Эрзянь кель

Википедиясто материал - аорев содамкундосто
Эрзянь кель
Эсьлем Эрзянь кель
Масторт Россия, Азербайджан, Казахстан, Киргизия, Туркмения, Узбекистан, Украина
Ёнкст Мордовия, Чувашонь Мастор Татаронь ёнкс, Башкирэнь ёнкс, Алоошонь ёнкс, Ульянонь ёнкс, Пенза ёнкс, Самара ёнкс, Саратов ёнкс, Оренбургонь ёнкс,
Келень содыцятнень ламоксчись 114 540. ломанть масторсо, 36 700 ломанть Россиясо[1], 500[2] (Армениясо)
Статус есть угроза исчезновения[d][3]
Классификация
Категория Евразиянь кельть

Финнэнь-угрань кельть

Финнэнь-пермень тарадалкс
Финнэнь-равонь группас
Сёрмадомачись криллицась[d]
Келень кодт
ГОСТ 7.75–97 эрз 835
ISO 639-1
ISO 639-2 myv
ISO 639-3 myv
WALS moe
Atlas of the World’s Languages in Danger 350
Ethnologue myv
Linguasphere 41-AAD-aa
ELCat 3207
IETF myv
Glottolog erzy1239
Wikipedia-logo-v2.svg Кельсэнть Википедиясь
Эрзянь кельсэ кортавкстнэ максозь сэнь тюссо

Э́рзянь кель — совавтови уралонь келень кудораськень финнэнь-угрань келень тарадонь финнэнь-равонь куронь пельксэнтень. Эрзянь кельсэ кортыть эрзянь ломанть.

Эрзянь келень гайттнень сёрмадовомс саевить кириллицань 33 тешкст-букват.

Весе россиянь 2010-це иень сёрмадстоманть коряс масторсонок эрицятнестэ эрзянь келенть кода тиринсекс тешкстызь 36 726 ломанть[4].

Эрзянь алфавит

А а Б б В в Г г Д д Е е Ё ё Ж ж
З з И и Й й К к Л л М м Н н О о
П п Р р С с Т т У у Ф ф Х х Ц ц
Ч ч Ш ш Щ щ Ъ ъ Ы ы Ь ь Э э Ю ю
Я я

Эрзянь келень гайттне явовить гласнойс ды согласнойс:

Согласнойтне эрсить:

а) аволь парнойть: б, в, г, ж, й, к, м, п, ф, ч, х, ш;

б) парнойть:

калгодот: д, з, л, н, р, с, т, ц;
чевтеть: дь, зь, ль, нь, рь, сь, ть, ць;

в) гайгицят: б, в, г, д, ж, з, й, л, м, н, р;

г) а гайгицят: п, ф, к, х, т, ш, ч, с, ц;

д) вешкевикст: з, с, ц;

е) шипящейть (свал калгодот): ж, ш, ч.

Моравикст: а, о, у, э, и, ы. Теевемань коряс моравикстнэ явовить:

а) икельце рядонь: и, э;

б) куншка рядонь: ы, а;

в) удалце рядонь: о, у.

Я тешксэсь сёрмадови:

а) а гайтенть невтемс ялганек чевте а моравикстэ-согласнойде мейле дь, зь, ль, нь, рь, сь, ть, нь. Сайсынек: озяз, пандя, коня;

б) йа гайттнень невтемс. Саемга: куяр, ялга, ямкс.

Ё тешксэсь сёрмадови:

а) о гайтенть невтемс ялгань чевте аморавикстэ мейле. Саемга: сёрма, цётмар, конёв, сёксь;

б) йо гайттнень невтемс. Саемга: ёвкс, ёндол.

Ю тешксэсь сёрмадови:

а) йу гайттнень невтемс. Саемга: ютко, юр, ютамс.

Е тешксэсь сёрмадови:

а) э гайтенть невтемс чевте ялганек аморавикстэ мейле. Саемга: сезьган, зепе, иде'мс, теле, кирдемс;

б) э гайтенть невтемс аволь ялганек аморавикстэ-согласнойде мейле. Саемга: лембе, вайгель, кев, меремс;

в) э гайтенть невтемс iипящейде мейле. Cынь свал калгодот. Саемга: неже, вешемс, ченгемс.

И тешксэсь сёрмадови:

а) ы гайтенть невтемс шипящейде мейле. Сынь свал калгодот. Саемга: панжи, веши, чачи.

Ы тешксэсь сёрмадови:

а) калгодо ялганек келень-пеень аморавикстнэде мейле.

Сайсынек: сы, пезы, тынь, ды, лырнэмс, моры, ваны;

б) турвань-пеень эли турвань-турвань аморавикстнэде мейле. Сайсынек: пыхадемс, бызнэмс, вырновтомс, мырнэмс.

Э тешксэсь сёрмадови:

Калгодо ялганек келень-пеень аморавикстнэде мейле.

Сайсынек: тесэ, пезэмс, скалнэ, пикстэ, тылдэ.

Эрзянь келенть тевс нолдамозо

Саран ошсо куронь лемтне максозь колмо кельсэ: рузонь, мокшонь, эрзянь.

Мордовия Республикасо рузонь ды мокшонь кельтнень марто ашти государственной келекс.

Косо вастневи келесь:

  • «Эрзянь Правда», «Эрзянь Мастор», «Ялгат» (лисни Ульянонь ёнксо) кулялопатнесэ;
  • «Ава» журналтнэcэ;
  • «Россия 1» телеканалонь "Мордовия" ГТРК-нь «Сияжар» раськень куросо, «Мордовиянь Телесеть - 10-це каналонь» «Од пинге», «Народное телевидение Мордовии» телеканалонь «Вал» передачатнесэ;
  • Саран ошсо ули эрзянь «Вайгель» раськень радио. Сонзэ толкунозо 100,6 FM. 07:00 чассто саезь 07:30 чассос ветямось моли эрзянь кельсэ, 07:30 чассто саезь 08:00 чассос - мокшонь кельсэ.
  • «Эрзянь Вайгель»[5], «Erzyaks.ru»[6] интернет-курот.
Мордовия Республикань Раськень политикань комитет (якстересэ невтезь эрзянь кельсэ сёрмадовксось)


РУВИКИ лувдо

Э тешкстэсь маштови сёрмадомс:

а) "к" эли "г" тешкстэ мейле, зярдо икелензэ ашти калгодо ялганек пеень-келень аморавикс гайть, ды сынсь "к" ды "г" гайттнеяк калгодот.

Сайсынек: сескэ (калгодо "к") карадо каршо аравтови сеське (чэвте "к") марто.

б) Калгодо "ч", "ш" ды "ж" тешксттнэде мейле.

Сайсынек: чэвте, шэржэй.

Ы тешкстэсь маштови сёрмадомс:

"к" эли "г" тешкстэ мейле, зярдо икелензэ ашти калгодо ялганек пеень-келень аморавикс гайть, ды сынсь "к" ды "г" гайттнеяк калгодот.

Сайсынек: кискыне (калгодо "к") карадо-каршо аравтови киськине (чэвте "к") марто.

Калгодо "ч", "ш" ды "ж" тешксттнэде мейле.

Сайсынек: чыемс.

Кой-зярдо эрзясь ёвтасы пиже ды пыже.

Ванодо

Кунсолодо



  1. REDIRECT ЛопаПарцун:Navbox