Армения (сатрапия)

Армения
Дата основания / создания / возникновения	570 м. п. и.
Мастор	Держава Ахеменидов[d]
SEO_index	noindex
Заменил	Урарту[d]
Заменён на	Великая Армения[d]
Дата прекращения существования	200 м. п. и.

Армениясь Ахеменидтнэнь державанть поцо

Армения Сатрапиясь (арм. Սատրապական Հայաստան) — вейкесь сатрапийтнень эйстэ Ахеменидтнэнь державанть поцо. Геродот лецтни Армениянть (грек. Ἀρμενίων) кода XIII-це кужо Персидэнь инязорксчинть. Армениянь мастор ветиекс се шкастонть ульнесь Ервандидэнь династиясь. Персидэнь азырксчись Армениясо мольсь кавто сядто седе ламо (550—330 ии. м. п. икеле).

Топонимэнть васенце лецтнемазо

Армения эсинзэ лемензэ ало лецтняви Бехистунской сёрмадовкссо 520-це иестэнть м. п. икеле. Сёрмадыцязо ульнесь Дарий I, ды сон Армениянть лемди Армина ( ) лемсэ. Седе икеле те модасонть ульнесь Урарту Масторось, кона ульнесь саезь кедь алов Мидиясо.

Армениясь античной сёрмадовкстнэсэ

Ксенофонтонть коряс Армения аштесь-ульнесь кардухонь модатнень ды Кентрит лейентьэйстэст пелевеёнов. Те ульнесь Армениянь лембеёнонь межась-границясь. Понт Евксинскоень чирензэ, кода сёрмадсь Геродот, те ульнесть пелеве-чивалгома ёндо межанзо. Ды Армениянь модатнес сестэ эзьть совсе саспиртнэнь (XVIII-це кужось, Грузия) ды мосcинойконь (XIX-це кужось, Лазика, Турциянь пелеве-чилисема ён) модатне.

Эсь модаса эриця ломантне эрильть велева, озавтыльть шуж ды виноград, конань эйстэ теильть вина ды изюм, цёраломантне ульнесть налчирьке ды ушманонь узере марто. Армения пек содавиксэвил эсинзэ алашанзо, конань трильть-кастыльть персиянь ушмовиентень. Ксенофонт лецти, келья кезэрень армянтнэ сюконильть Чинтэнь.