Вандышев, Сергей Иванович

Сергей Иванович Вандышев
Сергей Иванович Вандышев
Чачома чизэ	1919-це иень медьковонь 5-це чи
Чачома тарказо	Рузаевка, Пензань губерния[d], РСФСР[d];
Кулома чизэ	1996-це иень эйзюрковонь 4-це чи (76 иеть)
Кулома тарказо	Улан-Удэ ош, Россиянь Федерация;
Масторозо	СССР
Кодамо ушмосо	ВВС
Служамонь иетне	1939—1946-це
Званиязо
Частезэ	Штурмонь авиациянь; 808-це полк (Штурмонь авициянь гвардиянь; 93-це полк) , Штурмонь авициянь гвардиянь 95-це полк
Тюремат/войнат	Ине Отечествань война
	Сергей Иванович Вандышев

Серге́й Ива́нович Ва́ндышев (1919-це иень медьковонь 5-це чи — 1996-це иень эйзюрковонь 4-це чи) — Советэнь ливтниця-штурмонь ютавтыця, гвардиянь майор, Россиянь Федерациянь Герой (1994-це ие).

Эрямопингезэ

Сергей Иванович Вандышев чачсь Мордовиянь АССР-нь (Мордовия Республикась) Рузаевка аймаконь Огарёво велеса служащаень семьяса. Средняй школать аделамда меле сон туй тонафнема Карагандинскяй аэроклубу. 1942-це кизоня цебярьста шумордасы Оренбургскяй военнай лётчиконь училищать, коса панжевсь 17-це воздушнай армиянь 5-це гвардейскяй штурмовой авиадивизиянь 808-це (меле лемтьф 93-це гвардейскяйкс) штурмовой авиационнай полксь, кона кучфоль Сталинград ошть алу. Сон фронтса, наградной каготтнень коряс, 10-це октябрьста 1942-це кизоня Сталинград ошть маласа тись подвиг – врагть моданц лангса удалась озафтомс самолётть и идезе эсь ялганц: сявозе лётчикть эсь бортонц лангс и немецнень сельминголе лийкстась менельти.

Войнань кизотнень пингста сон тись 158 удалаф боевой лиемада, машфтсь 23 танка, 17 самоходнай орудия, 67 полевой орудия и лама лия врагонь техника. Фронтса 52 воздушнай тюремаса сон ськамонза прафтсь 3 и группаса тюрезь – 2 врагонь самолетта^[1].

25 кизоса Сергей Вандышев арась ниле боевой орденонь кавалеркс – кафксть Якстерь Знамянь, II-це степенень Отечественнай войнань и Александр Невскяень. Войнать пингста кафксть теенза аноклакшнесть максомс Советскяй Союзонь Герой лем ^[1].

Августста 1944-це кизоня геройть-лётчикть раднянзонды сась латта азома сонь юмаманц колга («15-це июльста 1944-це кизоня ашезь мрда боевой заданияста»). Аньцек сон ульсь шиса.

Июльста 1944-це кизоня штурмовикнень эскадрильяснон командирсна Сергей Вандышев удалафста пяшкодезе боевой заданиять врагть боеприпасонь оцю складть машфтоманц коряс, но, меки мрдамста эсь частезонза, прафтфоль самолётоц и теенза савсь валгомс врагть моданц лангс. Тяда меле, стакаста ранендафста, ульсь сявф пленц. Аф ваномок тянь лангс 22-це апрельста 1945-це кизоня лия советскяй пленникнень мархта сон кеподсь восстания, салась самолёт и ворьгодсь ^[1]. Пленда меле С. Вандышев мрдась меки эсь частезонза, тюрьсь Берлинть сявомста.

Войнада меле Сергей Вандышев служась 51-це гвардейскяй авиационнай дивизиянь полконь командиронь полафтыкс. 1946-це кизоня тусь военнай службаста. Кизонда 1948-це кизоня ульсь арестовадондаф и декабрьста 1949-це кизоня судендафоль 15-е кизо лагерьса ащема, вете кизос юмафтозень эсь праванзон, нельгозь имуществанц и воинскяй званиянц: тиезь муворукс Родинати полафтоманкса (бта, сон пленца ащезь, гитлеровецненди азозень салава шинь военнай содамошитнень). Сонць Вандышев атказакшесь тя муворготфнематнень эзда и аф весть нежеткшнесь пенецяма мархта аф видеста ладяф муворшить коряс. Покодсь Воркутаса шахтаса. 3-це декабрьста 1954-це кизоня СССР-нь Верховнай судонь Пленумсь нолдась постановления Вандышевонь тевонц лоткафтоманц коряс «апак мук муворготфтоматнень инкса». 25-це январьста 1955-це кизоня сонь нолдазь тюрьмаста ^[2].

