Авиадиспетчерэнь раськеютконь чи
| Авиадиспетчерэнь раськеютконь чи | |
|---|---|
 | |
| Аравтозь | 1961-це иень ожоковонь 20-це чистэ |
| Тешкстамонь чись | ожоковонь 20-це чи |
 Авиадиспетчерэнь раськеютконь чи | |
Авиадиспе́тчерэнь раськею́тконь чи (руз. Междунаро́дный день авиадиспе́тчера) — авиадиспетчерэнь ды коштсо ливтямсто ветямонь важодицянь профессиональной покшчи. Авиациянь диспетчерэнь чись тешкстави эрьва иень ожоковонь 20-це чистэ[1].
Косто саевсь покшчись
1961-це иестэ Амстердам Нидерландань прявтошсо пурназель Авиациянь диспетчерэнь ассоциациятнень раськеютконь федерация[2]. Те покшчись, кона пек эряви авиациянть ёндо кандстонь ды ломанень усксемстэ стандартизациянть туртов, путызе профессиональной од покшчинтень юронть.
Те покшчинь тешкстамонь коесь чачсь Россиясо. 90-це иетнень перть Россиянь Авиациянь диспетчерэнь профсоюзонь федерацияс совицятне аволь весть кепсизь Россиянь Федерациянь авиациянь кирдивийтнень икеле кевкстеманть, кона сюлмазь авиадиспетчерэнь профессиональной покшчинь кемекстамонть марто, кона улевель сюлмазь ледстнемань чинть марто ды кона сюлмавлинзе СССР-сэ — Россиясо те профессиянь историянть ды гражданской авиациянь движениянь службатнень. Ансяк те кевкстемась ваннозь эзь ульне. Седе тов, Аэронавигациянь историянь те кевкстеманть коряс ды се шкань кирдивийтнень пельде мелень а явоманть кис Россиянь Авиациянь диспетчерэнь профсоюзонь федерацияс (ФПАД-с) совицятне арсесть, 1993-це иестэ Россиянь Авиациянь диспетчерэнь профсоюзонь федерациянть Авиациянь диспетчерэнь раськеютконь ассоциацияс (профсоюзс) (IFATCA-с) совавтомань чись кадык карми лововомо IFATCA-нь теемань-пурнамонь чикс — Диспетчерэнь чикс ды кадык истямо чистэнть эрьва иестэ кучневить поздоровт те покшчинть марто Россиясо ды Олячинь Масторонь Вейсэндявкссо (СНГ-сэ) важодиця ялгатненень. Вана истя Россиясо чачсь коесь тешкстамс Авиадиспетчерэнь раськеютконь чинть — ожоковонь 20-це чистэ, конась неень шкасто тешкстави СНГ-нь ламо мастортнэсэ. Теде башка покшчинть кастомга — ожоковонь 20-це чистэ, конань ютавтни Россиянь Авиациянь диспетчерэнь профсоюзонь федерациясь, Россиянь авиациянь кирдивийтне кармасть арсеме, IFATCA-нь теемань-пурнамонь чись кадык карми лововомо Авиадиспетчерэнь раськеютконь чикс ды ней эрьва иестэ Россиянь коштсо ливтямонь ветямонь службань важодицятнень туртов кучневить поздоровт Россиянь гражданской авиациянь кирдивийтнень пельдеяк.
А. В. Нерадько Аэронавигациянь федеральной службань прявтось Авиадиспетчерэнь чинтень поздоровонь валсо ёвтась:
Авиациясь свал тердсь эстензэ ёроковтнень, превейтнень ды виевтнень, конат парсте маштыть ютамо стакачитнень, ванстомо важодемань кемечинть ды поладомо каштанчисэ аштиця ветерантнэнь койтнень. Менелесь свал сюлми масторт ды континентт, важодемат, вейке-вейкенень лездамось ды малавикс ломанентень лезксэсь свал максыть миненек теемс сонзэ зыянтомокс ды панжадокс сэтьмечинь тевсэ.
Факттнэ
Те чистэнть, 2014-це иень ожоковонь 20-це чистэ, Москов ошонь «Внукова» аэропортсо лиссь зыян, зярдо кулость ниле ломанть. Лисезенть эйсэ чумотнень эйстэ вейкенть ловить авиадиспетчерэнть[3].
1961-це иестэ Диспетчерэнь чинь тешкстамодо историянь (коень) ушодовомань мелесь-арсемась — аволь виде.
Авиациянь зыянтнэ, конат лиссть диспетчерэнь ильведевксэнь кис:
- Боденэнь эрькенть велькссэ эшкевема;
- Суруганть велькссэ явовома;
- Мату-Гросунть велькссэ эшкевема.
Тешкставкст
- ↑ Международный день авиадиспетчера в 2025 году: история и традиции праздника (руз.). РИА Новости. Дата обращения: 1 Ожоковонь 2025.
- ↑ Международный день авиадиспетчера (руз.). Комсомольская правда (20 Ожоковонь 2022). Дата обращения: 1 Ожоковонь 2025.
- ↑ Чёрный день авиадиспетчера «Внуково» (руз.). Московский Комсомолец (21 Ожоковонь 2014). Дата обращения: 1 Ожоковонь 2025.