Артистэнь чи
| Артистэнь чи | |
|---|---|
 | |
| Типесь | Профессиональной |
| Ютавтыцясь | РФ-нь Правительствась |
| Тешкстави | эрьва иестэ |
| Тешкстамонь чись | якшамковонь 17-це чистэ |
Арти́стэнь чи (руз. День арти́ста) — Россиясо профессиональной покшчи, кона кемекстазель 2025-це иень медьковсто. Покшчись теезель Владимир Машков РФ-нь театрань важодицянь вейсэндявксонь прявтонть мелензэ-арсеманзо коряс. Тешкстамонь чись сюлмазь Константин Станиславский налксицянь мастерксчинь системань теицянть чачома чинзэ марто[1]. Покшчись ловови профессиональноекс седицятнень, морыцятнень, кинонь, театрань ды циркень артисттнэнь туртов[2].
РФ-нь культурань министерствантень эряви нолдамс ведомствань нормативной тевконёв, кона кемексты те меленть-арсеманть[3].
Покшчинть ланга
1917-це иестэ Россиясо васенцеде ютась Рузонь налксицянь чи, конань анокстызе Рузонь театрань вейсэндявксось театранть кастомга ды налксицятненень лездамга ярмаконь пурнамонь туртов[4].
2024-це иень ацамковонь ушодкссто РФ-нь театрань важодицянь келейгавтозь промкссо Владимир Машков ёвтась мель теемс Артистэнь чи. Машков корты: «театрань важодицятнень ютксо те чись карми покш чикс. Сонзэ лемезэ кочказь а стяко, сон моли званиянь лемтнень пельде: раськень ды заслуженной, конат максовить театрань, музыкань, циркень, эстрадань ды кинонь искусствасо покш теевкстнэнь кис»[5].
Теде башка Машков тешкстась, РФ-нь театрань важодицянь вейсэндявксонть ули мелезэ вельмевтемс Мария Гавриловна Савинань ды Театрань вейсэндявксонь икелень арсеманть, зярдо весть иезэнзэ Налксицянь чистэнть артисттнэ максневельть спектакля, конань эйстэ ярмактне кучневельть Санкт-Петербургсо Сценань ветеранонь кудонть стявтомга[5].
Актёртнэнь лия покшчист
Умарьковонь 26-це чистэ весе масторсо, тень пингстэ Россиясояк, тешкстави Налксицянь раськеютконь чи, кона кемекстазь Римень Генезий кезэрень Римень налксицянть ледстнемга, кона эрясь минек эрань III-це пингестэ, налксицясь невтнесь сцена лангсо христиантнэнь, кармась седе парсте содамо од религиянть ды сонсь теевсь христианинэкс, мезенть ланга панжадо ёвтась весень икеле ды маштозель. Седе тов сон ульнесь кананизировазь ды кармась лововомо налксицятнень, седицятнень, эпилептиктнень лездыцякс[6][7].
Тешкставкст
- ↑ В России 17 января будет отмечаться День артиста, Interfax.ru (3 Умарьков 2025). Ваннозь 18 Умарьковонь 2025.
- ↑ В России 17 января будут отмечать новый праздник — День артиста, Коммерсантъ (3 Умарьков 2025). Ваннозь 18 Умарьковонь 2025.
- ↑ В России будет отмечаться День артиста (руз.). government.ru (3 Умарьковонь 2025). Дата обращения: 18 Умарьковонь 2025.
- ↑ День русского актера. Проект 1917 (руз.). project1917.ru. Дата обращения: 18 Умарьковонь 2025.
- ↑ 1 2 Машков предложил учредить День артиста, TACC. Ваннозь 18 Умарьковонь 2025.
- ↑ Генесий Мим. www.pravenc.ru. Дата обращения: 18 Умарьковонь 2025.
- ↑ Catholic Encyclopedia: Genesius (англ.). www.newadvent.org. Дата обращения: 18 Умарьковонь 2025.