Арапова).jpg | |
| чачома чи | 1845[1][2][…] |
| Чачома тарка | |
| Кулома чи | 1919[1][2][…] |
| Мастор | |
| Важодема ёрокчизе | ютавтыця |
| Тетязо | Пётр Петрович Ланской[d] |
| Авазо | Наталья Николаевна Гончарова[d] |
| Полазо | Иван Андреевич Арапов[d] |
| Эйкакшонзо | Пётр Иванович Арапов[d] |
 Александра Петровна Арапова | |
.jpg){kind=link}
Александра Петровна Ара́пова (тейтерькс — Ланская; 1845-це иень панжиковонь 15-це чи, Ине Петрань ош — 1919-це иень даволковонь 20-це чи, Петроград) — рузонь сёрмадей, кельстэ кельс ютавтыця, лецнемань сёрмадыця, очеркень ды романонь сёрмадей, Наталья Пушкинань Ланскоень (те омбоце мирдезэ) пельде покш тейтерезэ. Лиссь мирденень И. А. Арапов генералонтень, Пензенской губерниянь Воскресенская Лашма велень (ней сови Мордовия Республикань Ковылкина буес) азоронтень.
Эрямо пингезэ
Николай I-нь крестной тейтерезэ, императорской фрейлинась. Ульнесь превей, парсте тонавтозь. 1866-це иестэ (лия содамочинь коряс — 1871-це иестэ) лиссь мирденень, Иван Андреевич Арапов офицерэнть экшс.
1917-це иенть прядовомсто А. П. Арапованень сась Мария Александровна Гартунг патязо, Александр Пушкинэнь тейтерезэ, конантень а мезе лангс ульнесь эрямс. Арапова сёрмалесь Мария Дмитриевна Врангель баронесса содавиксэнстэнь:
(эрз. «Паряк тынк улить кодаткак сюлмавомат кирдивийтнень марто ды тынь эсь энергия ды чевте седей марто кортатадо марост А.Пушкинэнь тейтерензэ туртов лездамодо, конанть эрямозо пек стака ней… Бути ули — лездадо Пушкинэнь меельцекс лиядозь тейтернзэ туртов»).Оригинальной текст (руз.)«Может быть у кого-нибудь есть связи с правительством, и Вы с Вашей энергией и отзывчивым сердцем уговорите их принять участие в горькой судьбе… Если есть возможность — помогите последней в живых дочери бессмертного поэта».
. М. А. Гартунг кулось 1919-це иестэ, пенсиянь получамо эзь кенере. М. Д. Врангелень валонзо коряс, Арапова сонсь кулось (секе жо иестэнть) илыкстэ лисемадо (истощениядо) ды тевелявонь крупозной таргоземадо («велявтсь кедьсэ тапардазь понгавтомакс»[3]). Калмазь Александро-Невской лаврань калмазырьсэ.
Шкинемазо
Очеркень, романонь, французонь кельстэ ютавтовксонь, историянть ды пушкинистиканть туртов питней дневникень автор. А. П. Араповань энялдоманзо коряс Гончарова Александра Николаевнань мирдезэ Густав Фризенгоф баронось сонензэ сёрмасонть ёвтнинзе Александрань ледстнеманзо се тевтнеде, конат пачтизь Пушкинэнь дуэльс. Кавалергардской полконь С. А. Панчулидзев историкенть туртов сон ёвтнизеДантесэнь биографиянзо, конадо содасть кудораськесэст. Литературань тевензэ эйстэ сехте пек содавикст авадонзо ледснематне, конатне лемдязь «Наталия Николаевна Пушкина—Ланская: К семейной хронике жены А. С. Пушкина»
