«Ойме» фольклоронь морокуро

Отсутствует элемент Викиданных

«Ойме» (руз. душа, лат. OYME) — фольклоронь морокуро. Ульнесь пурназь Московсо. Пурнызяцо Анж Ёлганя. Морыть раськень морот, лайшемат эрзянь, мокшонь ды шокшонь кельтнесэ.

«Ойме»-с совицянзо

Морыть: Ежевика (Анж Ёлганя), Зыбкина Лариса, Кудинова Ксения. Соколов Михаил – налкси перкуссияссо, Осколков Влад – скрипкассо. Осинский Валентин – гайтеньрежиссёр. Осинский Владимир - саунд-продюсер.

Морамо-седямо кужонть пурнамсто иешка морась Ёлганя марто Панишень Аня.

Морот

«Куданьконь Кияксова»
«Пандозе»
«Савань Терюша»
«Морадо»
инструментсэ налксема «Ознома»

«Ойме»-сь Россиянь ды Омбомастортнева

2010 иень ожоковонь 27-31 читнестэ ульнесть омбомасторонь невтемасо WOMEX’10^[1] Копенгаген ошсо (Дания Масторсо. Весемикс 2440 музыкань пурнавкст ды морыцят 94 масторсто. «OYME» морамо-седямо кужось ульнесь вейкесь колмотнень эйсте Россиянь Масторсто.
2011 иень панжиковонь 19 чистэ «OYME» морамо-седямо кужось морась «Идем Мента» (руз. «Дикая Мята») этно-фестивальсэ («Этномир», Петрово веленть вакссо Боровонь буе, Калугань ёнкс).
2011 иень панжиковонь 25 чистэ «OYME» морасть «Мирэнь теема» (руз. «Сотворение Мира») фестивальсэ (Казань ош).
2011 иень медьковсто «OYME» сакшнось «Иван Купала» фестивалев (Калуга ош алов).
2011 иень таштамковонь 4 чистэ «OYME» морамо-седямо кужось вадрясто ютавтызь шканть «Урожай» Омбомасторонь фестивальсэ (Коломенское таркасо).
2011 иень сундерьковонь 12 чистэ Саран ошсо «OYME» ды «Калинов Мост» пурнавкстнэ морасть вейсэ.