Борисов, Юрий Александрович
| Юра Борисов | |
|---|---|
 | |
| Чачома чизэ |
1992-це иень ацамковонь 8-це чи |
| Чачома тарказо | Реутов ош, Москов ёнкс, Россия |
| Масторозо |
 Россия |
| Важодемазо | налксиця |
| Важодемань иетне |
2010-це иестэ саезь — неень шкас |
| Казнензэ |
«Золотой лист» (2013-це ие) «Событие года» (2019-це ие) «Актёр года» GQ (2020-це ие) «Золотой орёл» (2021-це ие) Россиянь киноведэнь ды кинонь критикень гильдиянь премия (2022-це ие) |
| IMDb | ID 5426973 |
 Юрий Александрович Борисов | |
Ю́рий Алекса́ндрович Бори́сов (1992-це иень ацамковонь 8-це чи, Реутов ош, Москов ёнкс, Россия), седе содавикс кода Ю́ра Бори́сов, — Россиянь кинонь налксиця[1]. Теке марто налксесь зярыя рольть театрань путовкстнэсэ[2]. Борисов Россиясто сех васенце налксицятнень ютксо ульнесь аравтозь «Сырнень глобус» ды «Оскар» Американь содавикс премиятнес[3].
«Сырнень лопа» («Золотой лист») (2013-це ие) ды «Сырнень тумоатякш» («Золотой орёл») (2021-це ие) премиятнень лауреат[4][5]. «GQ» (2020-це ие) журналонть версиянзо коряс «Иень налксиця»[6].
2025-це якшамковсто «Анора» фильмасо омбоце планонь роленть кис аравтозь «Оскар» кинонь премияс[7].
Эрямокизэ
Чачсь 1992-це иень ацамковонь 8-це чистэ Москов ёнксонь Реутов ошсо[1]. Борисов — налксицянть аванзо фамилиязо. Тетянзо фамилиязо — Сивуха, гайги аволь пек мазыйстэ, секскак седе тов фамилиясь полавтозель[8]. Юрань тетязо важодсь физкультурань ды трудонь тонавтыцякс, седе тов кармась важодеме электрикекс ды сантехникекс. Авазо важодсь риэлторокс[8]. 90-це иетнестэ Юрань тетянзо-аванзо микшнесть цецят Черкизовань наймансо[8]. Школасо цёрынесь пек парсте невтнесь прязо эрьва кодамо покшчисэ, ансяк весеменень домка мель эзь яво[8].
16 иесэ кармась тонавтнеме М. С. Щепкин лемсэ театрань высшей училищасо (В. М. Бейлисэнь ды В. Н. Ивановонь курсось)[4] (прядызе 2013-це иестэ) ды секе иестэнть «Зойкань квартиразо» Щепкин лемсэ училищасо путозь спектаклясо Аметистовонь ролень налксеманть кис «Цёрань сех вадря роль» категориясо кармась «Сырнень лопа» премиянь лауреатокс[9].
Киносо ушодсь снимавомо 2010-це иестэ. Налксинзе прявт рольтнень «У каждого своя война» (2010-це ие), «В зоне риска»
(2012-це ие), «Мотыльки» (2013-це ие) сериалтнэсэ[1].
2013—2014-це иетнестэ важодсь «Сатирикон» Московонь театрасо[4][10].
2015-це иестэ «Молодая гвардия» сериалсо налксизе Сергей Тюленинэнь, теде башка «Дорога на Берлин» фильмасо налксизе прявт роленть[11]. Меельце важодемась кандсь Борисовнень содавиксчи.
