Вирень важодицянь ды вирень перерабатывающей промышленностень чи
| «Вирень важодицянь чи» | |
|---|---|
 Телень вирь | |
| Типень коряс | Профессиональной покшчи |
| Лиякс | «Вирень ванстыцянь чи» |
| Аравтозь | СССР-нь Верховной Советэнь Президиумсо |
| Тешкстави |
 Белоруссиясо  Киргизиясо  Россиясо  Украинасо |
| Ютавтома чи | 1966-цень умарьковонь 13-це чистэ |
| Тешкстамонь чи | эрьва иестэ, ожоковонь колмоце таргочистэ |
 Вирень важодицянь ды вирень перерабатывающей промышленностень чи | |
«Вирень ванстыцянь чи» — вирень весе важодицятнень профессиональной покшчи, кона тешкстави таштамковонь колмоце таргочистэ Белоруссиясо, Киргизиясо, Россиясо ды Украинасо.
Покшчинть эрямопингезэ
Покшчись аравтозь 1966-це иень умарьковонь 13-це чистэ СССР-нь Верховной Советэнь Президиумонь Кармавтомасо («СССР-нь Верховной Советэнь кулят», 1966-це ие, 33-це №, 742-це ст.) ды тешкставсь эрьва иестэ таштамковонь колмоце таргочистэ. СССР-нь каладомадо мейле Советэнь икелень кой-кона республикатне ванстызь те покшчинть.
Белоруссиясо
Беларусь Республикасо «Вирень важодицянь ды вирень вирень перерабатывающей промышленностень чись» ловови профессиональной покшчикс, аравтозь 1998-це иень эйзюрковонь 26-це чистэ «Беларусь Республикасо государственной покшчитнеде, эрьгелемань читнеде ды ледстнемань читнеде» Беларусь Республикань Президентэнь 157-це №-нь кармавтомасо.
Кыргызстансо
«Вирень важодицянь чись» тешкстави секе чистэнть, тенень лездась Кыргызэнь Республикань Правительстванть пингстэ Вирень государственной инспекциянь важодицятнень пшкадемаст, а 1993-це иень умарьковонь 13-це чистэ республикань Правительствась нолдась 364-це №-нь кармавтома, конасонть покшчинтень максозь официальной лем.
Украинасо
1993-це иень умарьковонь 28-це чистэ Леонид Кравчук Украинань васенце Президентэсь нолдась 356/93-це №-нь Кармавтома, кона Украинасо аравты вирень хозяйствань, вирень, чувтонь перерабатывающей промышленностень профессиональной покшчи — Вирень важодицянь чи, конась тешкстави эрьва иестэ, таштамковонь колмоце таргочистэ.
Россиясо
.JPG)
2003-це иестэ Владимир Путин те покшчинтень поздоровонь сёрмасо ёвтась: «Виресь — Россиянь прявт сюпавчитнестэ вейкесь, масторонок экономикань ды экологиянь питневтеме лездамопель. Тевдеемас ды паро тевс сонзэ лездамозо — масторонок прявт ёнкстнэстэ вейкесь... течи масторонок вирень хозяйстванть ды вирень перерабатывающей промышленностенть икеле аштить аволь аламо стакачить. Сынст ютксо — комплексэнть важодеманзо кепетемась, технологиянь одкстомтомась ды, нама, эйсэнзэ важодиця ломантненень социальной лездамось...».
2013-це иестэ Советэнь Союзонь телеграфонь агентствань (ТАСС-нь) пресс-конференциясо ёвтанесть Вирень ванстыцянь чинтень виртнень ванстомадо наукань фильмань анокстамодо[1]. 2023-це иень таштамковонь 17-це чистэ Россиянь Президентэсь вирень важодицятненень поздоровонь ёвтамсто тешкстась, эряви «одкстомтомс вирень ванстомань лувонть, башка мель явома просветителень программатненень…»[2].
Теке марто вант
- Вирень путомань чи
Тешкставкст
- ↑ Вирень техникань университетэсь аноксты вирень ванстомадо наукань васенце фильма (2023-це иень таштамковонь 18-це чи).
- ↑ Вирень важодицятненень поздоровт (2023-це иень таштамковонь 17-це чи).