Россиянь Федерациянь федеральной округтне

Россиянь Федерациянь федеральной округтне
Россиянь Федерациянь федеральной округтне
Лемдязь	федеральной округсо Россиянь Федерациянь Президентэнь полномочной представитель[d]
Мастор	Россиянь Федерация;
Теиця	Владимир Владимирович Путин
Прявт текст	2000-це иень панжиковонь 13-це чистэ РФ-нь Президентэнь 849-це № кармавтома[d]
Теемань шка	2000-це иень панжиковонь 13-це чи
	Россиянь Федерациянь федеральной округтне

Росси́янь Федера́циянь федера́льной о́кругтне (руз. Федера́льные округа́ России́ской Федера́ции) теезельть 2000-це иень панжиковонь 13-це чистэ Владимир Путин Россиянь Федерациянь Президентэнь «Федеральной округсо Россиянь Федерациянь Президентэнь почномочной представительде» 849-це № кармавтомасо^[1]. РФ-нь Конституциясо а ваннови, ансяк ялатеке зярыя содыйтне кандыть округтнень административно-территориальной единицатнень юткс^[⇨].

Косто весемесь саевсь

2000-це иестэ федеральной округтнестэ весемезэ теезельть федеральной сисем округт. Сынст ламочинь (кавксос) ды составонь васенце полавтомакс кармась 2010-це иень якшамковонь 19-це чистэ Д. А. Медведев Президентэнть кармавтоманзо лангс нежедезь Южной федеральной округсто Северо-Кавказской федеральной округонь (руз.) (эрз. явомась. Омбоцекс — 2014-це иестэ Россиянтень вейсэндязь таркатнесэ Крымень федеральной округонь теевемась. Колмоцекс — 2016-це иестэ Обедъёнксонь федеральной округонтень Крымень федеральной округонть вейсэндямось, нилецекс (ды вейкине составонь полавтомакс, ансяк аволь ламочинть) — Сибирень федеральной округсто Бурятия Республиканть ды Забайкальской краенть 2018-це иестэ Дальневосточнойс ютавтомась. Вейкине полавтомакс округтнень лемтнесэ ульнесь ушодксонь Пелевеёнксонь-Кавказонь округонть Лемезэ Лембеёнксонь 2000-це иень аштемковонь 21-це чистэ (седе мейле сонзэ эйстэ Пелевеёнксонь-Кавказонь од округонь явоманть видьс).

Сехте покш округокс эрицятнень ламочист, сеедечист ды субъекттнэнь ламочист коряс ловови Центральной округось (руз.) (эрз., территориянть покшолманзо коряс — Дальневосточной округось. Сехте вишкинекс тарканть коряс Ловови Пелевеёнксонь-Кавказонь округось, ламочинть ды эрицятнень плотностенть коряс — Дальневосточной округось, субъекттнэнь ламочист коряс — Уралонь округось. Уралонь ды Куншкань округтнень арасть эсест субъекттнэнь ютксо республикаст — васенценть улить вейке субъектэнь-областень автономной округост, омбоценть жо невтить ансяк областтне ды федеральной смустень ошось. Северо — Кавказской округсонть арась вейкеяк область (куш ули вейке край), теде башка, те округось-вейкине, конасонть арасть округонь эрицятнень сехте покш пельксэст этнической рузтнэ, конатнень сехте покш пельксэст Центральной округсонть.

Весе округтнень улить модань границаст лия мастор марто. Северо-Западной ды Дальневосточной округтнень улить субъектэст, конатнень арась модань границаст Россиянь лия субъекттнэнь ды прявт территориянть марто. Куншка, Равчирень ды Пелеве-Кавказонь округтнень арась лисемаст модамасторонь иневедентень (куш меельцесь лиси Каспиянь иневедентень-эрькентень). Равчирень округось Ловови сехте покш промышленной ды велень хозяйствань производствань пельксэнть коряс Россиянь экономикасо; Уралонь округось максы сехте покш налогонь пандовкст, конат теить федеральной бюджетэнть.

Правань статусось

Федеральной округтне а лововить РФ-нь субъектэкс ды овсе а тешкстазь россиянь Конституциясо. Теке марто башка исследовательтне арсить, што округтне лововить од типень административно-территориальной единицакс^[2]^[3]. Теде башка, научной литературасонть гайгсь мель федеральной округтнень, россиянь революциядо икелень генерал-губернаторстватнень ды "нилеце республикань шкаст"о региононь мероприятиятнень французонь округтнень ютксо аналогиятнень улемадост.^[4].