2017-це иестэ Юрий Борисов снимавсь «Отчий берег» сериалсо[1][12], 2018-це иестэ — «Семь пар нечистых»[13] ды «Т-34» фильматнесэ. «Бык» (2019-це ие) фильмасо прявт роленть кис[14] «Цёрань сех вадря роль» категориясонть аравтозель «Сырнень тумоатякш» премиянь номинантокс. Теде башка Юра Борисовонь те роленть «Кинорепортёр» журналось тешкстызе «Иень события» премиясо («Иень панжома» категориясо)[15]. 2019-це иесь Юриень туртов ульнесь пек ламо важодема марто, цёрась налксинзе омбоце планонь рольтнень «Союз спасения» ды «Вторжение» фильматнесэ[1][16].
2021-це иестэ «Калашников» фильмасо прявт ролень налксеманть кис (фильмась лиссь прокатс 2020-це иень даволковсто) Юрий Борисовнень максозель «Сырнень тумоатякш» кинонь премиясь[17][1]. Фильмантень покш питне путсть Россиянь кинонь критиктне[18][19][20][21].
2021-це иень таштамковсто Борисов невтизе прянзо мистификациясо. Виктор Пелевин сёрмадыцянть кондямокс гримировазь налксицясь ютавтсь Московсо автограф-сессия. Сергей Минаев лия сёрмадыцянть теезь вейсэнь фотось сравтневсь СМИ-тнева ды понгсь сех вадря кулятнень юткс. Сёрмадсть, «ачарькодевикс Пелевин велявтсь Россияв». Теде мейле Минаев путызе Пелевинэнь образсо фотонть «Esquire» журналонь ожоковонь нолдавкссо[22].
2023-це иестэ «Мастер ды Маргарита» Михаил Булгаковонь романонзо экранизациясо Юрий Борисовонь вайгельсэ кортась Бегемот каткась[1], теде башка Борисов налксизе прявт роленть «Кентавр» триллерсэ[23].
2024-це иестэ «Анора» фильмасо налксизе омбоце планонь роленть[24]. Фильмантень максозель Каннонь кинонь 77-це фестивалень «Сырнень пальмань тарадось». Те фильмасо роленть кис Юрий Борисов номинировазель «Сырнень глобус» премияс[25] (эзь изня) ды «Оскарс»[7]. «Rolling Stone» журналонть версиянзо коряс 2024-це иень сех вадря фильматнень ютксо «Анора» фильмась сайсь нилеце тарка[26].
2025-це иень якшамковсто «Анора» фильмасо роленть кис номинировазель BAFTA[27], США-нь кинонь налксицянь гильдиянь[28], Ванкуверэнь кинонь критикень куронь премияс[29].
2025-це иень якшамковонь 23-це чистэ «Анора» фильмасо роленть кис номинировазь «Оскарс»[30]. Кармась Россиянь васенце налксицякс, кона номинировазь «Оскаронь» ды «Сырнень глобусонь» номинациятнес. Теде башка, Борисов — Россиясто васенце артист, кона Советэнь Социалистэнь Республикань Союзонь (СССР-нь) каладомадо мейле номинировазь Американь кинонь академиянь премияс. Юра Борисовонь марто «Оскаронь» цёрань омбоце планонь сех вадря роленть кис номинировазть Гай Пирс, Эдвард Нортон, Киран Калкин ды Джереми Стронг[7].
2025-це иень якшамковонь 25-це чистэ Эмир Кустурица содавикс режиссёрось «Кустендорф» фестивальсэ ёвтась, «Как я не снял «Преступление и наказание» од фильмасонзо Юра Борисов налксесы прявт роленть[31].
2025-це иень чадыковонь 10-це чистэ «Variety» журналось пачтясь, Борисов тешкстась контракст «United Talent Agency» голливудонь покштояк покш агенстванть марто[32]. Сонзэ вельде теевсть содавиксэкс Джонни Депп, Харрисон Форд, Тимоти Шалам ды Арнольд Шварценеггер[33].
Кудораськезэ
- Низэ — Анна Шевчук, налксиця. Снимавсь «Доктор Рихтер», «The Тёлки», «Выжившие» содавикс ды ламо лия сериалтнэсэ[34][35].
