Вейсэндявомань чи
| Донецкой Раськень Республикань, Луганской Раськень Республикань, Запорожьянь ёнксонь ды Херсононь ёнксонь Россиянь Федерациянть марто вейсэндявомань чи | |
|---|---|
 | |
| Типесь | Государственной |
| Аравтозь | 2023-це иень таштамковонь 19-це чистэ |
| Тешкстави | Россиясо |
| Зярдо тешкстави | таштамковонь 30-це чистэ |
| Мезе марто сюлмазь | Специальной военной операциянть (СВО-нть) пингстэ Россиянь Федерацияс эрямопингень икелень таркатнень велявтоманть марто |
Донецкой Раськень Республикань, Луганской Раськень Республикань, Запорожьянь ёнксонь ды Херсононь ёнксонь Россиянь Федерациянть марто вейсэндявомань чи (теке марто Россиянть марто од регионтнэнь вейсэндявомань чи) — Россиянь воинской славань ды ледстнемань читнестэ вейке. Аравтозь 2023-це иестэ Россиянь Федерациянь Президентэнь Кармавтомасо. Тешкстави таштамковонь 30-це чистэ, ловови важодемань чикс[1].
Покшчинть эрямопингезэ
2022-це иень даволковонь 21-це чистэ Россиясь кемекстызе Донецкой ды Луганской Раськень Республикатнень оляксчинть[2]. ДНР-сь ды ЛНР-сь, конат ветясть олячинть кис бороцямо 2014-це иестэ саезь, пшкадсть лездамс тенст Россиянтень. Те вешеманть коряс 2022-це иень даволковонь 24-це чистэ Россиянь Федерациянь Вооружённой вийтне ушодызь Украинасо Специальной военной операциянть (СВО-нть)[3]. Тюремань тевдеематнень пингстэ Россиянь ушмотне сайсть Запорожьянь[4] ды Херсононь ёнкстнэнь ламо модат[5]. Тосо ульнесть теезь военно-гражданской администрацият (ВГА-т).
2022-це иень таштамковонь 23-це-27-це читнестэ ДНР-сэ, ЛНР-сэ, Запорожьянь ды Херсононь ёнкстнэсэ ютасть неть регионтнэнь коряс Россияв кода од субъектэнь совамодо раськень кевкстнемат (референдумт). Бюллетеньсэ ульнесь ансяк вейке кевкстема. ДНР-нь ды ЛНР-нь эрицятнень туртов: кирдить-а кирдить сынь «Россиянь Федерацияс кода РФ-нь субъектэнь правань эсь республикань совамонть?». Запорожьянь ды Херсононь эрицятнень туртов: «Тынь аноктадо лисемс Украинасто, олячинь масторонь теезь, ды совамс Россиянь Федерацияс?»[6]. ДНР-сэ ды ЛНР-сэ, косо 2020-це иестэ саезь государственноекс ловови ансяк рузонь келесь, бюллетентне печатазельть ансяк рузонь кельсэ, Запорожьянь ды Херсононь ёнкстнэсэ — украинань ды рузонь кельсэ. Эрьва регионсо самось ульнесь 50 %-тэ седе ламо; сех ламотне ёвтызь эсь мелест РФ-с совамонть кис[7].
2022-це иень таштамковонь 28-це чистэ раськень кевкстнеманть цётамотнеде мейле Денис Пушилин ДНР-нь Прявтось ды Леонид Пасечник ЛНР-нь Прявтось, Евгений Балицкий, Владимир Сальдо Запорожьянь ды Херсононь ёнкстнэнь ВГА-нь Прявттнэ пшкадсть Владимир Путин Россиянь Президентэнтень регионтнэнь РФ-с кода Федерациянь од субъектэнь совамодо пшкадема марто[8].
2022-це иень таштамковонь 29-це чистэ Владимир Путин РФ-нь Президентэсь тешкстась Запорожьянь ды Херсононь ёнкстнэнь оляксчидест кармавтомат[9].
2022-це иень таштамковонь 30-це чистэ Владимир Путин РФ-нь Президентэсь тешкстась ДНР-нь, ЛНР-нь, Запорожьянь ды Херсононь ёнксонь РФ-с совамодо вейсэнь тевконёвт[10].
Ожоковонь 4-це чистэ тевконёвтне ульнесть кемекстазь, тешкстазельть конституциянь федеральной законт, конат кармасть важодеме ожоковонь 5-це чистэ саезь[11].
Закононть кемекстамозо
2023-це иень таштамковонь 12-це чистэ В.В. Путин Россиянь Президентэсь макссь Государственной Думас аравтомс таштамковонь 30-це чинть РФ-нь ды ДНР-нь, ЛНР-нь, Запорожьянь ды Херсононь ёнкстнэнь вейсэндявомань чикс[12]. Теварсевксэс ульнесть совавтозь Россиянь воинской славань ды ледстнемань читнень тешкстамодо Федеральной законс полавтомат[13].
