Аволь алкуксонь куз
Аволь алкуксонь куз — Од иень кузонь кондямо теевкс, кона сеедьстэ нолдтневи тевс Од иень покшчитнестэ. Аволь алкуксонь сех васенце кузтнэ тейневсть чувтосто, ульнесть пирамидань кондямокс, конат неявсть теке Од иень кузокс, эли тейневсть нармунень толгасто. Арсицяст ульнесть немецть. Неень шкань аволь алкуксонь кузтнэ тейневить поливинилхлоридстэ; теке марто лия материалстояк — саемга, алюминийстэ эли оптикань сэльгестэ.
Косто весе саевсь
Аволь алкуксонь васенце кузтнэ появасть Германиясо XIX-це пингестэ[1], ансяк улить седе икелень нолдавксткак. Сынь тейневсть пиже тюсссо галань артозь толгасто. «Толгань чувтотнень» немецтне невтсть кода Германиясо виртнень аламолгадоманть каршо бороцямо[1]. Галань толгасто 1880-це иетнестэ теезь аволь алкуксонь кузтнэ кармасть вечкевиксэкс ХХ-це пингень ушодкссто. Зярыя шкань ютазь сынь кармасть содавомо Американь Вейсэндязь Штатсо (США-со), косо ульнесть пек вечкевиксэкс[2][3].
США-со аволь алкуксонь кузтнэ икельдизь «Роштовань алкуксонь чувтотнень». Неть васенце «чувтотне» ульнесть чувтонь пирамидакс, конат теезельть чувтонь кондямокс ды валдомтозельть штатолсо. Сынь теезельть Вифлеемсэ (Пенсильвания штатось) 1747-це иестэ[4].
1930-це иестэ ADDIS Американь компаниясь арсесь кеме юр марто аволь алкуксонь куз, косо пек парсте аштесть пшти аволь алкуксонь пичесалмукст. Сынь теезельть ракшань калгодо понасто, кона тевс нолдави венельксэнь ёршиктнесэ, ансяк весемесь артозель пиже тюссо. Аволь алкуксонь истят кузтнэ кармасть вечкевеве[5].
1958-це иестэ Чикагосо кармасть нолдтнеме алюминийстэ кузт, конатнень ульнесь сиянь тюсост. Истят кузтнэнь кармасть микшнеме эрьва кодамо масторстнэс, сынст ютксо — СССР-ськак[5].
Алюминиень кузтнэнь полавтызь пластмассасто кузтнэ.
СССР-сэ пек вечкевкшнесть синтетикань кузтнэ, конат теезельть ды невтезельть 1959-це иестэ Налкшкень Загорской институтсо (ней —Налкшкень Сергиево-Посадонь институт).
Тевдееманть одкстомтоманзо марто кузтнэ кармасть неявомо теке алкуксонь кузокс[6].
Кодат ульнить аволь алкуксонь кузт
Толгасто
Толгасто аволь алкуксонь кузтнэ тейневсть галань толгасто, конат артовкшновсть пиже тюссо ды педявтнезельть уськень «тарадс», конат вельтязель чувтонь нетьксэнть перька[2]. Сынь ульнесть эрьва кодамо покшолмасо: вишка 2 дюймань сех вишкинестэ саезь 98 дюймань сех покшос, конат микшневсть универмагтнесэ 1920-це иетнестэ[3]. Сеедьстэ тарад петне прядовкшность якстере аволь аволь алкуксонь «мастумарьсэ», конат неявсть теке штатолт[2]. Тарадтнэ келемтезельть, мезесь эзь максо теевемс штатолтнэнь эйстэ кирваземанть ды макснесь мазылгавтомапельтненень седе ламо тарка[2]. «Толгань кузонь» лия паро ёнкстнэнь эйстэ ловови эрьва иестэ од кузтнэнь мельга а якамось ды празь пичесалмукстнэнь арасьчись[7].
Алюминийстэ
Улить аволь алкуксонь зярыя кузт, конатнень ламо пелькстнэ теезь алюминийстэ[1]. Сынь появасть США-со: васня — Чикагосо 1958-це иестэ, мейле — Манитовоксо, косо истят «чувтотнень» нолдамо кармасть пек ламо[8]. Алюминиень аволь алкуксонь кузтнэнь нолдасть 1970-це иетнес, сехте покш вечкемась сыненст ульнесь малав 1965-це иестэ. Секе иестэнть лиссь «Чарли Браунонь Роштова» нурька мультфильмась, конань ваномадо мейле алюминиень аволь алкуксонь кузтнэнь седе тов миемаст коряс ёвтавить аволь паро мельть-арсемат.
Пластикстэ
Аволь алкуксонь ламо кузтнэ теевить ПВХ-пластикстэ. Сынст ютксо ашти кодазь уське[9]. Тень пингстэ пичесалмукстнэнь теить эрьва кодамо тюсонь келькшень теинестэ керсезь киксстэ[10].
