Бакейкин, Сергей Дмитриевич

Сергей Дмитриевич Бакейкин
Сергей Дмитриевич Бакейкин
Чачома чизэ	1966-це иень умарьковонь; 5-це чи
Чачома тарказо	Ульяновск ёнкс, РСФСР, СССР
Кулома чизэ	2025-це иень аштемковонь; 29-це чи
Кулома тарказо	Москов, Россиянь Федерация;
Масторозо	СССР; Россиянь Федерация;
Тонавтнемазо	Московонь культурань государственной институт
Учёной степенезэ	педагогикань наукань кандидат
Казнензэ ды премиянзо	Россиянь Федерациянь культурань министерствань Шнамо конёв; Связень ды коммуникациянь министерствань Шнамо конёв; Кыргызстан Республикань культурань заслуженной важодиця

Серге́й Дми́триевич Баке́йкин (1966-це иень умарьковонь 5-це чи, Ульяновск ёнкс — 2025-це иень аштемковонь 29-це чи, Москов ош) — Россиянь государственной ды общественной важодиця, педагогикань наукань кандидат, «Ловнома кудонь регионъютконь вейсэнь важодемань куншкакуро» регионъютконь общественной вейсэндявксонь генеральной прявт, «Весень туртов информация» Тонавтомань, наукань ды культурань кевкстематнень коряс Вейсэндязь раськетнень организациянь ЮНЕСКО-нь (руз.) (эрз. программань Россиянь комитетэнь прявт, ЮНЕСКО-нь тевтнень коряс РФ-со комиссияс совиця, Россиянь Федерациясо 2022—2032-це иетнестэ Коренной раськетнень раськеютконь кемень иень Анокстамонь ды ютавтомань коряс раськень комитетс совиця.

Эрямокизэ

Чачсь 1966-це иень умарьковонь 5-це чистэ Ульяновск ёнкссо.

1985—1987-це иетнесэ служась Кремлянь полксо (руз.) (эрз..

1987—1993-це иетнестэ ютась служамо армиясо.

1993—2003-це иетнестэ — «Либерея» издательствань генеральной прявтонь полавтыця, «Либерея-Бибинформ» издательствань («Библиотека» журналонь) прявт.

1997—2001-це иетнестэ тонавтнесь Московонь культурань государственной институтсо, вузонть прядызе пек парсте.

2001—2005-це иетнестэ тонавтнесь Московонь культурань государственной университетсэ, получась педагогикань наукань кандидатонь учёной степень^[1].

2003-це иестэ саезь — «Ловнома кудонь регионъютконь вейсэнь важодемань куншкакуро» регионъютконь общественной вейсэндявксонь генеральной прявт.

2021-це иестэ саезь — «Весень туртов информация» ЮНЕСКО-нь программань Россиянь комитетэнь прявт, ЮНЕСКО-нь тевтнень коряс
РФ-нь комиссияс совиця, Россиянь Федерациясо 2022—2032-це иетнестэ Коренной раськетнень раськеютконь кемень иень Анокстамонь ды ютавтомань коряс раськень комитетс совиця^[2]^[3].

Икелень иетнестэ пек лездакшнось ловнома кудонь, издательствань, книгань микшнемань предприятиянь, массовой информациянь средствань важодицятнень, ловномань коряс вастневиця стакачинь кирдемань ды кастомань, информациянь обществань кастомань, медийно-информационной содамочинь кастомань, электронной информациянь ванстомань содамочинь, библиотекань фондонь пурнамонь ды ванстомань кевкстемань, келень ды культурань сюпавчинь ванстомань ды киберпространствасо сонзэ кастомань, СНГ-нь мастортнэсэ ды омбомастортнэсэсэ управлениянь органтнэнень раськеютконь,
Весе Россиянь, регионъютконь ды региононь 100-до ламо конференциянь, семинаронь, тувор экшсэ кортамонь, содамочинь кастомань ды тренингень ютавтомасо.

Ютавтозь весе мероприятиятнень туртов РФ-нь культурань министерствась, РФ-нь омбомасторонь тевтнень коряс министерствась, Печатень ды массовой коммуникациянь агентствась, РФ-нь зярыя субъекттнэ, ЮНЕСКО-сь, Казахстанонь ды Азербайджанонь культурань министратне путсть покш питнеть.

Теде башка Сергей Бакейкин ловови «Весень туртов программа» ЮНЕСКО-нь Межправительственной Программань топавтомань лувсо мероприятиятнень, Библиотекань фондтнэнь ванстомань раськень программань, Ловномань кирдемань ды кастомань раськень программань, Эйкакшонь ды од ломанень ловномань государственной программань кастомань, «Раськень государственной политикань топавтома» государственной программань, «Монь тиринь келем» программань анокстыцякс.

Икеле ёвтазь вастневиця стакачитнень коряс путызе виензэ рузонь ды англань кельсэ 60 книгань ды брошюрань анокстамосо ды печатамосо.

2016-це иестэ саезь 2019-це иес ульнесь Россиянь ловнома кудонь ассоциациянь (руз.) (эрз. вице-президентэкс.

2010-це иестэ саезь культурас покш путовксонть кис казезь Россиянь Федерациянь культурань министерствань Шнамо конёвсо.

2016-це иестэ казезь Связень ды массовой коммуникациянь министерствань Шнамо конёвсо.

2021-це иестэ казезь «Кыргызстан Республикань культурань заслуженной важодиця» лемсэ

Улить РФ-нь культурань министерствань тевветицятнень, Печатень ды массовой коммуникациянь коряс федеральной агентствань, РФ-нь субъекттнэнь Прявттнэнь Шнамо конёвонзо.

Апак учо кулось 2025-це иень аштемковонь 29-це чистэ^[4].

Кудораськезэ

Урьвакстозь, ули цёразо ды тейтерезэ.

Тешкставкст

↑ Бакейкин, Сергей Дмитриевич Специализированное книгообеспечение библиотек: комплексный подход // disserCat. — 2004.
↑ Всемирная сокровищница родных языков: оберегать и лелеять (руз.). unesco.ru (6 Умарьковонь 2024). Дата обращения: 10 Таштамковонь 2025.
↑ С. Д. Бакейкин принял участие в заседании национального организационного комитета по подготовке и проведению в 2022–2032 годах в российской федерации международного десятилетия языков коренных народов, Национальная библиотека Республики Ингушетия им. Дж. Х. Яндиева (11 Ацамков 2023). Ваннозь 10 Таштамковонь 2025.
↑ На 58-м году жизни скоропостижно скончался Сергей Дмитриевич Бакейкин (руз.). Российская библиотечная ассоциация (30 Аштемковонь 2025). Дата обращения: 10 Таштамковонь 2025.

Ссылкат

[1] Бакейкин, Сергей Дмитриевич Специализированное книгообеспечение библиотек: комплексный подход // disserCat. — 2004.

[2] Всемирная сокровищница родных языков: оберегать и лелеять (руз.). unesco.ru (6 Умарьковонь 2024). Дата обращения: 10 Таштамковонь 2025.

[3] С. Д. Бакейкин принял участие в заседании национального организационного комитета по подготовке и проведению в 2022–2032 годах в российской федерации международного десятилетия языков коренных народов, Национальная библиотека Республики Ингушетия им. Дж. Х. Яндиева (11 Ацамков 2023). Ваннозь 10 Таштамковонь 2025.

[4] На 58-м году жизни скоропостижно скончался Сергей Дмитриевич Бакейкин (руз.). Российская библиотечная ассоциация (30 Аштемковонь 2025). Дата обращения: 10 Таштамковонь 2025.

[1]

[2]

[3]

[4]