Бурятонь келень чи

Бурятонь келень чи
Бурятонь келень чи
	; Бурятонь келень чинь прявт тешкс
Типесь	Республикань покшчи
Официальной лемезэ	руз. День бурятского языка; бур. Буряад хэлэнэй үдэр;
Смустезэ	тиринь келень ванстома ды кастома
Аравтозь	2006-це иестэ
Тешкстави	Бурятиясо
Тешкстамонь чись	эрьва иестэ, ожоковонь нилеце сюконьчистэ

Бурятонь келень чи (бур. Буряад хэлэнэй үдэр) — тиринь келентень алтазь покшчи. Васенцеде ютавтозель Бурятия Республикасо 2006-це иестэ. Бурятия Республикасо бурятонь келентень максозь государственной лем^[1]. Кемекстазть «Бурятия Республикань раськетнень кельдест»^[2], «Бурятия Республикасо бурятонь келентень кода государственной келентень лездамо» законтнэ^[3].

Неень шкасто кортыцятнеде лововить 318000-сто саезь 369000-с. Россиянь регионтнэсэ — Бурятия Республикасо, Иркутонь ёнкссо ды Байкалонь томбале крайсэ, бурятонь раськень алкуксонь эрямо таркатнесэ бурятонь келесь тевс нолдави кудораськесэ ды общественной эрямосо. Те кельсэнть нолдавить ловномапельть ды кулялопат, тонавтнемань ды тонавтомань-методикань литература, невтевить телевидениянь программат, улить «Буряад ФМ» радионь чинек-венек важодиця ды «Буряад ТВ» телевидениянь важодиця каналт, интернет-сайтт, социальной сеттнесэ ды мессенджертнесэ каналт ды курот.

Эрямопингезэ

Бурятонь келень чинть арсицякс-ютавтыцякс лововить Бурятия Республикань Прявтось, Бурятия Республикань Правительствась, Бурятия Республикань Раськень Хуралось ды Культурань кастомань Весе бурятонь ассоциациясь. Васенцеде бурятонь чись тешкставсь 2006-це иестэ. 2007-це иень чадыковонь 2-це чистэ Леонид Потапов Бурятия Республикань васенце Президентэсь нолдась 205-р № ало «Бурятонь келень чиде» республикань покшчинь ютавтомадо» Правительствань кармавтома^[4]. Бурятонь келень чись ловови покшчикс, кона тешкстави ожоковонь нилеце сюконьчистэ, Бурятонь келень ковсто прядовомсто.

Кода тешкстави покшчись

Неень шкасто коень коряс покшчись тешкстави ожоковонь прядовомсто ды истя прядови республикасо бурятонь келень яволявтозь ковось. Бурятия Республикань Правительствась кемексты ютавтовиця покш тевть ды теварсевкст, конат топавтовить ковонь перть. Покшчинть лувсо прявтошсо ды буетнесэ ковонь перть ютавтневить эрьва кодат мероприятият: викторинат, ламо содыцянь, ловныцянь, сёрмадомань, диктантонь, бурятонь келень ды литературань тонавтомань коряс методикань теевксэнь, интернет-сайтэнь пелькстамот, эрьва кодат акцият. 2024-це иестэ бурятонь келень ковось алтазель Кудораськень иентень, конань яволявтызе В. В. Путин Россиянь Федерациянь Президентэсь. Бурятонь келентень алтазь покшчисэ Бурятия Республикань Прявтось ютавты «Үндэһэн хэлэнэй үлзы хэшэг» — «Тиринь келень иневанькс маштомачи» бурятонь келень кастомань коряс Премиянь лауреатонь казема.

Теке марто вант

Бурятонь кель
Монголонь кель
Калмыкень кель
Тувинэнь кель
Тиринь келень раськеютконь чи

Тешкставкст

[1] Конституция Республики Бурятия

[2] Закон Республики Бурятия «О языках народов Республики Бурятия»

[3] Закон Республики Бурятия «О мерах поддержки бурятского языка как государственного языка Республики Бурятия»

[4] Распоряжение Правительства Республики Бурятия от 2.04.2007 г. № 205-р

[1]

[2]

[3]

[4]