Ине Отечествань войнасо Изнямонь 80 иень тешкстамо

Википедиясто материал - аорев содамкундосто
Ине Отечествань войнасо
Изнямонь 80 иень тешкстамо
Лого 80 лет Победы.jpg
Ютавтома шка 2024—2025-це иеть
Тарка Флаг России Россия
Сайт may9.ru

Ине Отечествань войнасо Изнямонь 80 иень тешкстамо — Россиясо ды омбомасторсо Ине Отечествань войнасо Изнямонь 80-це иень тешкстамонть коряс покш программа. 2024—2025-це иетнестэ арсевить ютавтомс 170-де ламо мероприятият[1].

Анокстамонь тевть

[витнемс | витнемс-петнемс лисьмапрянзо]

2023-це иень медьковонь 31-це чистэ Владимир Путин Россиянь Президентэсь тешкстась Ине Отечествань войнасо Изнямонь 80-це иень анокстамодо ды тешкстамодо кармавтома. «Изнямо» оргокомитетэнть марто вейсэ кармавтозель теемс ды кемекстамс эрявикс тюрематнень ледстнемга мероприятиянь анокстамонь ды ютавтомань лув, теке марто омбомасторонь ветицятнень марто мероприятият. Россиянь Федерациянь Омбомасторонь тевень министерствантень (РФ-нь МИД-нтень) кармавтозь лездамс покшчинь ютавтомсто политикань-дипломатиянь сюлмавомань анокстамосо, федеральной ды региононь органтнэнень — лездамс анокстамосо, максомс ветерантнэнень лезкс ды таркасо аштиця кирдивийтненень максомс лездамо ушманонь калмамо таркатнень паролгавтомасо[2].

2023-це иень умарьковсто Президентэсь тешкстась Изнямонь 80-це иень анокстамодо ды ютавтомадо Оргкомитетэнь теемадо кармавтома[3].

2024-це иень панжиковонь 18-це чистэ РФ-нь Правительствась кемекстызе Изнямонь 80-це иень анокстамонь ды тешкстамонь ютавтома лувонть[4].

2024-це иень сундерьковонь 19-це чистэ Владимир Машков налксицясь ды общественной важодицясь Московсо Изнямонь музейсэ невтизе Изнямонь 80-це иень юбилеень официальной прявт тешксэнть. «1942-це иень сундерьковонь 19-це чистэ,
82 иеде икеле, сисем чассто валскестэ «Катюшатнень» артиллериянь ды залпонь толсо Якстере Армиясь ушодызе «Уран» операциянть. Сон путсь ушодкс Сталинградонть ало тюремасонть немецень ушмотнень тапамосо, Ине Отечествань войнасо те ульнесь полавтомань шка», — ледстизе Машков невтемасо[5]. Прявт тешкссэ невтезь «Ава-масторось терди!» («Родина-мать зовёт!») Евгений Вучетичень скульптуразо, кона ловови Волгоградонь Мамаевень кургансо «Сталинградонь тюремань откертненень» кеврунгосо-ансамблясо прявт пельксэкс[6].

Ине Отечествань войнань Изнямосо 80-це иентень видеоклип

2025-це иень якшамковсто, Изнямонь 80-це иестэнть, Ине Отечествань войнань ушмантнэнь ледстнемга ды Специальной военной операциянь (СВО-нь) Россиянь Федерациянь Вооружённой вийтнень кирдемга Якутскоенть мазылгавтызь эень скульптурасо[7].

Ютавтома лув

[витнемс | витнемс-петнемс лисьмапрянзо]

Изнямонь 80-це иень анокстамонь ды тешкстамонь прявт мероприятиятнень ютавтомсто невтезь 171 тев. Тесэ Весе Россиянь истят акциятне:

  • «Ледстнемань штатол»,
  • «Георгиень парсей»,
  • «Изнямонь ловномат»,
  • «Весень лангс вейке изнямо»,
  • «Медицинань полк»,
  • «Ледстнемань поезд».

Теке марто ютыть концертт, театрань невтемат ды лия мероприятият.

Акциятне ютавтовить весе Россиясо[8].

Мероприятиятнень анокстамосо ды ютавтомасо лездыть волонтёронь ды ветеранонь вейсэндявкстнэ: «Изнямонь волонтёрт», Од ломанень тевтнень коряс федеральной агентствась, «Васенцетнень икелев молемась», «Знание» Россиянь вейсэндявксось ды ламот лият. 2025-це иенть перть эйкакштнень ды од ломантнень туртов кармить анокстазь тонавтомань акцият ды мероприятият[9].

