Гангаев, Алексей Кузьмич
| Алексей Кузьмич Гангаев | ||||
|---|---|---|---|---|
 | ||||
| Чачома чизэ | 1917-це иень панжиковонь 17-це чи | |||
| Чачома тарказо | ||||
| Кулома чизэ | 1990-це иень эйзюрковонь 17-це чи (72 иеть) | |||
| Кулома тарказо | ||||
| Масторозо |
 СССР |
|||
| Кодамо ушмосо | пехотань | |||
| Служамонь иетне | 1938—1947-це | |||
| Званиязо |
 |
|||
| Тюремат/войнат |
Важодицянь ды сокицянь-видицянь Якстере армиянь Польшав молема, Советэнь-финнэнь война, Ине Отечественной война |
|||
| Казнеть ды премият |
|
|||
Алексе́й Кузьми́ч Ганга́ев (1917—1990) — Советэнь Армиянь капитан, Важодицянь ды сокицянь-видицянь Якстере армиясо улемстэ Польшав молемань улиця, Советэнь-финнэнь ды Ине Отечественной войнатнесэ улиця, Советской Союзонь Герой (1943-це ие).
Эрямокизэ
Алексей Гангаев чачсь 1917 иень панжиковонь 17-це чистэ Мокшонь Пимбур[1] велесэ сокицянь-видицянь кудораськесэ. Прядсь школань сисем класст, важодсь колхозсо, мейле сась эрямо Московов, ульнесь ошонь килангонь строямонь управлениясо арматурщикекс[2]. 1938-це иестэ Гангаев тердезель служамо Важодицянь ды сокицянь-видицянь Якстере армияв. Ульнесь Польшав молемасо ды Советэнь-финнэнь войнасо. Ине Отечественной войнань васенце читнестэ саезь — сонзэ фронтнэсэль. 1943-це иень таштамковс Алексей Гангаев старшей лейтенантось ульнесь Воронежень фронтонь армиянь леднемань 47-це корпусонь леднемань
23-це дивизиянь леднемань 30-це полконь леднемань 256-це батальононь прявтонь командирэнь полавтыцякс. Пек парсте невтизе эсь прянзо Днепра леенть кис тюремасо[3].
1943-це иень таштамковонь 25-це чинь вестэнть Украинань ССР-нь Черкасской ёнксонь Каневской буень Студенец веленть маласо Гангаев ютась Днепранть трокс ды лездась кирдемс немецень ламодояк ламо каявоматнень[3].
1943-це иень ожоковонь 25-це чистэ СССР-нь Верховной Советэнь Президиумонть кармавтомасо «Днепранть трокс ютамсто ды леенть вить чиресэ плацдарманть кирдемстэ невтезь виевчинть ды апелеманть кис» Алексей Гангаев старшей лейтенантонтень максозель Советской Союзонь Герой покш лемесь, конань марто тензэ казезельть Ленинэнь орденэсь ды 4119-це номерэнть марто «Сырнень Теште» медалесь[3].
1945-це иень панжиковсто Гангаев прядсь офицерэнь составонь кастомань курсат, теде мейле служась Полтавань военной комиссариатсо. 1947-це иестэ Гангаев капитанонь званиясо ютавтозель запасос. Эрясь Сумынь ёнксонь Ахтырка ошсо, важодсь «Промсвязь» заводсо термистэкс. Кулось 1990-це иень эйзюрковонь
17-це чистэ, калмазь Ахтыркань Центральной калмолангсо[3][4].
Теде башка казезель 1-це степенень Отечественной войнань орденсэ ды зярыя медальсэ. Ахтыркасо аравтозь Гангаевень бюстозо[3].
Тешкставкст
- ↑ Ныне — в Зубово-Полянском районе, Республика Мордовия, Россия.
- ↑ Гангаев Алексей Кузьмич (17.05.1917–17.03.1990)
- ↑ 1 2 3 4 5
Гангаев, Алексей Кузьмич. «Масторонь маралят» вальмась.
- ↑ Гангаев Алексей Кузьмич
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- В путешествие по Сумщине. Харьков, 1979.
- Герои-освободители Черкасщины. — Днепропетровск: Промінь, 1980.
- Гриченко И. Т., Головин Н. М. Подвиг. — Харьков: Прапор.
Ссылкат
- Важный рубеж Алексея Гангаева – к 100 – летию со дня рождения Гангаева Алексея Кузьмича, Героя Советского Союза
- Гангаев Алексей Кузьмич
- Лица Победы
- Выставка, посвящённая юбилейным датам Героев Советского Союза - Абдершина А.А., Ахромеева С.Ф., Гангаева А.К., Парамонова И.Г., Рубцова А.П., Шунеева Ф.Г., Якушкина Г.Т.