Волков, Дмитрий Петрович

Дмитрий Петрович Волков
Дмитрий Петрович Волков
Чачома чизэ	1920-це иень сундерьковонь 10-це чи
Чачома тарказо	Анаева веле, Спассонь уезд, Тамбовонь губерния, РСФСР
Кулома чизэ	1996-це иень даволковонь; 26-це чи
Кулома тарказо	Москов ош
Масторозо	СССР
Кодамо ушмосо	авиациянь
Служамонь иетне	1938—1986-це
Званиязо
Тюремат/войнат	Ине Отечественной война;

Дми́трий Петро́вич Во́лков (1920—1996) — Советэнь Армиянь генерал-майор, Ине Отечественной войнасо улиця, Советской Союзонь Герой (1943-це ие).

Эрямокизэ

Чачсь 1920-це иень сундерьковонь 10-це чистэ Анаева велесэ^[1] служицянь кудораськесэ. Мокша. Прядсь средней школа тиринь велесэнзэ, 1937-це иестэ кармась тонавтнеме Ульяновскоень тонавтыцянь институтсо.

1938-це иестэ комсомолонь кочкамонь коряс тердезель Важодицянь ды сокицянь-видицянь Якстере армияв. 1940-це иестэ прядызе Челябань менельвенчень ветицянь-ваныцянь авиациянь военной училищанть^[2].

Ине Отечественной войнань ушодкссто — сонзэ фронттнэсэль^[3]. 1943-це иень аштемковонтень сон васоло леднемань 5-це авиакорпусонь 53-це авиадивизиянь
3-це авиаполконь эскадрильянь капитан, штурман. Се шкантень тейсь
150 ливтнемат. Ёртнесь ятонь тылсэ военной объекттнэнь ланга бомбат, ливтнесь партизанттнэнень ды куродомас понгозь Советэнь ушмотненень. Васенцекс эсь дивизиясо тонадсь вишка габариттнэнь ланга бомбасо леднемантень, коштонь тюрематнесэ тевс нолдтнесь фотоконтроленть^[3].

1943-це иень таштамковонь 18-це чистэ СССР-нь Верховной Советэнь Президиумонь кармавтомасо «немецень ятонть каршо виевчинь ды геройксчинь невтеманть ды аравтозь тевень топавтоманть кис» Дмитрий Волков капитанонтень максозель Советэнь Союзонь Откерь покш лемесь, казевсь Ленинэнь орденэсь ды
1746-це номерэнть ало «Сырнень Теште» медалесь^[3].

Войнань прядовомадо мейле поладызе служамонзо Советэнь армиясо. 1952-це иестэ прядызе Н. Е. Жуковский лемсэ военно-воздушной академиянть, 1961-це иестэ — Генеральной штабонь военной академиянть^[4]. Генерал-майоронь званиясо лиссь отставкав. Эрясь Московсо.

Кулось 1996-це иень даволковонь 26-це чистэ, калмазь Московонь Троекуровской калмолангсо^[3].

Теке марто казезель Якстере Знамянь кавто орденсэ, Отечествань войнань
1-це степенень кавто орденсэ, Якстере Тештень кавто орденсэ, «СССР-нь Вооружённой Вийтнесэ Тиринь масторонтень службанть кис» 3-це степенень орденсэ, зярыя медальсэ^[3].

Тешкставкст

↑ Ныне — Зубово-Полянский район, Республика Мордовия.
↑ Краеведческий проект «Созвездие Героев»: Волков Дмитрий Петрович
↑ ¹ ² ³ ⁴ ⁵ Волков Дмитрий Петрович (неопр.). «Масторонь маралят» вальмась.
↑ Волков Дмитрий Петрович

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль. — Саранск: Мордкиз, 1985.

Ссылкат

[1] Ныне — Зубово-Полянский район, Республика Мордовия.

[2] Краеведческий проект «Созвездие Героев»: Волков Дмитрий Петрович

[wh-3] ¹ ² ³ ⁴ ⁵ Волков Дмитрий Петрович (неопр.). «Масторонь маралят» вальмась.

[4] Волков Дмитрий Петрович

[1]

[2]

[3]

[4]