Баимов, Роберт Нурмухаметович

Роберт Нурмухаметович Баимов
Роберт Нурмухаметович Баимов
Чачома чизэ	1937-це иень якшамковонь 10-це чи
Чачома тарказо	Утяганова веле, Кармаскалинэнь буе, Башкириянь АССР
Кулома чизэ	2010-це иень чадыковонь 30-це чи (73 иестэ)
Кулома тарказо	Уфа, Башкортостан, Россия
Масторозо	СССР; Россия
Наукань сферазо	литературоведения
Важодема тарказо	Башкириянь государственной университет
Тонавтнемазо	Башкириянь государственной университет[d];
Учёной степенезэ	филологиянь наукань доктор
Учёной званиязо	профессор
Содави кода	сёрмадыця, филолог

Ро́берт Нурмухаме́тович Баи́мов (баш. Роберт Нурмөхәмәт улы Байымов; 1937-це иень якшамковонь 10-це чи, Кармаскалинэнь буе, Башкирэнь Автономной Советской Социалистической Республика^[d] — 2010-це иень чадыковонь 30-це чи, Уфа) — Советской ды Российской литературовед, сёрмадыця, филологиянь наукань доктор, профессор (1983-це иестэ), Башкортостан Республикань наукань академиянь почётной академик (1991-це иестэ), Башкириянь АССР-нь наукань заслуженной важодиця, Россиянь Федерациянь наукань заслуженной важодиця.

Эрямокизэ

Чачсь 1937-це иень якшамковонь 10-це чистэ Башкирэнь АССР-нь Кармаскалинэнь буень Утяганова (руз.) (эрз. велесэ.

Тонавтнесь Биш-Унгарской средней школасо, конань прядомадо мейле важодсь физикань ды математикань тонавтыцякс Старо-Киешкинской ды Биштякинской сисем иень школатнесэ, косто тердезель служамо армияв.

Демобилизациядо мейле кармась тонавтнеме Башкириянь государственной университетэнь (БГУ-нь) (руз.) (эрз. филологиянь факультетсэ. Тесэ парсте невтизе прянзо вузонь общественной эрямосонть, ульнесь комсомолонь комитетэнь секретарекс. БГУ-нть вадрясто марто прядомадо мейле важодсь тоско башкирэнь литературань ды фольклоронь кафедрасо ассистентэкс.

1965—1968-це иетнестэ тонавтнесь М. В. Ломоносов лемсэ Московонь государственной университетэнь (МГУ-нь) целевой аспирантурасо советской литературань историянь кафедрасо, идесь кандидатонь диссертация. 1968-це иестэ важодсь тонавтыцякс, 1981-це иестэ саезь Роберт Баимов важодсь БГУ-нь башкирэнь литературань ды фольклоронь кафедрань прявтокс. 1982-це иестэ МГУ-со идесь докторонь диссертация. 1984-це иестэ максозель профессоронь лемесь, 1991-це иестэ саезь — Башкортостан Республикань наукань академиянь член-корреспондент^[1].

Кулось 2010-це иень чадыковонь 30-це чистэ Уфа ошсо. Калмазь Уфань Южной калмазырьсэ^[2].

Наукасо ды шкинемасо важодемазо

Литературасо тевенть сон ушодызе кода критик (1963-це иестэ), кармась истят монографиятнень авторокс: «Шаг в зрелость» (1975-це иестэ), «Башкирский историко-революционный роман» (1980-це иестэ), «Жанр романа в системе эпических форм башкирской прозы» (1982-це иестэ), прозасо произведениятнень сёрмадыцякс: «Жажда» (баш. «Сарсау», 1980-це иестэ), «Закрытое сокровище» (баш. «Бикле хазина», 1982-це иестэ), «Вернёмся солдатами» (баш. «Kайтырбыз hалдат булып», 1986-це иестэ).

Р. Баимовонь лиссть наукань 500-то ламо важодемат, теке марто малав 40 книгат ды монографият. Сонзэ прявтсо анокстазельть колоньгеменде ламо докторт ды наукань кандидатт.

