Бояркина, Валентина Борисовна
| Бояркина, Валентина Борисовна |
|---|
Бояркина Валентина Борисовна (1970-це ие) — А.С. Пушкин лемсэ Мордовия Республикань раськень ловнома кудонь раськень ды краеведениянь литературань куронь прявт библиотекарь, «Литова» эрзянь авань вейсэндявксос совиця.
Чачомазо ды тонавтнемазо
Валентина Бояркина чачсь Отяжбуень Таразбуе велесэ. Прядызе Н.П. Огарёв лемсэ МГУ-нь филологиянь факультетэнть.
2002-це иестэ саезь важоди А.С. Пушкин лемсэ МР-нь раськень ловнома кудосо. Важодема кинзэ ушодызе редакциянь-нолдамонь куросто. 2003-це иестэ ютась Книгань палатань курос. Седе тов, 2010-це иестэ саезь важоди раськень ды краеведениянь литературань куросо.
2012-це иестэ — Финнэнь-угрань литературань куншкакуронь прявт. Эрьва косо улемстэ сон пек парсте топавты весе важодеманть, сеске муи вейке кель сакшныця ловныцятнень марто. Теке марто вадрясто вети тевтнень справочно-библиографической аппартонь анокстамонь тевтнень свалшкань ды автоматикань ёнксонть лувсо.
Эрьва кодамо кулялопасо ды журналсо лиснить ламо сёрмадовксонзо, конат сюлмазь республикань сёрмадыцятнень ды общественной важодицятнень мазый чачома чист марто.
Сонзэ сёрмадовксонзо лиснесь «Эрзянь правда» кулялопасо, «Сятко» ды «Народное образование Республики Мордовия» журналсо: «Майновонь чачома чистэнзэ 165 иетненень», «Эрзя-мокшонь фольклоронь пурныця» (Л. С. Кавтаськин), «Поэзиязо палы валдо тештекс» («Ш. Петёфинь чачома чистэнзэ 190 иетненень»), «„Калевалась“ — Эллиас Лённротонь эрямонь тевезэ», «Финнэнь поэзиянь ушодыця» (Э. Лейно финнэнь валморонь сёрмадыцядо) ды лият[1].
Важодемань невтемазо
- «78-я конференция ИФЛА и взаимодействие финно-угорских библиотек: партнёрство, проекты» раськеютконь конференция (Финляндия, Хельсинки ош).
- «Этнические миры и культурные универсалии» наукань-практикань раськеютконь конференция (Саран ош).
- «Тысяча лет вместе» Весе Россиянь конференция (Москов ош — Саран ош).
- «Инфосфера финно-угорского мира в XXI веке: социокультурные константы и векторы модернизации» наукань Весе Россиянь конференция (Саран ош).
- Россиянь ловнома кудонь ассоциациянь эрьва иень XXVIII-це конференция (Казань ош)[2].
Казнензэ
- Мордовия Республикань Культурань министерствань Шнамо конёв (2008).
- Эрзянь ды мокшонь раськень регионъютконь общественной вейсэндявксонь Шнамо конёв (2014).
- Мордовия Республикань Государственной Собраниянь Сюконямо вал (2017).
- «Масторлангонь пильгеоскань ютавтомань путовксонть кис» ледстнемань медаль (2018).
- Россиянь ловнома кудонь ассоциациянь Сюконямо вал (2019)[3].
Тешкставкст
- ↑ [https://natlibraryrm.ru/wp-content/uploads/2019/12/%D0%BB%D1%8E%D0%B1%D0%B0%D0%B5%D0%B2.pdf?ysclid=m1t0wwcpl5127805679 «Палт, седей! Иля сода сизема…». Методико-библиографической теевксэсь, конась алтави эрзянь поэтэнть П. К. Любаевень 100 иень топодемантень, Ине Изнямонь 75 иетненень]
- ↑ [https://www.rba.ru/activities/conference/conf-2024/about/members/members_790.html Всероссийский библиотечный конгресс: XXVIII Ежегодная Конференция Российской библиотечной ассоциации]
- ↑ Поздравляем коллег, награждённых Почётной грамотой РБА «За вклад в развитие библиотечного краеведения России» и Благодарственным письмом РБА за большие достижения в профессиональной краеведческой деятельности!