Арлашкин, Григорий Фадеевич

Арлашкин, Григорий Фадеевич
Арлашкин, Григорий Фадеевич
Чачома чизэ	1918-це иень якшамковонь 24-це чи
Чачома тарказо	Алвеле, Семёновская волость[d], Алатырскяй уездсь[d], Симбирской губерния[d], РСФСР[d];
Кулома чизэ	1945-це иень даволковонь 15-це чи (27 иеть)
Кулома тарказо	Пененжно[d], Пененжно[d], Браневский повет[d], Варминень-Мазуронь воеводства, Польша;
Масторозо	СССР;
Важодемань ёрокчизэ	офицер
Казнензэ ды медалензэ	;
	Григорий Фадеевич Арлашкин

Григорий Фадеевич Арлашкин, чачсь 1918 иень якшамковонь 25 чистэ, Алатырской уездэнь Аловелесэ^[1] (неень шкане Ветькень Масторонь Порецень буе) — маштызь 1945 иестэ даволковонь 15 чистэ, Чилисемаёнксонь Пруссиянь Мельзак ошсо (неень шкане Польша Масторонь Пененжно ошось (пол. Pieniężno), Мельзак (нем. Mehlsack) ^[2] — советэнь шакань ушман; 1174-цень Кутузовонь 3-це эскельксэнь орденэнь леднема полконь 3-це леднема батальононь прявт (348-це Бобруйской Якстере Коцтонь леднемань дивизиясь, 3-це армиясь, 3-це Белорусской туремакиксэсь), майорось. Советэнь Союзонь Мараля. Эрзя.

Эрямопингезэ

Файла:Арлашкин Григорий Фадеевич (конверт).jpg

Арлашкин Григорий Фадеевич (конверт)

Чачсь эрзянь сокицянь-видицянь раськесэ. Прядсь Коммунальной-вачкицянь техникум Алоошсо.

1939 иестэ саезель Важодицянь-сокицянь Якстере Армияв Порецень райвоенкоматонь кувалт ды кучозель служамо венч лангс. Специальной курсань прядомадо мейле кучозель Сэтьме океанонь берёконь ванстомо. 1943 иестэ прядсь лиякс анокстамонь курсат Саранскоень торпингень пехотань тонавтнема таркасо ды кучозель туремакиксэс, армияв. Секе жо иестэ совась ВКП(б)с. Ульнесь леднемань взводонь, ротань ды батальононь прявтокс. 347 леднемадивизиянь (2-це пурнавксонь) улицякс понгсь сехте виев турематнес Брянскоень ёнкссо, Белоруссиясо, Чилисемаёнксонь Пруссиясо ды Польша Масторсо.

Подвигэзэ

Файла:Pieniężno rozebrany pomnik Iwana Czerniachowskiego 2017-08-20 p.jpg

Иван Черняховскоень - советэнь генералонь калавтозь кеврунгозо Пененжносо

1945 иестэ даволковонь 15 чистэ Мельзак ошонть маласо^[3] Арлашкин майоронть батальонозо саизе турема тарканть сехте вере аштиця пандонть ды цидярдсь 8 ятонь контратакат, чавсть 150 гитлерэнь ушмант ды 5 сонсьяксемань леднемапельть. Арлашкин майорось ульнесь те пандонть сехте стака турема таркатнесэ ды сонзэ лангс ванозь лия ушмантнэ вадрясто кирдсть прясост.

Кедь лангсо туремасо чавсь 6 немецть ды сонськак ульнесь чавозь. Чавома таркасо ульнесь калмазьдяк - 2 вайгельбеть пелевеёнксов Мингенен веледенть (Чилисемаёнксонь Пруссия, неень шкане Польша Мастор).

СССР-нь Верьце Советэнь Аштемэземень Мереманзо кувалт 1944 иень чадыковонь 19 чистэ Арлашкин Григорий Фадеевич майорось казезель Советэнь Союзэнь Маралянь ине лемсэ (руз. «за образцовое выполнение боевых заданий командования на фронте борьбы с немецкими захватчиками и проявленные при этом мужество и героизм» кисэ). Кулома ланга.

Каземанзо

Советэнь Союзонь Мараля
Ленинэнь Орден (куломадо мейле)
кавто Якстере Коцтонь ордент
Орден Отечественной войны 1-й и 2-й степени
Якстере Тештень орден

Лемень кундамозо

Эсь тиринь Аловелесэ Алдашкинэнь лемсэ лемдязь куро ды школа.
Сонзэ лемензэ кантнесь калонь кундамонь министерствань венч (МИ-8098 «Григорий Арлашкин», сёрмадстома таркась — Мурманск ош).

Поладкст

↑ Ныне — Порецкий район, Чувашия, Россия.
↑ Ныне — в Варминьско-Мазурском воеводстве, Польша
↑ Ныне — Пененжно, Варминско-Мазурское воеводство, Польша

Ланганзо сёрмадовкстнэ

Чувашская энциклопедия

Невткеть

Арлашкин, Григорий Фадеевич (неопр.). «Масторонь маралят» вальмась.
Культурное наследие Чувашии

[МР-1] Ныне — Порецкий район, Чувашия, Россия.

[МС-2] Ныне — в Варминьско-Мазурском воеводстве, Польша

[3] Ныне — Пененжно, Варминско-Мазурское воеводство, Польша

[1]

[2]

[3]