- Тейтерезэ — Марфа.
- Тейтерезэ — Акулина[36].
Кодат фильматнесэ налксесь
| Ие | Лем | Роль | |
|---|---|---|---|
| 2010-це ие | ф | Поединки: Испытание смертью | Алексей Козлов од шкасто |
| 2010-це ие | с | Записки экспедитора Тайной канцелярии | Омбоце Петрань паж |
| 2011-це ие | с | Смех и грех | Алексей |
| 2011-це ие | с | У каждого своя война | Роберт Крохин |
| 2012-це ие | с | В зоне риска | Денис Тавардин |
| 2012-це ие | с | Метод Фрейда | Сергей, салыця |
| 2013-це ие | с | Мама-детектив | Слава Кузин, стажёр |
| 2013-це ие | с | Мотыльки | Павел Державин |
| 2013-це ие | с | Погружение | Дмитрий |
| 2014-це ие | с | Прощай, любимая! | Кибиров, оперативник |
| 2014-це ие | с | Старое ружьё | сапёр |
| 2014-це ие | с | Уходящая натура | Игорь Звонарёв |
| 2015-це ие | с | Выстрел | Паша Крутов |
| 2015-це ие | ф | Дорога на Берлин | Сергей Огарков |
| 2015-це ие | с | Молодая гвардия | Сергей Тюленин |
| 2015—2017-це иеть | с | Закон каменных джунглей | Влад Зимовцев, «Зима» |
| 2017-це ие | ф | Невод | Ромыч |
| 2017-це ие | с | Отчий берег | Степан Морозов |
| 2018—2023-це иеть | с | Ольга | Лев Заевский |
| 2018-це ие | ф | Порт | Ромыч |
| 2018-це ие | ф | Семь пар нечистых | Сбоев |
| 2018-це ие | ф | Хрусталь | Алик |
| 2019-це ие | ф | Т-34 | Серафим Ионов |
| 2019-це ие | ф | Бык | Антон Быков |
| 2019-це ие | ф | Аванпост | Максим Касаткин лейтенант |
| 2019-це ие | ф | Союз спасения | Антон Арбузов |
| 2019-це ие | ф | Вторжение | Иван Коробанов |
| 2020-це ие | ф | Калашников | Михаил Калашников |
| 2020-це ие | ф | Фея | главарь банды |
| 2020—2024-це иеть | с | Мир! Дружба! Жвачка! | Александр Волков (Алик-афганец) |
| 2020-це ие | ф | Серебряные коньки | Алекс |
| 2021-це ие | ф | Кто-нибудь видел мою девчонку? | Сергей |
| 2021-це ие | ф | Красный призрак | замороженный |
| 2021-це ие | ф | Петровы в гриппе | Саша |
| 2021-це ие | ф | Герда | Олег |
| 2021-це ие | ф | Купе номер шесть | Лёша |
| 2021-це ие | ф | Капитан Волконогов бежал | Волконогов капитан |
| 2021-це ие | ф | Мама, я дома | асодавикс ломань |
| 2021-це ие | ф | Имитатор | Сергей |
| 2021-це ие | ф | Подельники | Пётр |
| 2022-це ие | с | Эпидемия (омбоце сезон) | Женя |
| 2022-це ие | с | Ничего особенного | Лёха |
| 2022-це ие | ф | Лиза и волшебный макет | Иван |
| 2023-це ие | ф | Кентавр | Саша, таксинь ветиця |
| 2023-це ие | ф | Год рождения | Сопля |
| 2023-це ие | ф | Отпуск в октябре | съёмкасо налксиця |
| 2024-це ие | ф | Сто лет тому вперёд | Крыс и Весельчак У |
| 2024-це ие | ф | Мастер и Маргарита | Бегемот катка (вайгелень путома) |
| 2024-це ие | ф | Анора | Игорь |
| 2024-це ие | с | Урок | Антон |
| 2024-це ие | с | Хроники русской революции | Имя персонажа не указано |
| 2024-це ие | с | Анна К | Константин Лёвин |