Истямо мелесь чачсь регионтнэнь парламентс депутаттнэнь вейкине чинь кочкамонть ютавтомадо мейле (таштамковонь 8-це-10-це читнестэ), зярдо Россиянтень вейсэндявомадо мейле од регионтнэсэ васенцеде ютасть од кочкамот. Кочкамотненень максозель закононь статус, зярдо 2023-це иень таштамковонь 29-це чистэ федеральной законодательствас совавтозельть полавтомат, конатнень вельде меревсь ютавтомс кочкамот сеть таркатнесэ, косо молить военной шкань тевдеемат[14]. Од регионтнэсэ кочкамос сыця эрицятнень невтемаст масторонть келес ульнесть сехте покшт ятонть пельде вайгелень максомань таркатнень леднемаст лангс апак вано[15].
2023-це иень таштамковонь 19-це чистэ РФ-нь Государственной Думась совавтсь полавтомат «Россиясо воинской славань ды ледстнемань читнень тешкстамодо» 1995-це иень эйзюрковонь 13-це чинь Федеральной 32-це № Закононь 1-це статьянтень. Весе фракциятне арсеманть кирдизь ве вайгельсэ. Таштамковонь 30-це чись яволявтозь Донецкой Раськень Республикань, Луганской Раськень Республикань, Запорожьянь ёнксонь ды Херсононь ёнксонь Россиянь Федерациянть марто вейсэндявомань чикс[16].
Тешкставкст
- ↑ 30 сентября в России будет отмечаться День воссоединения России и ДНР, ЛНР, Запорожской и Херсонской областей. Государственная Дума Федерального собрания Российской Федерации (2023-це иень таштамковонь 19-це чи). Дата обращения: 19 Таштамковонь 2023.
- ↑ Путин подписал указы о признании независимости ЛНР и ДНР. Известия (2022-це иень даволковонь 21-це чи). Дата обращения: 19 Таштамковонь 2023.
- ↑ Военная операция на Украине. Хроника. Interfax. Дата обращения: 19 Таштамковонь 2023.
- ↑ Запорожская область скоро вольется в семью народов России, заявил глава ВГА. РИА новости (2012-це иень аштемковонь 12-це чи). Дата обращения: 19 Таштамковонь 2023.
- ↑ Администрация Херсонской области: Регион никогда не вернется в состав Украины. Российская газета (2022-це иень аштемковонь 11-це чи). Дата обращения: 19 Таштамковонь 2023.
- ↑ Что известно о референдумах в ДНР, ЛНР и освобожденных областях Украины о вхождении в РФ. ТАСС (2022-це иень таштамковонь 23-це чи). Дата обращения: 19 Таштамковонь 2023.
- ↑ Референдумы в ДНР, ЛНР, Херсонской и Запорожской областях. Главное. РБК (2022-це иень таштамковонь 29-це чи). Дата обращения: 19 Таштамковонь 2023.
- ↑ Власти Херсонской области обратились к Путину с просьбой о присоединении к РФ. Известия (2022-це иень таштамковонь 28-це чи). Дата обращения: 19 Таштамковонь 2023.
- ↑ Владимир Путин подписал указы о признании независимыми Херсонской и Запорожской областей. Ведомости (2022-це иень таштамковонь 30-це чи). Дата обращения: 19 Таштамковонь 2023.
- ↑ Путин: выбор людей на новых территориях - их неотъемлемое право, закрепленное в Уставе ООН. ТАСС (2022-це иень таштамковонь 30-це чи). Дата обращения: 19 Таштамковонь 2023.
- ↑ Путин подписал законы о принятии ДНР, ЛНР, Запорожья и Херсона в Россию. ТАСС (2022-це иень ожоковонь 5-це чи). Дата обращения: 19 Таштамковонь 2023.
- ↑ О внесении изменений в статью 1-1 Федерального закона "О днях воинской славы и памятных датах России". Система обеспечения законодательной деятельности. Дата обращения: 19 Таштамковонь 2023.
- ↑ Путин внёс в ГД проект об установлении Дня воссоединения России и новых регионов. Russia Today (2023-це иень таштамковонь 12-це чи). Дата обращения: 19 Таштамковонь 2023.
- ↑ Организация выборов в новых регионах в 2023 году. ТАСС (2023-це иень таштамковонь 8-це чи). Дата обращения: 19 Таштамковонь 2023.
- ↑ Явка на выборах в заксобрания новых регионов стала одной из самых высоких в России. Ведомости (2023-це иень таштамковонь 11-це чи).
- ↑ ГД приняла закон об установлении Дня воссоединения новых регионов с Россией. Russia Today (2023-це иень таштамковонь 19-це чи). Дата обращения: 19 Таштамковонь 2023.
