Hell Energy

Hell Energy
Мастор	Мадьяронь Мастор
Дата основания / создания / возникновения	2006
Официальный сайт	hellenergy.com
SEO_description	Hell Energy — изучайте подробную и систематизированную информацию в интернет-энциклопедии РУВИКИ
Страна происхождения	Мадьяронь Мастор
Производитель	Q107464321?
SEO_title	Hell Energy — Рувики: Интернет-энциклопедия

Hell Energy — Hell Energy LTD мадьяронь компаниянь энергетической симемапель.

Историясь

Компанись теезель 2006-це иестэ, секе жо иестэнть кармась тееме ды миеме эсь симемапеленть. Колмо иень перть Hell Energy LTD Венгриясо теевсь рынкань лидерэкс. Брендэнть содавиксэкс теевемасо покш тарка сайсь Уильямс Формула-1-нэнь команданть марто спонсорской соглашениясь. 2015-це иес симемапелесь теевсь рынкань лидерэкс истят мастортнэсэ кодаРумыния, Болгария, Словакия, Кипр ды Азербайджан; сон истя жо рамави мирэнь ниленьгеменде ламо мастортнэсэ. Компаниянть штаб-квартиранзо улить Венгриясо, Румыниясо, Великобританиясо, Россиясо ды Кипрасо.

Hell Energy-сь - Авалон-Парконь строиця ды азор. Авалон-Паркось — Мишкольцсо развлекательной комплекс ды спа марто курорт.

Симемапелесь невтезель европань сехте покш выставкатнесэ - Кёльнсо, Парижсэ ды Московсо Весемирэнь продовольственной выставкасо. 2008-це иестэ тензэ максозельть «Лучшая новинка» ды «Лучший энергетический напиток» премиятне.

Заводось

Компаниянь заводось строязель 2011-це иестэ Сиксосо. Эйсэнзэ кедьгень (банкань) пештемань кавто линият (производственной виевчист (мощностест) - сутказонзо 2 млн банкат). Истя жо ули симемапеленть мельга ваннома лаборатория. Заводонть безопасностень сертификатозо сехте покш — FSSC22000. 2012-це иестэ Дюссельдорфсо производителень церемониясо сонзэ ловизь Европань колмо сехте паро заводтнэстэ вейкекс. Заводонть вийсэ теемс 500 миллионт бутылкат, сонзэ ули 6,000 м2 покшолмасо автоматизированной логистической центразо. 2011-це иестэ саезь истя жо моли экспортонь туртов производства.

Ингредиенттнэ

Вейке банкасо кофеиндэнть 250 мл-с 80 мг, те прок вейке чакшке кофе.