Головин, Григорий Максимович
| Григорий Максимович Головин | ||||||
|---|---|---|---|---|---|---|
| Файла:Григорий Максимович Головин.jpg | ||||||
| Масторозо |
 СССР |
|||||
| Кодамо ушмосо | артиллерия | |||||
| Служамонь иетне | 1936—1957 | |||||
| Званиязо |
 |
|||||
| Тюремат/войнат | Великая Отечественная война | |||||
| Казнеть ды премият |
|
|||||
Григо́рий Макси́мович Голови́н (1914—1991) — Советской Армиянь подполковник, Ине Отечественной войнань участник, Советской Союзонь Герой (1944).
Эрямокизэ
Чачсь 1914-це иень ожоковонь 14-це чистэ Покровск велесэ (ней — Мордовиянь Ковылкинской район) сокицянь-видицянь кудораськесэ. Прядсь школань вете класст, важодсь слесарекс.
1936-це иестэ тердезель служамо Важодицянь ды сокицянь-видицянь Якстере Армияв. 1941-це иень аштемковсто саезь — Ине Отечественной войнань фронтнэсэль. 1943-це иень умарьковс старшей лейтенантокс улемстэ аравтозель Воронежской фронтонь 27-це армиянь 7-це артиллерийской сезневема корпусонь 17-це артиллерийской сезневема дивизиянь 92-це стака гаубичной артиллериянь бригадань политчастень коряс дивизиононь командирэнь полавтыцякс. Редявиксстэ невтизе прянзо Украинской ССР-нь Сумской областень[1] олякстома шкасто.
1943-це иень умарьковонь 18-це чистэ немецень ушмотне ушодсть виев каявома советской ушмотнень каршо Ахтырка ошонть маласо. Каявоматнень ёртозельть пехотань часттне артиллериянь ды авиациянь лезксэст марто. Омбоцеде снартомсто ятонь ушмотненень удалась сеземс советской оборонань икельце линиянть ды эвкставомс эйзэнзэ. Зярдо ятось вачкодсь керш флангонть ланга 166-це леднемань дивизиясь, сон огневой взводонь командирэнть младшей лейтенантонть А. Н. Гайдаш марто тейсь круговой оборона кавто дивизиононь батареясо, зярыя танковой контратакань кирдезь. Оборонань кирдицятне чавсть 6 «Тигр» танкат, 3 средней танкат, 1 самоходной установка, 1 бронемашина ды 3 бронетранспортёрт, теде башка маштсть малав батальон ятонь пехота. Седе тов Днепрань трокс ютамсто Киевенть эйстэ юг ёнов Григорий Головинэнь ветямонзо ало дивизионось эсь толсо лездась ютамс бригадань прявт вийтненень[1].
Яволявтозель Советской Союзонь Герой званиянть максомантнень «парсте ютавтозь партийно-политической важодеманть, героизманть кис, конат невтезельть Ахтырканть ало ды Днепра леенть печтямсто». 1944-це иень даволковонь 9-це чистэ СССР-нь Верховной Советэнь Президиумонть кармавтоманзо вельде «Советской Союзонь Герой лементь максомадо офицерэнь ды сержантонь Якстере Армиянь артиллериянь составонтнень» «немецень ятонть каршо виевчинь, геройксчинь невтемань ды фронтсо прявттнэнь пельде аравтозь тевенть парсте топавтомань кис» ульнесь казезь Советской Союзонь Герой лемсэнть Ленинэнь орденэнть ды 3387 номер марто «Сырнень Теште» медаленть марто[1]. [2] Теде мейле олякстомтсь Белорусской ССР-нть, Польшанть, Чехословакиянть, Германиянь бойтнесэ. Войнадо мейле поладызе службанзо Советской Армиясо. 1949-це иестэ прядсь Фрунзе лемсэ Военно-политической училищасо офицерской составонь кастомань курсат. Служась Ленинградской военной округсо. 1957-це иестэ подполковник званиясонть ильтязель запасос.
Эрясь Ленинградской областень Пушкин ошсо, важодсь мастерэкс деревообрабатывающей заводсо, топавтсь общественной тевть. Кулось 1991-це иестэ эйсюрковонь 2-це чистэ[1].
Калмазь Павловск ошонь калмазырьс[3].
- Казнензэ
Теде башка казезель Якстере Знямянь, 1-це ды 2-це степенень Отечественной войнань ордентнэсэ ды зярыя медальсэ. Ахтырка[1] ошонь почётной гражданин.
Примечаният
- ↑ 1 2 3 4 5
Головин, Григорий Максимович. «Масторонь маралят» вальмась.
- ↑ Указ Президиума Верховного Совета СССР «О присвоении звания Героя Советского Союза офицерскому и сержантскому составу артиллерии Красной Армии» от 9 февраля 1944 года // Ведомости Верховного Совета Союза Советских Социалистических Республик : газета. — 1944. — 24 Даволковонь (№ 11 (271)). — С. 1. Архивировано 23 Якшамковонь 2022 года.
- ↑ Могила Героя Советского Союза Г. М. Головина (Санкт-Петербург). Дата обращения: 27 Эйзюрковонь 2022. Архивировано 24 Якшамковонь 2022 года.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Бродовский котел. — Львов: Каменяр, 1974.
- Геройская быль. — Саранск: Мордкиз, 1985.
- Гриченко И. Т., Головин Н. М. Подвиг. — Харьков: Прапор.
- Огарков Н. В. Киевско-Житомирская артиллерийская дивизия прорыва // Советская Военная Энциклопедия. — М.: Воениздат, 1977. — Т. 4. — С. 169—170. — 656 с. — 105 000 экз.
- Денюшкин А. Плечо боевого друга. — М.: Изд-во ДОСААФ, 1977.
Ссылкат
- Головин Григорий Максимович Архивень копия 24 Якшамковонь 2022 на Wayback Machine, Память народа
- Они стали Героями в битвах за освобождение Украины Архивень копия 24 Якшамковонь 2022 на Wayback Machine