Омбомасторонь инжеть

[витнемс | витнемс-петнемс лисьмапрянзо]
  • Словакиясто — 2024-це иень сундерьковонь 27-це чистэ Роберт Фицо масторонь премьер-министрась ёвтась Владимир Путинэнь пельде Ине Отечествань войнасо Изнямонь 80-це иень тешкстамонь официальной тердемань саемадо ды самодо[10].
  • Сербиясто — Александр Вучич масторонь Президентэсь[11].
  • Индонезиясто — Прабово Субианто масторонь Президентэнтень Ине Отечествань войнасо Изнямонь 80-це иень тешкстамонть коряс кучозель Московов самодо тердема[12].

Омбомасторсо тешкстамо

[витнемс | витнемс-петнемс лисьмапрянзо]

Изнямонь 80-це иенть арсеви келейстэ тешкстамс Оляксчинь Вейсэнь сюлмавомань ламо Мастортнэсэ (СНГ-сэ). 2023-це иень ацамковсто РФ-нь Президентэсь СНГ-нь Правительствань прявтонь Советэнь промксонь улицятненень видеопшкадемасо ёвтась, «Россиянть ули покш мелезэ поладомс вейсэнь важодеманть ледстнемань ванстомадо кевкстематнень, историянь аволь видестэ полавтомань варчамотнень ды нацизмань откерьксчинть каршо бороцямонть коряс»[13].

Михаил Мишустин РФ-нь Правительствань прявтось тешкстась, башка таркасо аштить «А кулыця полк» раськеютконь молеманть прявтсо акциятне ды ютамотне[14].

Юбилеень иестэ арсевить паролгавтомс ушманонь калмамо таркатне, конат улить омбомасторсояк[15].

Мордовия Республикасо тешкстамо

[витнемс | витнемс-петнемс лисьмапрянзо]

2024-це иень аштемковонь 28-це чистэ Артём Здунов Мордовиянь Прявтось нолдась «1941—1945-це иетнестэ Ине Отечествань войнасо Изнямонь 80 иень тешкстамонь анокстамодо ды ютавтомадо» кармавтома[16].
«2025-це иестэ те чинть тешстамось карми сех покш тевекс. Секскак миненек эряви теемс весементь Изнямонь Чинть паро ёжосо пештямга, Мордовиянь эрьва эрицянтень ледстнемга», – ёвтась Артём Здунов республикасо «Изнямо» оргкомитетэнть теемстэ-пурнамсто. Прявт путовкстнэнь ютксо — ветерантнэнь марто важодемась, сынст эрямо лувонть мельга ваномась, ормаменькстнэнь, медицинань ды социальной кевкстематнесэ лездамось.

«Изнямо» оргкомитетэнь промкссо прявтокс кочказь Артём Здунов, кемекстазь мероприятиянь ютавтома тевтне. Карми пурназь Ине Отечествань войнань шкасто чавовозтненень алтазь кеврунгонь региононь реестра, паролгавтовить мемориалтнэ, ледстнемань таркатне ды обелисктне.

Анокстамсто башка мель — од ломантнень ютксо тиринь масторонтень вечкемань кастомасо важодемантень. Тонавтомань министерствантень максозь кармавтома историянь тонавкстнэсэ торпингень событиятненень явомс седеяк ламо шка[17].

Мордовиясто Ине Отечествань войнань фронтнэсэ тюрсть 246 тёжат эрицят. Эйстэст 120 тёжадо ламо чавовсть, 75 тёжатне казезь Советэнь Союзонь орденсэ ды медальсэ. Советэнь Союзонь откерекс кармасть Мордовиясо 104 чачозть, Славань орденэнь кавалерэкс — 25. 100 тёжадо ламо ломантне казезь «Ине Отечествань войнасо покш важодемань кис» медальсэ.
Се шкастонть Мордовияс эвакуировазельть малав 80 тёжат ломанть, эйстэст 15 иес 25 тёжат эйкакшт. Торпингень васенце ковтнестэ республикань эрицятне сайсть эйдекс ды трямос-кастомас 1300-то ламо эйкакшт. Куншкань Равчиресэ республикась кармась ранязь ломантнень лецямост коряс куншкакуротнестэ вейкекс: тесэ ульнесть 13 госпитальть, 6-тне эйстэст – Сарансо.

1941-це иень сундерьковонь 23-це чистэ ёвтазь Сурань рубежень строямодо мель, кой-кона пельксэсь ютась Мордовиянть пачк. Кемекстамонь линиятнень вейсэнь кувалмось ульнесь 80 вайгельбеть[18].

Изнямонь 80-це иентень ледстнемань тешкст

[витнемс | витнемс-петнемс лисьмапрянзо]

Россиянь Президентэнь кармавтомасо кемекстазь «1941—1945-це иень Ине Отечествань войнасо Изнямонь 80 иеть» юбилеень медаль.

