Балалайкань чи

Балалайкань чи
Балалайкань чи
Тешкстави	Россиясо
Зярдо тешкстави	аштемковонь 23-це чистэ
Ютавтомань койтне	покшчинь эрьва кодат мероприятият
Мезе марто сюлмазь	«Малороссиянь приказонтень Стрелецкой приказсто ледстямо» тевконёвсо балалайкадо ледстямо

Балалáйкань чи (руз. День балалáйки) – музыка марто сюлмавозь ломантнень ютксо эрьва иестэ тешкставиця покшчи (руз.) (эрз., конань арась официальной статусозо.

Косто саевсь покшчись

Истямо покшчинь аравтомадо арсемась сась Дмитрий Геннадьевич Белинский (руз.) (эрз. Россиянь музыкантонь-народникень клубонь президентэнтень. Чинть кочкамсто мельсэ кирдевсь «Малороссиянь приказонтень Стрелецкой приказсто ледстямо»
(руз. «Память из Стрелецкого приказа в Малороссийский приказ») тевконёвсо балалайкадо васенце ледстямось^[1], те ульнесь 1688-це иень аштемковонь
23-це (13-це чистэ).

Васенцеде Балалайкань чись тешкстазель 2008-це иестэ. Тенень седямопелень историясо улить кавто редявикс тувталт: топодсть 320 иеть тевконёвсо сондензэ васенцеде ледстямодонть мейле ды 125 иеть се шкастонть, кода Василий Андреев седицясь ды дирижёрось, Рузонь раськень седямопелень национальной васенце оркестрань пурныцясь теевсь содавиксэкс балалайканть марто. Те ульнесь ушодксокс раськень седямопельсэ налксемань искусстванть кастомантень се лувсонть, конась содавикс тенек ней.

Балалайкань чись кепети рузонь раськень седямопельсэ налксицятнень, шкинемань коллективтнень ды музыкань ламо вечкицятнень мелест. Те чись тешкстави Россиясо ды лия мастортнэсэяк, конатнень ютксо: Европась, Латинэнь Америкась, Австралиясь, США-сь, Южной Африкась, Украинась, Белоруссиясь, Казахстанось.

2010-це иестэ саезь Крым модаулосонть Балалайкань чинть лувсо ютавтневи «Самородки» раськень музыкань фестивалесь. Таргонь перть, аштемковонь 23-це чинть малава, раськень седямопельсэ налксицятне пуромкшныть тей ды невтнить эсь ёрокчист раськень седямо койтнень ванстомга ды кемекстамга^[2].

Тешкставкст

↑ РГАДА, ф. 229, oп. 1, ед. хр. 189, л. 159
↑ Всероссийский конкурс - фестиваль народной музыки и танца «Самородки» (руз.). Официальный сайт фестиваля «Самородки». Дата обращения: 13 Панжиковонь 2024.

Ссылкат

Праздник музыкантов-народников
Гребенников В. В. История возникновения балалайки
Всё о русской балалайке // balalaika.org.ru
Игра на балалайке в псковских традициях // culture.ru

[1] РГАДА, ф. 229, oп. 1, ед. хр. 189, л. 159

[2] Всероссийский конкурс - фестиваль народной музыки и танца «Самородки» (руз.). Официальный сайт фестиваля «Самородки». Дата обращения: 13 Панжиковонь 2024.

[1]

[2]