Сонзэ марто ве шкасто эрицятнень ледстнемаст коряс, сон кода маштсь терявтнесь «отмести злые наветы, порочившие память Натальи Николаевны». Мемуартнэ ульнесть печатазь 1907—1908-це иетнестэ «Новое время» журналонь путовкскетнесэ (приложениятнесэ) ды тейсть ломантнень ютксо покш резонанс, сынест явсь мель Л. Н. Толстой, сынст лангс невтнесть ды невтнить ламо пушкиноведтнэ. Мемуартнэ теезь содазь ломанень, прислугань ёвтнемаст лангсо, кулятнень лангсо, конат якасть великосветской обществасо. Теке марто эйсэст улить сёрмадовкст поэтэнь дованть эрямосто се тевтнеде, конатнень неинзе сонсь Арапова, ды истя жо Наталья Николаевнань ёвтнеманзо — мемуртнэнь те пельксэсь пушкиноведениянть туртов ловови сехте питнеекс. Содамочитнень ютксо, конатнень пачти А. П. Арапова, пек питнейть сёрмадовкстнэ Пушкинэнь ды Александра урьванзо (невестканзо) ютксо интимной сюлмавомадонть ды Н. Н. Пушкинань Дантес марто Полетикань кедьсэ вастовомадонть (свиданиядонть). Дуэльде икеле тевтнеде Араповань ёвтнеманзо эйсэ (Дантес марто ютксост вастовомаськак) пек ламо ильведевкст. Н. А. Раевскоень арсеманзо коряс:
(эрз. «ЦИТАТАСЬ ЭРЗЯКС.....ютавтынка! »).Оригинальной текст (руз.)«…Опытная писательница А. П. Арапова умело сочиняет диалоги (как русские, так и французские) и сводит концы с концами … Многое в этом рассказе, несомненно, относится к области беллетристики, а не мемуарной литературы.»
Истя, Араповань валонзо коряс, вастовомань шкастонть «во избежание каких-либо помех» Полетикань кудонзо вакссо дежурясь П. П. Ланской, кона сестэ зярс а содылизе Пушкинань. Ды, М. И. Яшинэнь исследованиянзо коряс, 1836-це иень ожоковсто саезь 1837-це иень даволковс (шкась, зярдо, келя, ульнесь вастовомась) Ланской Петербургсо арасель.
Тевкадовксозо
Покш архив А. П. Арапова макссь Пушкинской Кудос 1918-це иестэ. Сон ванстови рукописной отделсэ, документтнэнь ютксо — Н. Н. Пушкинань ды раськензэ ютксо сёрмалемась. Дованть сёрманзо лездасть лия ёндо варштамс Наталья Николаевнань лангс ды теемс сондензэ алкуксонь портретэнть. Араповань ледстнеманзо одс нолдазельть 1994-це иестэ.
Эйкакшонзо
- Елизавета Ивановна (1867—03.07.1953), венчась (27.04.1886) Николай Николаевич Столыпиннэнь, дипломатокс улицянтень (1860—1920).
- Пётр Иванович (1871—1930), генерал-лейтенант.
- Андрей Иванович (1872—1918), ледезель Петраградсо.
Сёрмадовксонзо
- Арапова, А. Наталья Николаевна Пушкина-Ланская: К семейной хронике жены Пушкина / Составитель, автор примечаний и послесловия Г. Пикулева. — МПФ «Демиург», 1994. — 256 с. — 30 000 экз. — ISBN 5-7387-0034-1.
- ↑ 1,0 1,1 Aleksandra Petrovna Arapova // WomenWriters (англ.)
- ↑ Bibliothèque nationale de France Aleksandra Petrovna Arapova // Autorités BnF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
- ↑ Михайлова, Н.; Петрушева, Л. «…Помогите дочери бессмертного поэта» // Лит. Россия. — М., 1991. — 7 июня. — N 23. — С. 11; Б.Б. Давыдов, Н. Н. Шабанова. М.А. Пушкина и Л.Н. Гартунг(руз.)(недоступная ссылка — история). Российский историко-архивоведческий журнал "Вестник архивиста". Ваннозь 22 Умарьковонь 2010.
Невтевкст
- С.А. Телина. А.П. Арапова(руз.). Мордовский республиканский объединенный краеведческий музей им. И. Д. Воронина. Ваннозь 22 Умарьковонь 2010.
- А.П. Арапова (генеалогическое древо)(руз.). Ваннозь 22 Умарьковонь 2010.
- Архив А.П. Араповой(руз.). Институт русской литературы (Пушкинский Дом) РАН. Ваннозь 22 Умарьковонь 2010. Архивировано из первоисточника 8 Панжиковонь 2012.