Гирлянда
Гирля́нда (фр. guirlande, ит. ghirlanda, лат. gerrae — кодавкс) — кодазь цецянь, тарадонь, лопа марто нетьксэнь, плодонь, лиясто парсей марто сюлмавомань — бандельверк, бант, маскарона, букрания марто. Каштазонь эли кирьгашкенть эйстэ гирляндась ловови тешксэнь ёнксонь пельксэкс ды секскак сеедьстэ совавтови эрьва кодамо композициятнень мазылгавтомань кис[1].
Косто саевсь
Гирляндатнень тейнесть кезэрень шкатнестэ саезь. 2006-це иестэ Египетэнь Инязоронь лаймесэ, кандолазонь саркофагтнесэ ульнесть муезь цецянь гирляндат ды кодазь сынст эйс сырнень суреть[2][3]. Гирляндатне вастневить пек кезэрень рельефтнесэ, сехте пек эллинэнь ды римень шкань. Классикань архитектурасо истямо ёнксось лемдяви фетонокс.
Италиянь Вельмевтемань шкасто гирляндатнень совавтнесть гротескень эрьва кодат композициятнес. Классицизмань ды барокконь стильнесэ тевс нолдтневсть архитектурань ордерсэ: гирляндань рядонть нолдтнесть стявтозь ёнкс марто пек кезэрень палытолонь эли кругловой розеткань кондямокс.
Гирляндатне кармась седеяк пек содавиксэкс теевеме Франциянь Регентствань ды рококонь стильтнень шкасто. Гирляндатнень совавтнесть шпалерэнь мазылгавтомасо, эйсэст мазылгавтнесть цёрань ды авань оршамотнень, артовксонь ды гравюрань мазылгавтомсто сюлмсесть рокайлятнень ды картушатнень марто.
Россиянь архитектурасо гирляндатнень тевс нолдтнесть барокконь стилень шкасто саезь. Истя, гирляндатне нолдавсть Меншиковань башнянь фасадонь мазылгавтомасо: васенце ярусонь вальматнень лангсо, порталтнэнь лангсо, волютонь ды капителень мазылгавтомасо.
Гирляндатне келейстэ тевс нолдавсть рузонь классицизмань ды ампирэнь архитектурасо. Санкт-Петербургонь Александрийской театрань рельефень келей фризэнь фасадсо гирляндасо мазылгавтозь театрань чамакстнэ. Истямо ёнксось, ансяк чамакстнэнь таркас ангелэнь фигура марто гирляндатне, неявить Троице-Измайловской соборонь фасадтнэсэ. Рельефень гирляндатне вастневить северной модернэнь шкань неоклассицизмань стильсэяк, саемга, Санкт-Петербургсо Азовонь-Дононь банконь ды Мертенсэнь кудонь зданиятнень фасадтнэсэ. Гирляндань мотивенть вельмевтсть ар нуво стилень декоративно-прикладной искусствань теевкстнэсэ ды модернэнь искусствань неоклассикань пелькссэнть.
Электрикань гирлянда
Теке марто гирляндакс лемдяви эждемань лампань рисьместэ эли светодиодсто мазылгавтома, кона вейке-вейкень марто вейсэндязь электрикань уськень содомапельсэ. Роштовань ды Од иень покшчитнень ютавтома шкасто гирляндатне тевс нолдавить Роштовань кузтнэнь, кудоютконь предметтнэнь, архитектурань пелькстнэнь ды целанек кудотнень мазылгавтомга.
1895-це иестэ США-со теезель электрикань Од иень сех васенце гирляндась, кона мазылгавтызе Ашо кудонть икеле кузонть. Те шкасто саезь электрикань толтнэ кармасть шаштомо кузтнэстэ штолтнэнь (сынь ветить толонь кирваземас).
Советэнь Россиясо васенце гирляндатнень ушодсть тейнеме ансяк
1938-це иестэ, Советэнь кузонь электрикань васенце гирлянданть ульнесь лемезэ — ЁГ-1 — ды аштесь сон параллельной 2 рисьместэ, эрьвасонть 13 вольтонь лампочкат (се шкастонть те сюлмазель 127 вольтонь валдомтомань сетень) конической колбанть марто, кона артозь цапонлаксо якстере, ожо, пиже ды сэнь-фиолетэнь тюссо, патронтнэ теезельть карболитстэ штатолонь кондямокс ды тарадтнэнень весемесь понгавтневсь прищепкатнень вельде. ЁГ-1 гирляндантень комплектсэ мольсть колмо запасной лампат ды палозь лампанть полавтомга инструкция[4].