| 2025-це ие | ф | Пророк. История Александра Пушкина | Пушкин |
| 2024-це ие | ф | Кончится лето | Кеша |
Вайгелень путома
- 2023-це ие — «Мастер ды Маргарита» фильма (Бегемот катка)[1]
Театрасо рольть
- Вишка театрасо
- Юнкер — «Чёрный снег», «Белая гвардия» М. Булгаковонь романонзо ды «Дни Турбиных» пьесанзо коряс (режиссёрось Евгения Дмитриева)[4]
- «На Страстном» театрань куншкакуросо
- Митя Лавров — «С любимыми не расставайтесь», А. М. Володин (режиссёрось Вероника Родионова)[4]
- «Сатирикон» театрасо
- Людовико — «Отелло», У. Шекспир (режиссёрось Юрий Бутусов)[37]
- Балтазар — «Ромео и Джульетта», У. Шекспир (режиссёрось Константин Райкин)[38]
Музыкань клипть
- 2020-це ие — «Останься» (Feduk)
Казнеть ды номинацият
| Ие | Казне | Категория | Важодема | Цётамо |
|---|---|---|---|---|
| 2013-це ие | Сырнень лопа | Цёрань сех вадря роль | «Зойкина квартира» | Изнямо |
| 2020-це ие | Сырнень тумоатякш | Киносо сех вадря роль | «Бык» | Номинация |
| 2020-це ие | Московонь раськеютконь кинонь фестиваль | Chopard Talent Awards | «Бык» | Изнямо |
| 2020-це ие | Иень события | Иень панжома | Изнямо | |
| 2020-це ие | «GQ» журналонь премия | Иень налксиця | Изнямо | |
| 2021-це ие | Сырнень тумоатякш | Киносо цёрань сех вадря роль | «Калашников» | Изнямо |
| 2021-це ие | Ника | Омбоце планонь цёрань сех вадря роль | «Серебряные коньки» | Изнямо |
| 2021-це ие | Европань кинонь академиянь премия | Сех вадря налксиця | «Купе номер шесть» | Номинация |
| 2021-це ие | Сан-Паулусо кинонь раськеютконь фестиваль | Сех вадря налксиця | «Купе номер шесть» | Изнямо |
| 2021-це ие | Вальядолидсэ кинонь сех вадря фестиваль | Сех вадря налксиця | «Купе номер шесть» | Изнямо |
| 2021-це ие | Сырнень единорог | Сех вадря налксиця | «Капитан Волконогов бежал» | Изнямо |
| 2022-це ие | Ашо слон | Цёрань сех вадря прявт роль | «Капитан Волконогов бежал» | Изнямо |
| 2022-це ие | Сырнень тумоатякш | Киносо цёрань сех вадря роль | «Капитан Волконогов бежал» | Номинация |
| 2022-це ие | Юсси | Сех вадря налксиця | «Купе номер шесть» | Номинация |
| 2022-це ие | Ника | Цёрань сех вадря роль | «Капитан Волконогов бежал» | Номинация |
| 2022-це ие | Россиянь киноведэнь ды кинонь критикань гильдия | Цёрань сех вадря роль | «Купе номер шесть» | Номинация |
| 2022-це ие | Россиянь киноведэнь ды кинонь критикань гильдия | Цёрань сех вадря роль | «Капитан Волконогов бежал» | Изнямо |
| 2024-це ие | Astra Film Awards | Омбоце планонь сех вадря роль | «Анора» | Номинация |
| 2024-це ие | Сырнень глобус | Омбоце планонь сех вадря налксиця | «Анора» | Номинация |
| 2025-це ие | Оскар | Омбоце планонь сех вадря налксиця | «Анора» | Номинация |
Тешкставкст
- ↑ 1 2 3 4 5 6 7 8 Юра Борисов (руз.). Кинопоиск. Дата обращения: 25 Таштамковонь 2025.
