Башкортостан Республикань чи

Башкортостан Республикань чи
Типесь	Государственной покшчи
Тешкстави	эрьва иестэ
Тешкстамонь чись	сундерьковонь 11-це чистэ
Зярдо тешкстави	раськень морамот-киштемат, концертт, невтемат, ярмункат

Башкортостан Республикань чи (руз. День Республики Башкортостан) (баш. Башҡортостан Республикаһы көнө) — Башкортостан Республикань государственной прявт покшчи.

Покшчинть эрямопингезэ

Башкортостан Республикань покшчись тешкстави эрьва иестэ ожоковонь 11-це чистэ. Те покшчись алтазь Башкортостан Республикань государствань олячиде кемекстамонь декларациянтень, конань коряс тевконёвось тешкстазель 1990-це иень ожоковонь 11-це чистэ. Республикань чись ловови Башкортостанонь прявт покшчитнестэ вейкекс ды тешкстави киштемасо-морамосо, концертсэ, спортонь пелькстамосо ды раськень оймсемасо.

Покшчинть эрямопингезэ саи эсь ушодксонзо 1990-це иестэ СССР-нть эйстэ республикатнень государственной олячинь ёвтамосто. Се шкастонть Башкирэнь АССР-сь, кона ульнесь Советэнь Союзонь республикатнень эйстэ вейкекс, ёвтась мель-арсема эсь олячиде ды эсензэ койсэ государствань тевтнень ютамонтень ветямодо. Весемесь кармась покш эскельксэкс неень шкань Башкортостанонь кода Россиянь Федерациянь башка субъектэнь касомасо.

Кода тешкстави покшчись

Республикань чинть тешкстамсто ютавтневить культурань ды спортонь эрьва кодат пелькстамот. Коень коряс покш таркасо ашти Уфасо Правительствань Кудонть икеле Башкортостанонь масторкоцтонть кепетемась. Теке марто ютавтневить парадт, вейсэнь молемат, раськень шкинемань невтемат, ярмункат, спортонь налксемат ды концертт, косо морыть ды киштить республикань морыцятне ды куротне.

Башка мель явови Башкортостанонь эрямопингентень ды культурантень. Те чистэнть анокставить содавтомат музейтнесэ, ютавтневить лекцият ды кортамот, конат алтазь республикань покшчитненень ды содавикс ломантненень.

Республикань весе таркатнесэ ютавтневить раськень оймсемат, Республикань чинть лемс анокставить спортонь пелькстамот. Теке марто панжтневить ярмункат, косо невтевить велень хозяйствань ярсамопельть ды лия тантей ярсамот. Теде башка мереви содавтовомс велень хозяйствань неень шкань техниканть, республикань предприятиятнесэ тевдееманть марто. Те чистэнть эрицятне вечкить ютавтнемс литературань ды музыкань чокшнеть, ловномань конференцият, тематикань вастовомат, эрьва кодат невтемат. Концертэнь программас совавтневить рузонь ды башкирэнь кельтнесэ валморот ды морот, конатнень сёрмадызь рузонь ды башкирэнь валморонь ды музыкань сёрмадыцятне.

Башкортостан Республикань чись ашти неявикс неявикс таркасо региононь эрицятнень туртов, весемесь невти эсь тиринь ёнксонть марто вейкетьксчинть ды каштанчинть. Покшчись кемексты раськень ёжонть ды тиринь масторонтень вечкеманть, теке марто касты Башкортостанонь раськетнень культураст ды коест-кирдаст.

Тешкставкст

Ссылкат

• Как жители Башкирии будут отдыхать в 2024 году? (неопр.) Башкортостан Республикань официальной портал (2023-це иень ацамковонь 11-це чи).
• День республики — день принятия Декларации о государственном суверенитете Башкирской Советской Социалистической Республики (неопр.). Региональный интерактивный энциклопедический портал «Башкортостан» (2023-це иень ацамковонь 11-це чи).
• В Башкортостане состоится большой праздничный концерт в честь Дня Республики (неопр.). Башкортостан Республикань Прявт (2023-це иень ацамковонь 11-це чи).