Разин, Альберт Алексеевич

Альберт Алексеевич Разин
Альберт Алексеевич Разин
Чачома чизэ	1940-це иень аштемковонь 12-це чи
Чачома тарказо	Кузюмова[d], Алнашонь буе, Удмуртонь Автономной Советской Социалистической Республика[d], РСФСР[d], СССР;
Кулома чизэ	2019-це иень таштамковонь 10-це чи (79 иеть)
Кулома тарказо	Ижевск, Россиянь Федерация;
Масторозо	СССР; Россиянь Федерация;
Наукань сферазо	Философия
Важодема тарказо	Удмуртонь государственной университет[d];
Тонавтнемазо	Удмуртонь государственной университет[d] (1962);
Учёной степенезэ	философиянь наукань кандидат[d]
Учёной званиязо	доцент[d]

Альбе́рт Алексе́евич Ра́зин (1940-це иень аштемковонь 12-це чи, Кузюмова^[d], Удмуртонь Автономной Советской Социалистической Республика^[d] — 2019-це иень таштамковонь 10-це чи, Ижевск) — Советской ды Российской удмуртонь общественной ды неоязыческой ёнксонь религиозной тевдеиця^[1], философиянь наукань кандидат.

Эрямозо

Чачсь 1940-це иень аштемковонь 12-це чистэ Удмуртиянь Алнашонь буень Кузюмова велесэ. Ули кавтаське-лелязо — Рево Алексеевич Разин. Авазо — Разина Ирина Ивановна, кулось 1989-це иестэ.

1962-це иестэ «Химиянь ды биологиянь тонавтыця» специальностенть коряс прядызе Удмуртонь тонавтыцянь государственной институтонть (руз.) (эрз.. Ульнесь Удмуртонь государственной университетсэ (УдГУ-со) раськень сюлмавомань лабораториянь теицятнестэ вейкекс.

1996-це иестэ урьвакстсь омбоцеде. Низэ — Юлия Разина (чачсь 1966-це иень медьковонь 11-це чистэ), сёрмадыця ды валморонь сёрмадыця^[2], филологиянь наукань кандидат^[3]. Тейтерезэ — Софи Разина, чачсь 1993-це иестэ.

Философиянь наукань кандидат, диссертациянь темазо — «Велень важодицянть касомань ёнксонь стакачизэ» (руз. «Проблема формирования личности сельского труженика»). Доцент.

Общественной ды религиозной тевезэ

1990-це иетнень ушодовомсто Разин кармась улеме удмуртонь неоязычествань неявикс тевдеицякс, ютавтнесь озкст ды сонськак ознось священной вирьбулосо, эсь прянзо лемдясь «туно кезэрень коень шаманокс». Ютавтнесь языческой реконструированной (руз.) (эрз. койть Ижевск ошонь Сеянь парксо ракшань анокс (жертвоприношения) марто, неоязычестванть кастомга тейсь «Дэмэн» (эрз. «Превспутома») удмуртонь культурань вейсэндявкс. Тердтнесь удмурттнэнь велявтомс эсь языческой религиянтень. Разин ульнесь «Удмурт Кенеш» (эрз. «Удмуртонь Промкс») удмуртонь вейсэндявксос совицякс, аштесь школасо удмуртонь келенть тонавтнеманзо кис ды анокстась «Удмуртонь раськесь ёми» лем ало Удмуртия Республикань Госсоветэнь депутаттнэнень пшкадема, косо тердсь а нолдамс вишка раськень эсь мельсэ кельтнень тонавтнемадо законопроектэнть кемекстамонзо, кона алкиньгавтовлизе удмуртонь кельсэ кортыцятнень ламочист^[4].

2019-це иень таштамковонь 10-це чистэ 9 чассто 45 минутасто Ижевск ошсо Альберт Разин пултызе эсь прянзо Удмуртиянь парламентэнь зданиянть икеле, вишка раськетнень эсь мельсэ тиринь келест тонавтнемадо законопроектэнть каршо молезь, кона, сонзэ арсеманзо коряс, алкиньгавты удмуртонь кельсэ кортыцятнень ламочинть^[5]. 14 чассто 20 минутасто Разин кулось реанимациясо^[6].