- ↑ Кто такой Юра Борисов, которого номинировали на «Оскар»?, AiF (23.01.2025). Ваннозь 24 Якшамковонь 2025.
- ↑ Что известно о Юре Борисове - первом российском актере, номинированном на "Оскар", TACC (23.01.2025). Ваннозь 24 Якшамковонь 2025.
- ↑ 1 2 3 4 5 Юра Борисов. Кино-театр.ру. Дата обращения: 22 Даволковонь 2024.
- ↑ Юра Борисов — Награды. Кинопоиск. Дата обращения: 22 Даволковонь 2024.
- ↑ Премия «Человек года — 2020» по версии журнала GQ. РИА Новости Медиабанк. Дата обращения: 22 Даволковонь 2024.
- ↑ 1 2 3 Юру Борисова номинировали на «Оскар», РБК. Ваннозь 23 Якшамковонь 2025.
- ↑ 1 2 3 4 Юра Борисов биография, фото, карьера, личная жизнь, РБК. Ваннозь 24 Якшамковонь 2025.
- ↑ Театральная премия «Золотой Лист 2013». Премия Золотой лист (30 Панжиковонь 2013). Дата обращения: 22 Даволковонь 2024. Архивировано из оригинала 24 Даволковонь 2020 года.
- ↑ За что мы любим Юру Борисова и как простой парень из Реутова стал номинантом на «Оскар», Т—Ж (23 Якшамков 2025). Ваннозь 24 Якшамковонь 2025.
- ↑ Ухов Е. Рецензия на фильм «Дорога на Берлин». Film.ru (12 Панжиковонь 2015). Дата обращения: 22 Даволковонь 2024. Архивировано 3 Эйзюрковонь 2020 года.
- ↑ Фильмы и сериалы с Юрой Борисовым: 16 интересных картин, START. Ваннозь 24 Якшамковонь 2025.
- ↑ Никулин Н. На экраны вышла экранизация повести Каверина «Семь пар нечистых». Известия (8 Ацамковонь 2018). Дата обращения: 22 Даволковонь 2024. Архивировано 3 Эйзюрковонь 2020 года.
- ↑ Павлючик Л. То ли лошадь, то ли бык… Труд (23 Умарьковонь 2019). Дата обращения: 22 Даволковонь 2024. Архивировано 3 Эйзюрковонь 2020 года.
- ↑ Альперина С. Андрей Кончаловский за фильм «Грех» получил награду «Мастер-класс года». Российская газета (5 Ацамковонь 2019). Дата обращения: 22 Даволковонь 2024. Архивировано 25 Ацамковонь 2019 года.
- ↑ Субботина М. «Такого уровня графики у нас ещё не было»: кинокритик оценил «Вторжение». Пятый канал (10 Якшамковонь 2020). Дата обращения: 22 Даволковонь 2024.
- ↑ Юрий Борисов получил «Золотого орла» за лучшую мужскую роль, РИА Новости (22 Якшамков 2021). Ваннозь 22 Даволковонь 2024.
- ↑ Фильм о Михаиле Калашникове выйдет в прокат 20 февраля. Интерфакс (30 Ацамковонь 2019). Дата обращения: 22 Даволковонь 2024. Архивировано 5 Аштемковонь 2020 года.
- ↑ Альперина С. Фильм о Михаиле Калашникове выйдет на российские киноэкраны в феврале. Российская газета (1 Даволковонь 2020). Дата обращения: 22 Даволковонь 2024.
- ↑ В Ижевске прошла премьера фильма, посвящённого Михаилу Калашникову. ТАСС (15 Даволковонь 2020). Дата обращения: 22 Даволковонь 2024. Архивировано 16 Сундерьковонь 2020 года.