Ульмасурестэ
Истят кузтнэнь улить кувака ды кеме салмукст ды сынь молить пичетнень ёнов. Сеедьстэ ульмасуренть тевс нолдыть ПВХ-нть марто вейсэ, чувтотне эрсить «почодозь» аволь алкуксонь ловсо ды мазылгавтозь пластикень кузумарьсэ[10].
Валозь куз (силиконсо, резинасо)
Валозь кузтнэ неявить теке алкуксонь. Чувтонь эрьва тарадось валови кедьсэ, юрось артови тюжа тюссо. Пичесалмукстнэ неявить покшсто.
Вастневить човорязть кузт — валома ды ПВХ[9].
Светодиодонь кузт
Светодиодонь кузт — те ашо сталь марто каркасонь кузт, конатнень пичесалмуксост теезь ПВХ-нь келькшстэ, конас совавтозь светодиодонь суретне. Те кузонть мереви кирвазтемс розеткас ды тарадтнэ кармить кумболдомо[11].
Теке марто вант
- Од иень кузонь тевдеема
- Алюминиень куз
- Роштовань куз
- Од иень чувто
- Кодазь куз
Тешкставкст
- ↑ 1 2 3 Hewitt, James. The Christmas Tree, (Google Books Архивень копия 23 Аштемковонь 2016 на Wayback Machine), Lulu.com, 2007, pp. 33—36, (ISBN 1-4303-0820-6).
- ↑ 1 2 3 4 Marling, Karal Ann. Merry Christmas!: Celebrating America's Greatest Holiday. — Harvard University Press, 2000. — P. 58—62. — ISBN 0674003187.
- ↑ 1 2 Silverthorne, Elizabeth. Christmas in Texas, (Google Books Архивень копия 5 Эйзюрковонь 2022 на Wayback Machine), Texas A&M University Press, 1994, p. 62, (ISBN 0-89096-578-1).
- ↑ «Christmas Tree Traditions Архивень копия 4 Медьковонь 2010 на Wayback Machine», University of Illinois Extension, accessed December 15, 2008.
- ↑ 1 2 Искусственные ёлки: когда появились, история, где находится старейшая в мире. dp.ru (2022-це иень ацамковонь 12-це чи). Дата обращения: 2024-це иень ацамковонь 21-це чистэ.
- ↑ Елка новогодняя искусственная. Подробное описание экспоната, аудиогид, интересные факты. Официальный сайт Artefact. ar.culture.ru. Дата обращения: 2024-це иень сундерьковонь 21-це чистэ.К:Рувики:Cite web (не указан язык)
- ↑ Marling, Karal Ann. Merry Christmas!: Celebrating America’s Greatest Holiday, (Google Books Архивень копия 5 Эйзюрковонь 2022 на Wayback Machine), Harvard University Press, 2000, pp. 58—62, (ISBN 0-674-00318-7).
- ↑ Andrews, Candice Gaukel. Great Wisconsin Winter Weekends, (Google Books Архивень копия 5 Эйзюрковонь 2022 на Wayback Machine), Big Earth Publishing, 2006, p. 178, (ISBN 1-931599-71-8)
- ↑ 1 2 Выбрать елку и не сойти с ума. Разбираемся в сортах искусственных елок, iXBT Live (2021-це иень сундерьковонь 11-це чи). Ваннозь 2024-це иень сундерьковонь 21-це чистэ.
- ↑ 1 2 Как правильно выбрать искусственную ель к Новому году и Рождеству, Российская газета (2023-це иень ацамковонь 6-це чи). Ваннозь 2024-це иень сундерьковонь 11-це чистэ.
- ↑ Анна Джей. Литая или светодиодная? Какая искусственная елка лучше и безопаснее, AiF (2019-це иень ацамковонь 26-це чи). Ваннозь 2024--це иень сундерьковонь 21-це чистэ.
Литература
- Авдонина М. Ю., Жабо Н. И. Гиперконцепт «ёлка»: лингвистический аспект в современном коде новогоднего ритуала // Вестник Московского государственного лингвистического университета. Гуманитарные науки. 2015. № 27).
- Баранникова Г. И. Учебная модель организации номинативного поля концепта «зима» // Гуманитарный вестник. 2013. № 2.
- Ханипова И. «Да здравствует Новый советский год» (политизация новогодней ёлки в советской России) // Гасырлар авазы — Эхо веков. 2012. № 3—4. U
- Шульга Е. В. Праздник новогодней ёлки в школах России: век вчерашний — век нынешний // Историко-педагогический журнал. 2012. № 2.
Ссылкат
- Как собрать искусственную ёлку. 180 см. Как пушить ёлку, Инструкция
- Как делают искусственные ёлки на фабрике в Новороссийске
- Почему в Саранске на главной площади ставят искусственную ель?
- В центре Саранска начали собирать новогоднюю ель
- Новый год всё ближе! На Советской площади начали установку главной ёлки Мордовии