Разинэнь куломась сорновтызе Удмуртиянь общественно-политической важодицятнень, конат лемдизь покш ёмавксокс те ломаненть, кона тейсь ламо путовкс удмуртонь келенть ды культуранть кастомасо-кепедемасо. Седейризнэмань валт ёвтасть Александр Бречалов Удмуртиянь Прявтось^[7], Татьяна Ишматова «Удмурт Кенеш» удмуртонь вейсэндявксонь ветицясь ды Удмуртиянь Госсоветэнь депутатось, Лариса Буранова Удмуртиянь раськень политикань коряс министрась ды ламо лият. Теевезь зыянонть кис Удмуртиянь Госсоветэнь сессиясь путозель таштамковонь 24-це чис. Теде башка седейризнэмань валт ёвтасть Александр Брод РФ-нь Президентэнть пингстэ гражданской обществань ды ломанень правань кастомань-кепетемань коряс советс совицясь ды раськетнень ютксо сюлмавоматнень коряс Президентэнь советс совицясь, ды Владимир Зорин РФ-нь Президентэнть пингстэ раськетнень ютксо сюлмавоматнень коряс советэнь президиумс совицясь^[8].

2019-це иень таштамковонь 12-це чистэ 12 чассто Удмуртия Республикань Государственной раськень театрасо ютась простямонь церемониясь. Куломадонзо икеле кадозь сёрмадовксонть коряс Альберт Разинэнь рунгозо ульнесь пултазь Екатеринбург ошсо, таштамковонь 14-це чистэ челькезэ сравтозель чачома тарканзо велькссэ, Кузюмова велесэ.

Казнензэ ды званиянзо

Трокай Борисовонь (руз.) (эрз. лемсэ премиянь лауреат;
Алнашонь буень Почётной эриця.

Тешкставкст

↑ Филатов, 2006, с. 92: «Альберт Разин также один из основателей и активных участников неоязыческого движения».
↑ Юлия Николаевна Разина (руз.). Финно-угорский мир. Дата обращения: 4 Ожоковонь 2025.
↑ Поздравляем с защитой кандидатской диссертации (руз.). УдГУ (26 Ацамковонь 2018). Дата обращения: 4 Ожоковонь 2025.
↑ Ирина Бурцева. «Я готов сегодня умереть»: Что известно про учёного, устроившего самоподжог у здания Госсовета Удмуртии в Ижевске (руз.). Комсомольская правда (10 Таштамковонь 2019). Дата обращения: 4 Ожоковонь 2025.
↑ Михаил Красильников. «Есть ли у меня Отечество?» (руз.). Коммерсантъ (10 Таштамковонь 2019). Дата обращения: 4 Ожоковонь 2025.
↑ Получивший ожоги в Ижевске учёный умер в больнице (руз.). РБК (10 Таштамковонь 2019). Дата обращения: 4 Ожоковонь 2025.
↑ Глава Удмуртии призвал не спекулировать на инциденте у здания Госсовета (руз.). ТАСС (10 Таштамковонь 2019). Дата обращения: 4 Ожоковонь 2025.
↑ За ситуацией с ЧП у Госсовета Удмуртии наблюдает член Совета по правам человека (руз.). ИА «Удмуртия» (10 Таштамковонь 2019). Дата обращения: 4 Ожоковонь 2025.

Литература

Филатов С. Б. Удмуртское язычество (Удмурт Вось) // Современная религиозная жизнь России. Опыт систематического описания / Отв. ред. М. Бурдо, С. Б. Филатов. — М.: Логос, 2006. — Т. 4. — С. 92—100. — 366 с. — 2000 экз. — ISBN 5-98704-057-4.

Ссылкат

[_45d6adfaf16b4ca5-1] Филатов, 2006, с. 92: «Альберт Разин также один из основателей и активных участников неоязыческого движения».

[2] Юлия Николаевна Разина (руз.). Финно-угорский мир. Дата обращения: 4 Ожоковонь 2025.

[3] Поздравляем с защитой кандидатской диссертации (руз.). УдГУ (26 Ацамковонь 2018). Дата обращения: 4 Ожоковонь 2025.

[4] Ирина Бурцева. «Я готов сегодня умереть»: Что известно про учёного, устроившего самоподжог у здания Госсовета Удмуртии в Ижевске (руз.). Комсомольская правда (10 Таштамковонь 2019). Дата обращения: 4 Ожоковонь 2025.

[5] Михаил Красильников. «Есть ли у меня Отечество?» (руз.). Коммерсантъ (10 Таштамковонь 2019). Дата обращения: 4 Ожоковонь 2025.

[6] Получивший ожоги в Ижевске учёный умер в больнице (руз.). РБК (10 Таштамковонь 2019). Дата обращения: 4 Ожоковонь 2025.

[7] Глава Удмуртии призвал не спекулировать на инциденте у здания Госсовета (руз.). ТАСС (10 Таштамковонь 2019). Дата обращения: 4 Ожоковонь 2025.

[8] За ситуацией с ЧП у Госсовета Удмуртии наблюдает член Совета по правам человека (руз.). ИА «Удмуртия» (10 Таштамковонь 2019). Дата обращения: 4 Ожоковонь 2025.

[1]

[2]

[3]

[4]

[5]

[6]

[7]

[8]