Ине Отечествань войнасо улицятненень ярмаконь пандомат

[витнемс | витнемс-петнемс лисьмапрянзо]

2025-це иень якшамковонь 15-це чистэ «Изнямо» оргкомитетэнь промксонть ютавтомсто Владимир Путин Россиянь Президентэсь ёвтась кармавтомань тешкстамодо, косо Ине Отечествань войнань весе ветерантнэнень, сынст доватненень ды концлагерьсэ вишка шкасто пекстазтненень карми весть пандовомо 80 тёжат целковойть. Ине Отечествань войнасо Изнямонь 80-це иестэ тылэнь важодицятненень, блокадань Ленинградонь эрицятненень, концлагертнесэ пекстазтненень, оборонань сооружениянь строицятненень ды ПВО-нь, иневедень ды авиациянь базатнесэ улицятненень карми пандозь 55 тёжат целковойть[19].

Тешкставкст

[витнемс | витнемс-петнемс лисьмапрянзо]
  1. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов. government.ru (18 Панжиковонь 2024). Дата обращения: 19 Сундерьковонь 2024.
  2. ↑ Путин подписал указ о создании оргкомитета по подготовке празднования 80-летия Победы, Ведомости (9 Умарьков 2023). Ваннозь 19 Сундерьковонь 2024.
  3. ↑ Указ Президента Российской Федерации от 09.08.2023 № 602 ∙ Официальное опубликование правовых актов. publication.pravo.gov.ru (9 Умарьковонь 2023). Дата обращения: 19 Сундерьковонь 2024.
  4. ↑ Распоряжение от 17 мая 2024 г. № 1174-р. Правительство России (17 Панжиковонь 2024).
  5. ↑ В Музее Победы представили логотип 80-летия Победы | Победа РФ | Новость от 19.11.2024, Победа РФ | Новости, история, патриотизм (19 Сундерьков 2024). Ваннозь 19 Сундерьковонь 2024.
  6. ↑ Богдан Герцен. В "Музее Победы" представили логотип празднования 80-летия победы в Великой Отечественной войне, Профиль (19 Сундерьков 2024). Ваннозь 20 Сундерьковонь 2024.
  7. ↑ Ледовые скульптуры, посвященные 80-летию Победы. AiF (17 Якшамковонь 2025). Дата обращения: 17 Якшамковонь 2025.
  8. ↑ 80-летие Победы отметят масштабно | Победа РФ | Новость от 19.11.2024, Победа РФ | Новости, история, патриотизм (19 Сундерьков 2024). Ваннозь 19 Сундерьковонь 2024.
  9. ↑ Мероприятия к 80-летию Победы стартуют уже с января | Победа РФ | Новость от 19.11.2024, Победа РФ | Новости, история, патриотизм (19 Сундерьков 2024). Ваннозь 19 Сундерьковонь 2024.
  10. ↑ Фицо принял приглашение Путина посетить празднование 9 Мая, РИА Новости (27.11.2024). Ваннозь 27 Сундерьковонь 2024.
  11. ↑ Фицо считает личным долгом посетить Москву в День Победы, TACC (12.12.2024). Ваннозь 12 Ацамковонь 2024.
  12. ↑ При полном параде: президента Индонезии пригласили на 80-летие Победы 9 мая, Известия (28 Ацамков 2024). Ваннозь 13 Якшамковонь 2025.
  13. ↑ Россия продолжит борьбу с фальсификацией истории | Победа РФ | Новость от 18.12.2023, Победа РФ | Новости, история, патриотизм (18 Ацамков 2023). Ваннозь 19 Сундерьковонь 2024.
  14. ↑ Победу над нацизмом отметят с размахом | Победа РФ | Новость от 19.12.2023, Победа РФ | Новости, история, патриотизм (19 Ацамков 2023). Ваннозь 19 Сундерьковонь 2024.
  15. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов. government.ru (8 Панжиковонь 2024). Дата обращения: 19 Сундерьковонь 2024.
  16. ↑ Указ Главы Республики Мордовия от 28 июня 2024 г. № 161-УГ «О подготовке и проведении празднования 80-й годовщины Победы в Великой Отечественной войне 1941 – 1945 годов»
  17. ↑ В Мордовии утверждён состав организационного комитета «Победа»
  18. ↑ В Мордовии начали подготовку к 80-летию Победы
  19. ↑ Ветераны Великой Отечественной войны получат по 80 тыс. рублей | Эксперт. Эксперт. Дата обращения: 15 Якшамковонь 2025.

Ссылкат

[витнемс | витнемс-петнемс лисьмапрянзо]
© Те сёрмадовксонть весе праватне «РУВИКИ» интернет-энциклопедия» Автономной аволь коммерческой организациянть
(АНО-нть).
Путомс те сёрмадовксонть лия сайттнэсэ мереви ансяк «РУВИКИ» интернет-энциклопедия» Автономной аволь коммерческой организациянть (АНО-нть) мереманзо вельде.
Саезь "https://myv.ruwiki.ru/w/index.php?title=Ине_Отечествань_войнасо_Изнямонь_80_иень_тешкстамо&oldid=352906"-стэ