Коень коряс ХХ-це пингень 90-це иетнес теезь гирляндатнень улить полавтомань лампаст, конат совавтозь уськень вейсэнь линияс. СССР-сэ Московонь электролампань заводсо теезь гирляндатне мольсть вишка габаритэнь марто патронсо, весемесь теезь фонарень, ракетань, эрьва кодамо фигурань лувсо (вант фотонть)[5]. Истямо лампасо теезь Советэнь лия гирляндатнень улить «Пушкинэнь фонарикень», космосонь ракетань ды лия фигурань лувсо теезь пластмассонь плафонт. Социалистэнь Румыниясо нолдтневсь ведьлукшонь кондямо плафон марто гирлянда.
Неень шкасто ламо электрогирляндатне нолдтневить кода электротехникань аволь разборной теевкст вишка габаритэнь лампа марто, конат совавтозь кабелень явовксос. Теде башка гирляндасо электронной управлениянь блоконь марто уськень зярыя содомапелень улемась максы теемс валдонь эрьва кодат эффектт (эйстэст сех сеедьстэ вастневи — «чииця толт»). Кой-кона гирляндатне алтазь микшнемань предприятнень мазылгавтомга, эйсэст улить музыкальной синтезаторонь микросхемат, конатнень вельде гайгить программировазь вейке эли зярыя мелодият. Ней пек ламо истят теевкст нолдавить Китаень предприятиятнесэ.
Неень шкасто келейстэ сравтневить светодиодонь техника марто светодиодонь гирляндат, ды теке марто (лововить «высокотехнологичноекс») волокнань-сэльгень (световодонь).
СМИ-тнень даннойтнень коряс, 2024-це иестэ пек вечкевиксэкс кармасть смартофононь управления марто «превей» смарт-гирляндат. Телефонть вельде мереви полавтнемс ципельдемань ёнксонть, вейсэндямс ципельдеманть ды музыканть, аравтомс шка. Смарт-гирлянданть тевс нолдамга эряви аравтомс башка приложения — стандартной эли фирменной[6].
Фотот
Кузонть лангсо гирляндань цифтёрдома
Маргариткасто гирлянда
Миемас цецянь стака гирляндат Ченнаисэ, Индиясо
Шраванбелаголесэ джайнонь храмсо гирляндасо Девинь невтема
Геркуланумонь оливкань гирляндань каштаз
Тамилнадсо од кудос совамонь шкасто кудонь парадонь кенкшень паргось мазылгавтозь (Нила Маалаи) гирляндасо
.jpg)
Теке марто вант
- Акант
- Букраний
- Пальметта
- Гротеск
- Трофей
- Гирляндань кандыцят
- Фестон
Тешкставкст
- ↑ Власов В. Г. Гирлянда // Власов В. Г. Новый энциклопедический словарь изобразительного искусства. В 10 т. — СПб.: Азбука-Классика. — Т. III, 2005. — С. 174—175
- ↑ Lenta.ru: Культура: В древнеегипетском погребении нашли цветочные гирлянды. Дата обращения: 15 Медьковонь 2014. Архивировано 20 Медьковонь 2014 года.К:Рувики:Cite web (не указан язык)
- ↑ В египетской гробнице обнаружены цветочные гирлянды. Дата обращения: 15 Якшамковонь 2007. Архивировано 9 Ожоковонь 2006 года.
- ↑ Музейная азбука от " А до Я". Цветные гирлянды. | Музей Отрадного. museum-otradny.ru. Дата обращения: 11 Сундерьковонь 2024.К:Рувики:Cite web (не указан язык)
- ↑ Ясинская, О. Раз. два, три - ёлочка, гори! // Всегда в движении : журнал. — 2013. — № 12. — С. 9.
- ↑ Лучшие умные гирлянды с управлением со смартфона 2024 года: рейтинг топ-11 по версии КП. Ваннозь 11 Сундерьковонь 2024.
Литература
- Голубков Андрей Васильевич «Гирлянда Юлии» и галантная антропология во французской салонной культуре XVII-XVIII вв // Филологические науки. Вопросы теории и практики. — 2017. — № 6—2 (72).
- Звездина Юлия Николаевна Образ гирлянды в мозаиках Неаполя и Равенны IV-VI веков // Труды Санкт-Петербургского государственного института культуры. — 2009.
- Звездина, Ю. Н. Гирлянда в порталах соборов Московского Кремля // Московский Кремль в XVI столетии: Сб. статей. — М.: БуксМАрт, 2014. — Кн. 1: Древние святыни и исторические памятники. — С. 237—247.
- Ху Элис Джоан Происхождение цветочных гирлянд во фламандской живописи XVII в // Манускрипт. — 2020. — № 7.