Бочкарёв, Василий Никифорович
| Василий Никифорович Бочкарёв | ||||
|---|---|---|---|---|
 | ||||
| Чачома чизэ | 21 якшамковонь 1915 | |||
| Чачома тарказо | ||||
| Кулома чизэ | 26 медьковонь 1997 (82 года) | |||
| Кулома тарказо | ||||
| Масторозо |
 СССР |
|||
| Кодамо ушмосо | артиллеррия[d] | |||
| Служамонь иетне | 1940—1945-це | |||
| Званиязо |
 |
|||
| Частезэ | леднемань 1140-це полк | |||
| Тюремат/войнат | ||||
| Казнеть ды премият |
|
|||
Васи́лий Ники́форович Бочкарёв (1915—1997) — Важодицянь ды сокицянь-видицянь Якстере Армиянь сержант, Ине Отечественной войнасо улиця, Советской Союзонь Герой (1944-це ие).
Эрямокизэ
Чачсь 1915-це иень якшамковонь 21-це чистэ Од Кутля велесэ (ней — Пенза ёнксонь Лунинань буе) сокицянь-видицянь кудораськесэ. Тонавтнесь ушодксонь школасо, 1935-це иестэ саезь эрясь Московсо, важодсь Верхние Котлы велень кирьпецень заводсо. 1940-це иестэ тердезель служамо Важодицянь ды сокицянь-видицянь Якстере Армияв. Служамозо ютась Смоленскоенть ало. Ине Отечественной войнань ушодовомсто саезь сонзэ фронттнэсэль. Ульнесь Смоленской тюремасонть, Ржев ды Ашо оштнень ало тюрематнесэ, кавксть ранязель. 1943-це иень кизна ульнесь Курской тюремасо, мейле Сумы ошонть олякстомтомасо. 1943-це иень таштамковс ветясь Воронежень фронтонь 38-це армиянь леднемань 340-це дивизиянь леднемань 1140-це полконь миномётонь расчётонть. Пек парсте невтизе прянзо Днепра леенть кис тюремасо[1].
1943-це иень таштамковонь 30-це чистэ саезь ожоковонь 1-це чис вестэнть группань составсо ютась Днепранть трокс Украинань ССР-нь Киев ёнксонь Вышгородской буень Борки веленть малас. Леенть чивалгомань чирес пачкодемстэ группась штурмасо саинзе немецень окоптнень, ды миномёттнэнь аравтомадо мейле леднесь толсо ятонть леднема таркатнева. Ожоковонь 2-це чистэ группась потавтсь немецень 6 покш каявомат, эрийстэ кадовсть ансяк 4 ушмант. Зярдо секе чинь омбоце пельксстэнть немецень подразделениясь арсесь ушодомс тагояк вейке покш каявома, Василий Бочкарёв миномётонзо од таркас кандомадо мейле ушодсь каявицятнень ланга леднеме толсо. Минатнень ютавтомадо мейле сон поладсь леднеме карабинстэ. Се шкантень, кода тензэ лезкс марто сась леднемань батальонось, сон весе группастонть кадовсь эрийстэ ськамонзо[2]. Сонзэ тарканзо икеле ульнесь муезь немецень 38 ушманонь ды офицерэнь кулозь уловт[1].
1944-це иень якшамковонь 10-це чистэ СССР-нь Верховной Советэнь Президиумонь кармавтомасо «Якстере Армиянь генералонь, офицерэнь, сержантонь ды рядовой составонтень Советской Союзонь Героень лементь максомадо» «немецень ятонть каршо виевчинь, геройксчинь невтеманть ды фронтсо прявттнэнь пельде аравтозь тевень парсте топавтоманть кис» тензэ максозь Советской Союзонь Герой покш лемесь, конань марто казезельть Ленинэнь орденэсь ды 2393-це номерэнть ало «Сырнень Теште» медалесь[3][1].
Ульнесь Киевень, Вить чирень Украинань олякстомтомасо. 1944-це иестэ совась Советской Союзонь коммунистэнь (большевикень) партияс (ВКП(б)-с). Карпататнень кис тюрема шкасто ранязель ды ульнесь контузязь. Пичкамодо мейле велявтсь стройс, ульнесь Польшань ды Чехословакиянь олякстомтомасо. Войнадо мейле демобилизовазель ды велявтсь тиринь ёнксов. Эрясь Лунина посёлкасо, важодсь колхозсо, мейле лесничествасо, вирень механизированной хозяйствасо. 1971-це иестэ лиссь пенсияв. Эрясь Стерлитамаксо, кулось 1997-це иень медьковонь 26-це чистэ, калмазь Лунина велесэ[1].
Теде башка казезель 1-це степенень Отечественной войнань орденсэ ды зярыя медальсэ.
- Ледстнема
Бочкарёвдо ледстнемга Лунина велень вирень хозяйствань кудонть лангсо понгавтозь мемориальной лаз[1].
Тешкставкст
- ↑ 1 2 3 4 5
Бочкарёв, Василий Никифорович. «Масторонь маралят» вальмась.
- ↑ Герои Победы: Василий Никифорович Бочкарёв
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 Якшамковонь (№ 3 (263)). — С. 1. Архивировано 7 Ацамковонь 2021 года.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Герои огненных лет. — М.: Московский рабочий, 1985. — Кн. 8.