Бухгалтерэнь чи
| Бухгалтерэнь чи | |
|---|---|
 | |
| Зярдо ютавтневи |
Россиясо |
«Бухгалтерэнь чи» — профессиональной покшчи, конань эрьва иестэ ламо мастортнэсэ тешкстыть бухгалтерэнь учётонь специалисттнэ (бухгалтертнэ).
Бухгатериянь раськеютконь чи
«Бухгалтериянь раськеютконь чись» (англ. «International Accounting Day») тешкстави эрьва иестэ сундерьковонь 10-це чистэ. Те чистэнть 1494-це иестэ Лука Пачоли Италиянь математикесь, кона лововсь бухгалтериянь неень шкань лувтнень прявт арсицятнестэ вейкекс, нолдызе «Арифметикань, геометриянь, отношениянь ды пропорциянь сумма» («Сумма арифметики, геометрии, отношений и пропорций») (ит. «Summa de arithmetica, geometria, proportioni et proportionalità») книганть[1].
Россиясо бухгалтерэнь чи
Россиясо Бухгалтерэнь чись государственноекс официальнойстэ апак аравто[1].
Коень коряс Россиянь бухгалтертнэ те профессиональной чинть эрьва иестэ тешкстыть сундерьковонь 21-це чистэ[2], зярдо Борис Ельцин Россиянь Президентэсь 1996-це иень сундерьковонь 21-це чистэ тешкстызе «Бухгалтерэнь учётто» 129-це № Федеральной закононть (ёмавтызе виензэ 2013-це иень якшамковонь 1-це чистэ; тензэ полавтомас сась 2011-це иень ацамковонь 6-це чистэ 402-це № Федеральной законось).
Эрьва иестэ 2000-це иестэ саезь те чистэ, сундерьковонь 21-це чистэнть, Россиясо официальнойстэ тешкстави Россиянь Федерациянь налогонь органонь важодицянь профессиональной покшчись — «Россиянь Федерациянь налогонь органонь важодицянь чи», кона аравтозель 2000-це иень сундерьковонь 11-це чистэ[2].
Россиясо покшчинть историязо
Россиянь Бухгалтерэнь ды аудиторонь инекужонь исполкомонь омбоце промкссо, кона ютась 2000-це иень
аштемковонь 21-це чистэ Московсо, кортазель «Россиянь бухгалтерэнь чиде» кевкстемась. Арсезель пшкадемс Россиянь Федерациянь финансонь министерствав «Бухгалтерэнь чи» профессиональной покшчинь аравтомадо. «Бухгалтерэнь чинь» ютавтома чикс ёвтазель сундерьковонь 21-це чись, секс мекс те чистэнть 1996-це иестэ Борис Ельцин Россиянь Федерациянь Президентэсь тешкстызе «Бухгалтерэнь учётто» Федеральной закононть[3].
2002-це иестэ саезь Россиянь профессиональной бухгалтерэнь ды аудиторонь институтось (Россиянь ИПБ-сь) Московсо сундерьковонь 28-це чистэ эрьва иестэ ушодсь тешкстамо Профессиональной бухгалтерэнь чи[4].
2014-це иестэ Россиянь Федерациянь финансонь министерствасо ушодовсь Россиянь бухгалтерэнь чинь ютавтомань официальной чинь кочкамось, ансяк те тевесь прядозь эзь ульне.
Бухгалтерэнь чись Россиянь регионтнэсэ
Россиянь Федерациянь кой-кона субъекттнэсэ Бухгалтерэнь чинь тешкстамотне аравтозельть региононь тёкшсо:
- «Ярославля ёнксонь бухгалтерэнь чи» — эрьва иестэ чадыковонь васенце таргочистэ (1996-це иестэ саезь)[5];
- «Волгоград ёнксонь бухгалтерэнь чи» — сундерьковонь 1-це чистэ;
- «Красноярскоень краень бухгалтерэнь чи» — сундерьковонь 12-це чистэ[6];
- «Петербургонь бухгалтерэнь чи» — сундерьковонь 15-це чистэ;
- «Московонь бухгалтерэнь чи» — сундерьковонь 16-це чистэ[6];
- «Татарстанонь бухгалтеэнь чи» — сундерьковонь меельце сюконьчи;
- «Краснодаронь крайсэ аудиторонь ды бухгалтерэнь чи» — ацамковонь васенце таргочистэ (2007-це иестэ саезь)[7];
- «Пермень краень бухгалтерэнь чи» — сундерьковонь 19-це чистэ (2021-це иестэ саезь).
Тешкставкст
- ↑ 1 2 Екатерина Добрынина. «Homo buhgalteris». — Есть неофициальные праздники, которые «почитаемы в народе» побольше иных государственных дат. Например, День бухгалтера. «Российская газета» // rg.ru (21 Сундерьковонь 2011). Дата обращения: 25 Ожоковонь 2014. Архивировано 25 Ожоковонь 2014 года.К:Рувики:Cite web (не указан язык)
- ↑ 1 2 Галина Миловидова, Константин Полтавский. Профессиональный календарь на ноябрь 2019 года. Архивень копия 25 Ожоковонь 2019 на Wayback Machine Информационно-правовой портал «Гарант.ру» // garant.ru (25 октября 2019 года)
- ↑ Заседание исполкома съезда бухгалтеров и аудиторов России. Официальный сайт Института профессиональных бухгалтеров и аудиторов России (ИПБ России) // ipbr.org (14 Сундерьковонь 2000). Дата обращения: 25 Ожоковонь 2014. Архивировано 22 Ацамковонь 2014 года.
- ↑ С Днём профессионального бухгалтера! — Уважаемые члены ИПБ России, поздравляем вас с корпоративным праздником — Днём профессионального бухгалтера, который отмечается ежегодно, 28 ноября! Архивень копия 1 Ацамковонь 2017 на Wayback Machine Официальный сайт Института профессиональных бухгалтеров и аудиторов России (ИПБ России) // ipbr.org (27 ноября 2013 года)
- ↑ Постановление губернатора Ярославской области А. И. Лисицына от 18 марта 1996 года № 109 «О проведении в Ярославской области Дня бухгалтера». Архивень копия 1 Ацамковонь 2017 на Wayback Machine АО «Кодекс» // docs.cntd.ru
- ↑ 1 2 День бухгалтера в 2024 году: дата, история и традиции праздника, Lenta.RU (19.09.2024). Ваннозь 13 Сундерьковонь 2024.
- ↑ Закон Краснодарского края от 14 декабря 2006 года № 1145-КЗ «Об установлении праздничных дней и памятных дат в Краснодарском крае». Архивень копия 22 Сундерьковонь 2017 на Wayback Machine АО «Кодекс» // docs.cntd.ru
Ссылкат
- Галина Миловидова, Константин Полтавский. Профессиональный календарь на ноябрь 2019 года. Информационно-правовой портал «Гарант.ру» // garant.ru (25 октября 2019 года)