- ↑ Корсаков Д. Ваше слово, товарищ Калашников. Комсомольская правда (20 Даволковонь 2020). Дата обращения: 22 Даволковонь 2024. Архивировано 13 Сундерьковонь 2020 года.
- ↑ Рассказываем, кто раздавал автографы под видом Виктора Пелевина. Это герой обложки Esquire, актёр Юра Борисов. Esquire (26 Таштамковонь 2021). Дата обращения: 22 Даволковонь 2024. Архивировано из оригинала 26 Ожоковонь 2021 года.
- ↑ «Кентавр»: Юра Борисов на «Драйве». Кинопоиск. Дата обращения: 22 Даволковонь 2024.
- ↑ Да кто такой ваш Юра Борисов? Почему весь мир влюбился в актера с каменным лицом и заурядной внешностью, ФОНТАНКА.ру (24.01.2025). Ваннозь 24 Якшамковонь 2025.
- ↑ Юрия Борисова номинировали на премию «Золотой глобус», РБК. Ваннозь 9 Ацамковонь 2024.
- ↑ «Анора» вошла в топ фильмов года по версии Rolling Stone, Афиша. Ваннозь 10 Ацамковонь 2024.
- ↑ Юра Борисов и Марк Эйдельштейн вошли в лонг-лист кинопремии BAFTA, РБК (03.01.2025). Ваннозь 3 Якшамковонь 2025.
- ↑ Юру Борисова номинировали на премию Гильдии киноактеров США. РБК (8 Якшамковонь 2025). Дата обращения: 9 Якшамковонь 2025.
- ↑ Актёра Борисова номинировали на премию Ванкуверского кружка кинокритиков, AiF (21 Якшамков 2025). Ваннозь 21 Якшамковонь 2025.
- ↑ Появилось видео, как Юра Борисов празднует номинацию на "Оскар". Сплетник.ру (24 Якшамковонь 2025). Дата обращения: 24 Якшамковонь 2025.
- ↑ Юра Борисов сыграет в фильме Кустурицы по мотивам романа Достоевского. iz.ru (25 Якшамковонь 2025). Дата обращения: 27 Якшамковонь 2025.
- ↑ СМИ узнали о контракте Юры Борисова с крупнейшим голливудским агентством UTA. Известия (10 Чадыковонь 2025). Дата обращения: 10 Чадыковонь 2025. Архивировано 13 Сундерьковонь 2025 года.
- ↑ Российский актёр Юрий Борисов купил квартиру за 150 млн в Москве. Зачем, если уезжает в Голливуд? (15 Медьковонь 2025). Дата обращения: 18 Таштамковонь 2025. Архивировано 13 Сундерьковонь 2025 года.
- ↑ Анна Шевчук. Вокруг ТВ. Дата обращения: 24 Якшамковонь 2025.
- ↑ Анна Шевчук. Кинопоиск. Дата обращения: 24 Якшамковонь 2025.
- ↑ Юрий Борисов о жене Анне, жизни на полной скорости и своей роли во «Вторжении» Фёдора Бондарчука. Hello! Russia (4 Ацамковонь 2019). Дата обращения: 22 Даволковонь 2024. Архивировано 8 Умарьковонь 2020 года.
- ↑ В «Сатириконе» состоялась премьера «Отелло». Сатирикон (23 Ожоковонь 2013). Дата обращения: 24 Якшамковонь 2020. Архивировано 29 Ожоковонь 2020 года.
- ↑ Дебют. Сатирикон (23 Ожоковонь 2013). Дата обращения: 24 Якшамковонь 2020. Архивировано 23 Умарьковонь 2019 года.
Ссылкат
- «Важно себе напоминать, какой ты тупой»: актёр Юрий Борисов — о борьбе с собой, масштабах «Вторжения» и женской эмансипации: [интервью на сайте «Известия»]
- «Говорить с актёром о политике — абсурд»: Юрий Борисов о кино и главном символе 2019 года: [интервью на сайте «Афиша Daily»]