Грачёвка (Кошкинань буе)

Веле
Грачёвка
54°20′18″ с. ш. 50°26′16″ в. д.
Масторось	Россия Россия
Федерациянь субъектэсь	Самара ёнкс
Муниципальной буесь	Кошкинань
Велень поселениясь	Покш Ермакова
Историясь ды географиясь
Эрицятне
Зяро эрицят	78 ломанть (2010)
Раськетне	эрзят
Конфессиятне	православнойть
Цифровой идентификатортнэ
Почтань индексэсь	446816
Объектэнь административно-территориальной явовомань Весе Россиянь классификаторонь кодось	36224824002
Муниципальной образованиянь территориянь Весе Россиянь классификаторонь кодось	36624424116
Лия
Грачёвка Москва Грачёвка

Грачёвка — Самара ёнксонь Кошкинань буесэ веле. Сови Покш Ермакова велень поселенияс.

Аштема тарказо

Грачёвка велесь ашти Юмратка лейчиренть лангсо. Вакссо аштить Степной Шентала, Од Кармала, Покш Ермакова велетне.

Историязо

Теезь XVIII-це пингестэ Степной Шентала велень сокицятнесэ-видицятнесэ. XVIII-це пингень куншкасто саезь картасо тешкстазь кода Выселка.

Грачёвка — П. А. Столыпинэнь реформанть коряс Городок веленть кондямо ХХ-це пингень ушодовомсто Шенталань сокицятнень-видицятнень хуторской эрямо таркань куншкакуро.

1910-це иень таштамковсто Грачёвской хуторской хозяйстватнень (кода аграрной реформань паро тевень теемань невтема) ваннынзе П. А. Столыпин, кона се шкастонть сакшнось Самарань губернияв.

1910-це иестэ велесэнть ульнесть 109 кудоюртт, эрясть 744 ломанть, весе эрзят, икелень удельнойть, ульнесть надельной модань 1643 десятинат. Теде башка ульнесь земской школа, ведьгев.

1930—50-це иетнестэ Грачёвкась ульнесь велень советэнь куншкакс.

Эрицятне

Зяро эрицят

2010
78

10

20

30

40

50

60

70

80

2010

2025-це иень сундерьковсто Грачёвка велень эрицятнеде — 65 ломанть.

Косто саевсь лемесь

Лемесь, паряк, сюлмазь граць лементь марто. Эрзянь вариантось (эсензэ лемесь) — Тюлька веле — Эчке чурбакт.

Велень хозяйства

1928-це иестэ Грачёвской хуторской хозяйстватнень (выселкатнень) лангсо тееви «Луч» артелесь.

1951-це иестэ маласо аштиця хозяйстватнень совавтомаст вельде теезель Ленинэнь лемсэ колхоз, конань куншкакс ульнесь Покш Ермакова велесэ.

Тонавтома

Земской сёрмадовкстнэнь коряс, XIX-це пингенть прядовомсто Грачёвкасо ули земской школа. Школасо тонавтнемась ульнесь питневтеме. Школатнень строямонь, оборудованиянь ды кирдемань коряс весе ютавтоматнень кандсть уездэнь земской управатне. Программатнень ды тонавтнемань материалтнэнь кемекстасть попечительской советтнэ ды тонавтыцянь инекужотне, тень пингстэ программатнес башка совавтневсть велень хозяйстванть марто сюлмазь перспективной предметтнэ — садоводствась, мекшень кирдемась, видьмень кастомась ды лият.

Земской школань тонавтыцятнень ярмаконь пандомась аштесь важодемань ды тонавтомань стажонть эйстэ ды ульнесь XX-це пингень ушодовомсто 300—600 целковойть иезэнзэ эли 25-50 целковойть ковозонзо, мезесь лововсь сатышка паро жалованиякс. Самарань уездэнь земской служащейтнень спискатнень коряс 1903-це иентень тонавтыцякс ульнесь Добронравова педагогось.

Грачёвкасо улемадо мейле мейле П. Столыпин (ды сонзэ кармавтоманзо коряс) велесэнть стявтсть велень хозяйствань школа, конань мейле теизь войнасо урозокс кадовозь эйкакштнень туртов кудокс. Мейле зярыя кементь иеть тосо ульнесь кавксо иень школа. 1949-це иестэ Грачёвкань сисем иень школань ушодома класстнэсэ тонавтыцякс ульнесь Жаркова Александра Андреевна (секе иестэнть казезель Ленинэнь Орденсэ).

Тешкставкст