Роберт Баимов — «Башкирэнь энциклопедиянь» ды кото томсо «История башкирской литературы» наукань-редакциянь советс совицятнестэ ды автортнэстэ вейкесь, школатнень ды вузтнэнь туртов учебникень, учебной пособиянь автор. Сонзэ прявтсо лиссть «Башкирская литература XX века» (2003-це иестэ), «Великие лики и литературные памятники Востока» (2006-це иестэ) изданиятне^[3].

Баимов — «Запоздалая мелодия», «Вернёмся солдатами» повесттнень автор, ды теке марто «Жажда» (1980-це иестэ), «Сокрытый клад» (1982-це иестэ) ёвтнемань книгатнень, «Расплата» (1989-це иестэ), «Караван идёт из Багдада» романтнэнь, «Полёт сокола» (баш. «Сыбар шонкар») XX-це пингестэ башкирэнь раськень движениядо романонь сёрмадыця. 1997-це иестэ те романось казезель С. Юлаев лемсэ Башкортостан Республикань Государственной премиясо. Рузонь кельсэ романось лиссь «Кречет мятежный» лементь ало.

Роберт Баимов ульнесь «Ядкар», ней «Проблемы востоковедения» печатень изданиянь, Башкортостан Республикань наукань академиянь (руз.) (эрз. наукань журналонь прявт редакторокс. Эрямонзо меельце иетнестэ Р. Н. Баимов ваннось тюркань-арабонь-фарсиязычной литературатнень лисьмапряст. Те тевень цётамокс кармась «Великие лики и литературные памятники Востока» нолдазь монографиязо, конань коряс Башкортостанонь тонавтомань министерствась ёвтась мель кода вузтнэнь туртов тонавтомань паро книга, «Башкортостан» кулялопасонть яволявтозель «Иень книгакс».

Награданзо ды званиянзо

Шкинемасо ды наукасо-тонавтомасо паро важодеманть, кадратнень анокстамонть кис Роберт Баимов казезь «СССР-нь высшей образованиянь отличник» тешкссэ, тензэ максозь «Башкириянь АССР-нь наукань заслуженной важодиця» ды «Россиянь Федерациянь наукань заслуженной важодиця» лемтне.

Тешкставкст

↑ Он завещал нам любить и беречь родной язык (К 80-летию со дня рождения ученого и писателя Роберта Баимова) (руз.). Башинформ (10 Якшамковонь 2017). Дата обращения: 8 Ожоковонь 2025.
↑ Баимов Роберт Нурмухаметович (руз.). pomnim.me. Дата обращения: 8 Ожоковонь 2025.
↑ Баимов Роберт (руз.). Культурный мир Башкортостана. Дата обращения: 8 Ожоковонь 2025.

Литература

Байымов, Р. Н. Бикле хазина : хикәйәләр / Р. Байымов; [ред. В. Б. Ғүмәров]. — Өфө : Башҡ. кит. нәшр., 1982. — 224 б.
Байымов, Роберт. Сыбар шоңҡар : тарихи-документаль роман / Р. Н. Байымов. — Өфө : Китап, 1997. — 576 б.
Байымов, Роберт. Яуап бирер көн : роман / Р. Байымов; [ред. Х. Т. Бикҡолов]. — Өфө : Башҡ. кит. нәшр., 1989. — 272 б.

Ссылкат

[1] Он завещал нам любить и беречь родной язык (К 80-летию со дня рождения ученого и писателя Роберта Баимова) (руз.). Башинформ (10 Якшамковонь 2017). Дата обращения: 8 Ожоковонь 2025.

[2] Баимов Роберт Нурмухаметович (руз.). pomnim.me. Дата обращения: 8 Ожоковонь 2025.

[3] Баимов Роберт (руз.). Культурный мир Башкортостана. Дата обращения: 8 Ожоковонь 2025.

[1]

[2]

[3]