Арзамасонь Олёна

Арзамасонь Олёна
Арзамасонь Олёна
	; Олёна Арзамасскаянь портретэзэ
Чачома чизэ	асодавикс
Чачома тарказо	Арзамасонть ало Выездной Слобода веле ; (ней Нижний Новгород ёнкс)
Кулома чизэ	1670-це иень ацамковонь 4-це чи
Кулома тарказо	Темников, Рузонь царства[d];
Масторозо	Рузонь царства[d];
Важодемазо	казаконь атаман

Арзама́сонь (Темнико́вонь) Олёна, (неизвестно, Арзамас — 1670-це иень ацамковонь 4-це чи, Темников) — казакава, атаман^[1], 1670—1671-це иетнестэ Степан Разинэнь прявтсо Сокицянь-видицянь войнань шкасто ульнесь Арзамасонь уездсэ чиицянь ды крепостной ломанень покш отрядонь прявтокс.

Эрямокизэ

Чачсь Выездной Слобода (руз.) (эрз. Арзамас ало казаконь велесэ. Содазь, пек одсто сонзэ максызь мирденень сыре сокиця-видиця экшс, ансяк тонась эрясь а кувать, ды аламо шкань ютазь сон кармась довакс. Мирдензэ куломадо мейле сон тусь монахинякс Арзамасонь Николаевской монастырьсэ^[2], косо кармась содамо сёрмас, кармась содамо кода ды мейсэ лечамс ломанть (лия источникень коряс, грамотас тонавтызе мирдезэ).

1669-це иестэ, зярдо ушодовсь Степан Разинэнь (руз.) (эрз. прявтсо сокицянь-видицянь кепедевемась, Олёна кадызе монастыренть ды мольсь кепсевицятнень юткс. Сонензэ удалась пурнамс 300—400 ломаньстэ отряд, ды мартост сыргась Темников ош ёнов, кона ашти Окань ды Мокшань сянглейсэ. 1670-це иестэ сонзэ отрядозо вейсэндявсь Фёдор Сидоровонь отрядонзо марто, лазнызе Арзамасонь воеводанть Леонтий Шайсуковонь отрядонзо. Теде мейле сон ветизе 700 ломаньстэ отрядонть Арзамассто Шацк ошов, мейле велявтсь ды саизе Темниковонть. Олёна кавто ковдо седе ламо ошонть ды ушмонть прявтсоль. Отрядсонть лововсть 2 000 повстанецтэ ламо.

1670-це иень сундерьковонь 30-це чистэ Олёнань ушмозо тапазель инязоронь мотнесэ. Ацамковонь 4-це чистэ Олёнань кундызе Темниковсо Юрий Долгоруков (руз.) (эрз. воеводась. Сонзэ судизь пултамс сруб потсо кода разбойницанть^[3].

Олёнанть маштомадо сёрмадсть се шкань омбо масторонь ломанть. Питней ёвтнема Арзамасонь Олёнадо ванстовсь 1677-це иестэ нолдазь Германиясо брошюрасонть «Поучительные досуги Иоганна Фриша или примечательные и вдумчивые беседы, в которых речь идёт о полезных и поучительных материях, а также каждый раз сообщается о важнейших событиях нашего времени». Фриш сёрмады:

Разинэнь маштомадо зярыя чиде мейле ульнесь пултазь монахиня, кона, сонзэ марто вейсэ улемстэ, прок амазонка, икельдинзе цёратнень эсь а ёвтавикс смелчисэнзэ. Зярдо ушмонь пельксэнть порксызе Долгоруков, сон, сынст предводителекс улемстэ, кекшсь церьковас ды поладсь тосо истя кеместэ каршо молеме, натой васня леднинзе весе налонзо, конатнесэ чавокшнось сисемшка эли кавксошка ломанть, ды теде мейле, кода неизе, седе тов а цидярды, юкстизе торонзо, ёртызе сонзэ ве ёнов ды келемтезь кедензэ марто кунст прась алтарентень. Истя аштезь сонзэ муизьгак тов ёртовозь солдаттнэ. Аванть, нать, ульнесь аёвтавишка виезэ, секс мекс, Долгоруковонь армиясо эзь муеве вейкеяк, кие бу усковлизе пес сонзэ налчирькензэ. Сонзэ мужествазо неявсь казнямонзо ютавтомстояк, зярдо сон састо мольсь хижинанть крайс, кона теезель Московонь койтнень коряс чувтосто, олгосто ды лия палыця кедьёнкссто, ды, крёстазь ды лия коень ютавтозь, смелстэ кирнявтсь эйзэнзэ, хлопадизе эсь мельга вельксэнть ды, зярдо весемесь тол потсоль, эзь нолда вейкеяк гайть^[4].