Эрясь Электросталь ошса, сяльде Уфаса. 1971-це кизоня Сергей Иванович ётась эряма Улан-Удэ ошу, коса покодсь жилищно-коммунальнай хозяйстваса. 1979-це кизоня лиссь пенсияс. Республиканскяй ветеранонь Советть и республиканскяй военкоматть якафтомаснон коряс Сергей Иванович Вандышевонди, отставкаса майорти, 6-це майста 1994-це кизоня Россиянь Президентть Указонц коряс максфоль Российскяй Федерациянь Геройнь лем и «Зрнянь Тяште» медаль.

Мяляфтомат

Кулось 4-це мартста 1996-це кизоня. Калмаф Улан-Удэса «Память» мемориальнай калмолангса.

Сергей Вандышевонь шачема-касома уженясонза, Рузаевка ошень 1-це гимназияса, коса сон тонафнесь, а тяфта жа Улан-Удэса Бабушкина куроса, коса сон эрясь путфт лятфнемань седяфт. Сонь лемонц каннесы Улан-Удэ ошса од курось. 1994-це кизоня тейнза максфоль лем «Улан-Удэ ошень Почётнай гражданин».

Казненза и званиянза

• Российскяй Федерациянь Герой (6-це майста 1994-це кизоня) – Инь оцю Отечественнай войнань 1941–1945 кизотнень пингста немецко-фашистскяй захватчикнень каршес тюремста мужествань и героизмань няфтеманкса • Якстерь Знаменень боевой 2 орденца • Отечественнай войнань 2 орденца • Александр Невскяень орденца • «Сталинградть араламанкса» медальса • «Берлинть сявоманкса» медальса • «Прагать нолдаманкса» медальса • Улан-Удэ ошень Почётнай гражданин.

Ссылкат

Вандышев, Сергей Иванович (неопр.). «Масторонь маралят» вальмась.
https://web.archive.org/web/20080918203750/http://www.ulan-ude-eg.ru/today/pochet/
«Известия Мордовии» от 03.07.2009 № 96 (24.144) «Я прошу дать мне право умереть за Родину…» Архивень копия 29 Ацамковонь 2016 на Wayback Machine
Гимназии в Мордовии присвоят имя Героя РФ

Литература

Бадмаринчинов Н. Д. Сегодня – день Героев Отечества // Бурятия. – 2009. – 9 дек. – С. 3

Болдогоев И. Золотая звезда Вандышева : [очерк] // Правда Бурятии. – 1994. – 7 июля. – С. 1, 3

Бутуханов А. Судьба летчика : [о фронтовой судьбе С. И. Вандышева] // Бурятия. – 1994. – 26 мая. – С. 5.

Гомбоев А. Свет Золотой Звезды : Герою России С. И. Вандышеву вручена высшая награда Родины // Правда Бурятии. – 1994. – 27 июля. – С. 3.

Грачева Юлия. Почётный гражданин нашего города Вандышев Сергей Иванович // Верхнеудинск – Улан-Удэ: 95 лет со статусом столицы : материалы городской конференции-конкурса : [сборник] / Центральная городская библиотека им. И. К. Калашникова. – Улан-Удэ, 2018. – С. 18-21.

Дабаин Баясхалан. Героический май: бурятская танковая колонна и дерзкий побег Сергея Вандышева из концлагеря // Бурятия. – 2017. – 28 апр. (№46). – С. 7.

Дугаржапов Тимур. Тяжелые испытания героя. Сергей Вандышев // Герои Бурятии : к 75-летию Великой Победы / Т.А. Дугаржапов, А.К. Тармаханов. – Улан-Удэ : НоваПринт, 2019-2020. – [Т. 4]. – С. 23-32.

Матвиевский В. Новый Герой России : [о присвоении высокого звания ветерану войны С. И. Вандышеву] // Бурятия. – 1994. – 4 июля. – С. 5.

Сандина Л.С. Трибунал и Золотая Звезда Вандышева. – Саранск : Изд-во Мордов. ун-та, 2018. – 300 с.

Цыренов Д. М. Вандышев Сергей Иванович // Цыренов Д. М. Герои Бурятии: 50-летию Победы посвящ. – Изд. 2-е, перераб. и доп. – Улан-Удэ, 1995. – С. 39-41.

↑ ¹ ² ³ Вандышев, Сергей Иванович (неопр.). «Масторонь маралят» вальмась.
↑ Из материалов книги В. Е. Звягинцева «Трибунал для „сталинских соколов“». Москва, 2008 г. (неопр.) Дата обращения: 6 Аштемковонь 2016. Архивировано 5 Умарьковонь 2016 года.

[wh-1] ¹ ² ³ Вандышев, Сергей Иванович (неопр.). «Масторонь маралят» вальмась.

[2] Из материалов книги В. Е. Звягинцева «Трибунал для „сталинских соколов“». Москва, 2008 г. (неопр.) Дата обращения: 6 Аштемковонь 2016. Архивировано 5 Умарьковонь 2016 года.

[1]

[2]