Федеральной округсо Россиянь Федерациянь Президентэнь полномочной представителесь (руз.) (эрз. а ашти руководителекс округонтень совиця субъекттнэнь прявттнэнь туртов. Сон ашти РФ-нь Президентэнь представителекс ды лади округтнень уровнясо исполнительной властень федеральной органтнэнь территориальной органтнэнь важодемаст. Сынст юткс кандовить:

РФ-нь Генеральной прокуратурань управлениясь;
Росгвардиянь ушмонь окургось;
Россиянь Банконь прявт управлениятне;
Россиянь Федеральной таможенной службань регионтнэсэ управлениятне;
Государственной резерватнень коряс федеральной агенствань управлениятне;
Роскомнадзоронь управлениясь;
Пертьпельксэнь ванстомань коряс федеральной службань департаменттнэ.

Куншкакуротне

Округтнесэ тешкстазь административной куншкакурот-ошт, косо важодить сынст прявт органтнэ президентэнь полномочной представителекс, сонзэ аппаратокс ды федеральной ведомствань управлениякс. Федеральной кавто округонь административной куншкакуротне а лововить федеральной округсо покш ошокс: Равчиренсесэнть (Нижний Новгородось седе вишкине Казаньдэ) ды Северо-Кавказонсесэнть (Пятигорскоесь чеде вишкине Махачкаладо, Ставропольде, Владикавказдо, Грознойде ды Нальчиктэ). Теке марто Крымень федеральной округонть лоткавтомадонзо икеле истямо тев ульнесь эйсэнзэ: Симферополесь Севастополенть коряс седе вишкинель. Кавто федеральной округтнесэ административной куншкакуротне сынсь Аштить Федерациянь субъектэкс (федеральной смустень оштне: Санкт-Петербург Северо — Западной федеральной округсо, Москов — Центральной). Россиясо Южной федеральной округось ловови вейкине округокс, косо федеральной смустень ошось (Севастополесь) а ловови округонь куншкакурокс.

Тешкставкст

↑ Указ Президента Российской Федерации от 13 мая 2000 г. № 849 «О полномочном представителе Президента Российской Федерации в федеральном округе»
↑ Черкасов К. В. Федеральные округа: сущность и место в территориальном устройстве России // Государство и право : журнал. — М.: Наука, 2008. — Ацамков (№ 12). — С. 68. — ISSN 0132-0769.
↑ Федорец М. Н. Федеральные округа: значимость и роль в государственно-территориальном устройстве Российской Федерации // Государство и право : журнал. — М.: Наука, 2018. — Ожоков (№ 10). — С. 139. — ISSN 0132-0769.
↑ Власов В. И. О должности генерал-губернатора в Российской Федерации (к 10-летию учреждения федеральных округов) // Государственная власть и местное самоуправление : журнал. — М., 2010. — № 8. — С. 11—13. — ISSN 1813-1247.

Ссылкат

Перечень федеральных округов Утверждён Указом Президента Российской Федерации от 13 мая 2000 года N 849 (с изменениями на 10 мая 2015 года) // Указ Президента РФ «О полномочном представителе Президента Российской Федерации в федеральном округе» от 13 мая 2000 года № 849 (с изменениями на 20 октября 2015 года)
Официальные сайты федеральных округов:

[ukaz849-1] Указ Президента Российской Федерации от 13 мая 2000 г. № 849 «О полномочном представителе Президента Российской Федерации в федеральном округе»

[2] Черкасов К. В. Федеральные округа: сущность и место в территориальном устройстве России // Государство и право : журнал. — М.: Наука, 2008. — Ацамков (№ 12). — С. 68. — ISSN 0132-0769.

[3] Федорец М. Н. Федеральные округа: значимость и роль в государственно-территориальном устройстве Российской Федерации // Государство и право : журнал. — М.: Наука, 2018. — Ожоков (№ 10). — С. 139. — ISSN 0132-0769.

[4] Власов В. И. О должности генерал-губернатора в Российской Федерации (к 10-летию учреждения федеральных округов) // Государственная власть и местное самоуправление : журнал. — М., 2010. — № 8. — С. 11—13. — ISSN 1813-1247.

[1]

[2]

[3]

[4]