Литературасо образозо

Иван Наживинэнь «Казаки» исторической романось (1928-це ие);
Дмитрий Кедринэнь «Песня про Алёну-Старицу» поэмась (1938-це ие);
Степан Злобинэнь «Степан Разин» исторической романось (1951-це ие);
Арзамасонь Олёнадо пелькс ули Наталья Кончаловскаянь «Наша древняя столица» книгасо, те пельксэсь ашти кода валморос киртязь рузонь история^[5];
Арзамасонь Олёнанень алтазь Елена Нестеровань дононь содавикс валморонь сёрмадыцянть поэмась^[6];
Кузьма Абрамов эрзянь классикесь «Олячинть кисэ» («За волю»; 1989-це ие) эсензэ романсо-сказаниясо ёвтни Средней Поволжьянь 1670—1672-це иетнестэ раськетнень тюремадост инязоронь воеводатнень ды бояртнэнь каршо, ды а юты Акай Боляев ды Арзамасонь Олёна кепедевемань прявттнэнь вакска;
Валерий Замыслов Ярославлянь сёрмадыцянть «Алёна Арзамасская: Сказание о легендарной воительнице Алёне Арзамасской и удалом атамане Илейке Иванове» книгась^[7];
Михаил Петровонь «Алёна Арзамасская» исторической романось (1991-це ие);
Вячеслав Бариновонь «Красный петух» исторической повестесь (1992-це ие);
Виктор Карпенконь «Алёна Арзамасская» исторической романось (1993-це ие);
Т. Н. Митряшкинэнь (Тимофей Тиминэнь) «Горит Эрзяния» повестесь (2000-це ие) алтазь «Эрзамасонь Олёна — отечественной историянь мазый ды ачарькодевикс авантень»;
«Степан Разин» хроникась Борис Рябухинэнь драмань трилогиясонть «Российские хроники» пусмостонть(2002-це ие);
Борис Рябухинэнь очеркесь «Крестьянский атаман Алёна» «Выход в небо» пусмосонть (2005-це ие);
Константин Скворцовонь «Алёна Арзамасская» пьесась (2010-це ие)^[8];
Крупняков Аркадиень «Есть на Волге утёс» исторической романось (2006-це ие)^[9].

Тешкставкст

↑ Алексей Иванов. Атаман Алёна Арзамасская (руз.). Уральский следопыт (Таштамков 1987). Дата обращения: 16 Ожоковонь 2025.
↑ История монастыря (руз.). Арзамасский Николаевский женский монастырь. Дата обращения: 16 Ожоковонь 2025.
↑ Анна Кавалли. Ведьма-атаманша: как Алёна Арзамасская стала военачальницей во время восстания Разина (руз.). www.forbes.ru. Дата обращения: 16 Ожоковонь 2025.
↑ Сообщения газет и хроник XVII века (руз.) (1975). Дата обращения: 16 Ожоковонь 2025.
↑ Кончаловская Н. П. Наша древняя столица (издание 1972 г.; с ил. Владимира Фаворского) (неопр.). Дата обращения: 16 Даволковонь 2012. Архивировано 26 Якшамковонь 2012 года.
↑ Нестерова Е. В. Рассветные окна: Стихи и поэма. — Ростов-на-Дону: Книжное издательство, 1982. — 79 с. — 6000 экз.
↑ Валерий Замыслов. Карточка издания: Алена Арзамасская : Сказание о легендарной воительнице Алене Арзамасской и удалом атамане Илейке Иванове (руз.). unis.shpl.ru (2002). Дата обращения: 16 Ожоковонь 2025.
↑ Скворцов К. В. С42 Избранные произведения. Книга вторая. «Царские игры» М.: ИХТИОС, 2010. — 688 с. ISBN 978-5-8402-0207-4 «Алёна Арзамасская» c.291.
↑ Крупняков Аркадий - Есть на Волге утёс (руз.). livelib.ru (2006). Дата обращения: 16 Ожоковонь 2025.

Литература

Бауэр А. В. Рождение мифа об Алёне Арзамасской // Вестник Удмуртского университета. — 2017. — Т.27. — вып.4. — стр. 624—628.

Ссылкат

Степан Разин и его соратники

[1] Алексей Иванов. Атаман Алёна Арзамасская (руз.). Уральский следопыт (Таштамков 1987). Дата обращения: 16 Ожоковонь 2025.

[2] История монастыря (руз.). Арзамасский Николаевский женский монастырь. Дата обращения: 16 Ожоковонь 2025.

[3] Анна Кавалли. Ведьма-атаманша: как Алёна Арзамасская стала военачальницей во время восстания Разина (руз.). www.forbes.ru. Дата обращения: 16 Ожоковонь 2025.

[4] Сообщения газет и хроник XVII века (руз.) (1975). Дата обращения: 16 Ожоковонь 2025.

[5] Кончаловская Н. П. Наша древняя столица (издание 1972 г.; с ил. Владимира Фаворского) (неопр.). Дата обращения: 16 Даволковонь 2012. Архивировано 26 Якшамковонь 2012 года.

[6] Нестерова Е. В. Рассветные окна: Стихи и поэма. — Ростов-на-Дону: Книжное издательство, 1982. — 79 с. — 6000 экз.

[7] Валерий Замыслов. Карточка издания: Алена Арзамасская : Сказание о легендарной воительнице Алене Арзамасской и удалом атамане Илейке Иванове (руз.). unis.shpl.ru (2002). Дата обращения: 16 Ожоковонь 2025.

[8] Скворцов К. В. С42 Избранные произведения. Книга вторая. «Царские игры» М.: ИХТИОС, 2010. — 688 с. ISBN 978-5-8402-0207-4 «Алёна Арзамасская» c.291.

[9] Крупняков Аркадий - Есть на Волге утёс (руз.). livelib.ru (2006). Дата обращения: 16 Ожоковонь 2025.

[1]

[2]

[3]

[4]

[5]

[6]

[7]

[8]

[9]