Витязь
Витязь — Кезэрень Русьсэ виев ушман, мараля[1].
Витязтне важодсть чинязонь ды воеводань кедьсэ ды явовсть апелемасо, валонь кирдемасо ды кемемасо, мезесь малавгавты сынст куншкапингень Европань ушмантнэнь марто. Витязтне лиснесть содавикс кудораськестэ, эсь важодеманть кис тенст пандсть ярмак. Сынь туекшнесть торпингень якамос, идекшнесть модаст ятонть эйстэ, топавтсть микшнемань тевть, ветясть модань важодемат ды ёвтнесть эсь мелест-арсемаст Русень политикань эрямосо. Витязтне аштесть неявикс таркасо масторонь куншкапингень эрямосонть ды лововсть виевчинь ды видечинь кирдицякс.
Содазь, маралятне — те покштояк покш вий марто ломанть. Витязтне явовить эйстэст домка содамочисэ, конатнень кастыть тиринь масторсо важодемстэ. Витязесь — виев, касозь, превей ушман, кона парсте невти прянзо торпингень тевсэ ды содасы торпингень искусстванть[2]. Кезэрень Русень витязтнень содамочидест, цёраксчидест ды вийдест пачтить ламо ловномапельтне, ансяк витязтнень ине тевест вадрясто невтевить фольклорсо: ёвкссо, пингеде сёрмадомасо ды эрямо ёвкссо.
Валонть чачомазо ды смустезэ
Бути варштамс Фасмерэнь Этимологиянь валксонть, тосо кортави «витязь» валонть теевемадо vikingr (викинг) кезэрэнь норвегиянь келень валсто. Ансяк неень шкань кельсодыйтне аволь пек саить мельс те арсеманть[3][4]. Теке шкасто Фасмер корты, «витязь» — вейсэнь славянонь вал, мезесь теи скандинавонь вейке кельстэ саеманть стакасто ёвтавиксэкс. Теде башка эряви кирдемс мельсэ, -ing скандинавонь суффиксэсь кезэрень рузонь кельсэ максовкшнось аволь кода -язь. Сон невтневсь кода -яг: vaering — варяг, kulfing — колбяг. «З» суффиксэсь кезэрень рузонь грамматикань лувтнень коряс тевс нолдтнезель ансяк ламонь чисэ: варяг — варязи, теке лувсо теевить ятвяг — ятвязи ды печенег — печенези. Тень лангс ванозь, viking валонть скандинавонь кельтнестэ вейкестэнть саевксэсь сестэ сёрмадоволь кода «викяг» эли k/t полавтнеманть мельсэ кирдезь кода «витяг», ансяк аволь «витязь».
А. Брюкнер, К. Махек ды Х. Шустер-Шевц польшань-чехиянь-лужицань кельтнень ванныцятне хронологиянь ды фонетикань тувталтнэнь коряс ловить валонть алкуксонь славянонсекс. Меельце арсемась ливти валонть кода «лишме лангсо ушманонь» кезэрень невтема славянонь кельстэ *vitь — «добыча, трофей», ташто славянонь кельстэ *възвить — «польза, выгода, прибыль, барыш»[5].
Лия арсеманть коряс, «витязь» валось лиси «витингас» валонть эйстэ, конань смустезэ — «лишме лангсо содавикс ушман, рыцарь». Карадо-каршо аравтомань ванномга: литвань кельсэ сонензэ малавикс «витис» валось, кона тагояк канды теке смустенть — «лишме лангсо содавикс ушман, рыцарь». Ды ансяк валонь те чачомась невти «т» буквань появамонть, аволь «к»-нть.
«Витязь» валось васенцеде вастневи 1460-це иетнестэ «Повесть временных лет» рузонь кезэрень пингеде витнезь сёрмадомасо, кона максозь Переяславлянь пингеде сёрмадомасо[6].
XI-це-XVII-це пингень рузонь келень валксось невти те валонь теевеманть нолдамонзо рузонь пингеде сёрмадоматнесэ, ютксост Переяславской сёрмадомасо «чинязонь ушмосто, инязоронь ванстомасто» смустьсэнть. П. Я. Черных корты те валонть XV-це пингестэ аволь седе икеле появамодо. Содыенть арсеманзо коряс, валось тевс нолдтневсь чуросто. А В. Д. Кузьмина невти, те валось полавты «храбр» существительноенть. Бути домкасто варштамс, XV-це пингестэ те валонть тевс нолды Ефросин Белозерский[6].
Брокгаузонь ды Ефрононь энциклопедиянь валксось пачти, сехте сеедьстэ те валось вастневи рузонь раськень ёвкстнэсэ «изниця, апелиця, рыцарь, мараля» смустьсэнть[7]. Рузонь келень раськень корпуссо валонть сехте ламоксть нолдамозо тешкстазь XIX-це пингень ушодкссо седе тов аволь покш кепетемасо, кона шкань коряс сюлмазь А. С. Пушкинэнь ды М. Ю. Лермонтовонь шкинемаст марто[8].
Культурасо
- «Игорень ушмодо вал» поэма
- «Тигрань кедь потсо шкура» Шота Руставелинь поэмазо
- «Руслан ды Людмила» Александр Пушкинэнь поэмазо
- «Игорь Святославичень половецтнэнь марто тюремадо мейле» (1880), «Киулосо витязь» (1882) Виктор Васнецовонь артовксонзо
Теке марто вант
- Мараля
- Кмет
- Викинг
Литература
- Бобров А. Г. Существовал ли Мусин-Пушкинский сборник со «Словом о полку Игореве»? (об одном заблуждении Эдварда Кинана) // Studia Slavica et Balcanica Petropolitana. — 2007. — № 1/2. — С. 39–51.
- Ларионов В. От царской Скифии к Святой Руси. — М.: Яуза : Эксмо, 2005. — 640 с. — ISBN 5-699-10154-3.
- Федченко О. Д. Тризна: этимология термина // Гуманитарные исследования. История и филология. — 2023. — № 9. — С. 7–14. — doi:10.24412/2713-0231-2023-9-007-014.
- Шустер-Шевц Х. Древнейший слой славянских социально-экономических и общественно-институциональных терминов и их судьба в сербо-лужицком языке // Этимология. — М.: Наука, 1986. — С. 224–239.
Тешкставкст
- ↑ Витязь // Большой толковый словарь русского языка / гл. ред. С. А. Кузнецов. — СПб.: Норинт, 1998.
- ↑ Сергей Колибаба. Витязь — этимология. Проза.ру. proza.ru. Дата обращения: 21 Сундерьковонь 2023.
- ↑ Федченко О. Д., 2023, с. 9–10.
- ↑ Ларионов В., 2005.
- ↑ Шустер-Шевц Х., 1986, с. 232.
- ↑ 1 2 Бобров А. Г., 2007.
- ↑ Витязь // Энциклопедический словарь Брокгауза и Ефрона : в 86 т. — 1890–1907.
- ↑ Распределение результатов поиска по датам (частота на миллион словоформ) с 1682 по 2022. Национальный корпус русского языка. processing.ruscorpora.ru. Дата обращения: 21 Сундерьковонь 2023.