Эрзят
| Эрзят | |
|---|---|
| Нейшкань эсьлем | эрзя |
| Численность и ареал | |
Весе:
|
|
|
весемикс эрзятне мокшотнень марто:
|
|
| Описание | |
| Кель | эрзянь кель, рузонь кель |
| Кемема | Православия[d], язычество[d], эрзянская традиционная религия[d], Молокане[d] ды лютеранство[d] |
| Совавты | Эрзят ды мокшот[d] |
| Малавикс раськеть | мокшот, марить, удмуртт, суомить, эстт |
| Этникань группат | |
 Эрзят | |
«Эрзя» (руз. эрзя, эрзяне) ды мокшот — те финнэнь-угрань раське, кона сови уралонь келень покш кудораськентень. Эрзятне эрить Сура леенть чирева, Рав ды Ашо лейтнень ютксо.
Раськенть лемезэ-смустезэ
Эрзя валонть лемезэ-смустезэ саеви «эриця», «эрий», «эрямс», «эрямо» валтнэстэ. Рузонь кельстэ ютавтови кода «живущий». V-це пингестэ саезь эрзятне эрить пелеве ды чивалгома ёнкссо, неень Рязань ды Обран оштнень ёнкстнэва.
961-це иестэ эрзя (арта, ариса) ледстяви Иосиф хазаронь каганонь сёрмасо кода раське, кона панды сонензэ каявкс. Теде башка эрзятнеде сёрмалесть Страбон (аорсы) ды Птолемей (арсииты) географиянь тонавтницятне.
Арза — эрзянь мастор, конадонть сёрмали Ибн Хаукаль арабонь географось (X-це пинге). Эрзятнеде (арджаны) сёрмалесь Рашид-ад-дин персиянь содыесь (XIV-це пинге). Юсуф ногаень инязорось сёрмалесь о «рзянах» грамотасо, конань кучнизе Московов 1549-це иестэ.
Куншка пингетнестэ эрзя — те раське, кона моли хазартнэнь, печенегтнень ды половецтнэнь каршо.
Ялатеке весе неть ёвтнематнесэ свал ледстявиль ошонь истямо лем — Эрза (Эрта, Эрба, Арза, Арта, Арба — кие кода марилизе, истя сёрмадылизеяк) ды сонзэ аштема таркадонть ледстямось кармавты арсемс: те алкуксонь тев. Кортамось моли, паряк, се оштонть, кона ульнесь неень Рязаненть таркасо. Тень ланга кортыть Рязаньстэ археологтнень муевкстнэяк. Сынь седе а ков видестэ невтить: те ошось путозель кезэрень эрзятнень эрямо таркантень. Ды Рязань валоськак теевсь рузыявтозь эрзянь валсто.
1237-це иестэ мокшонь грамотасто кармась содавомо, эрзятне туить пелеве ёнксонь виртненень ды максыть каршо вий татартнэнень.
XIV-це пингень куншкасто суздалень прявтошось тееви Обран ошокс. Эрзятне понгсь суздалень инязоронь кеденть алов ды эйстсэст кой-конат рузыясть, кой-конатне тусть чилисема ёнов ды понгсть XVII-це пингестэ Равтомбалев (Заволжье) ды Уралонь лембе ёнксов (Юж. Приуралье), косо тюрсть ногайтнень ды калмыктнень каршо.
Саратовонь-Оренбургонь-Челябань кирьксэсь кармась седе тов молеме Уралонть ёнов. Тосо эрзянь эрямонь ламо таркатне появасть рузтнэнь эрямо таркадост седе икеле.[4]
Зярдо
Эрзянь ломантне кортыть эрзянь кельсэ. 2002-це иень Весе Россиянь сёрмадстомасо эрзякс эсь пряст сермадызь 410 000 ломанть.
Раськень лем
Эрзятне видьстэ ёвтыть эсь раськень лемест. Теде кортави «Эрзянь раськенть алкуксонь лемензэ коряс мельяволявтомасо»[5]
Содавикс эрзят
- Абрамов Кузьма
- Аввакум протопоп
- Алексеевень Кузьма
- Батаев Павел
- Видяев Фёдор Алексеевич
- Васильев, Тимофей Васильевич
- Гайни Пётр
- Глухов Пётр
- Дарькин Сергей
- Доронин Александр
- Евсевьев Макар
- Кадышева, Надежда Никитична
- Кривошеева Ефимия
- Кривошеев Илья
- Числав Журавлёв
- Йовлань Оло (Ромашкин Владимир)
- Куляскин Дмитрий
- Куторкин Андрей
- Кутяков Иван
- Люлякина Серафима
- Артур Моро
- Надькин Дмитрий
- Никон патриарх[6] (эсь лемесь Никита Минин)
- Нуянь Видяз (Четвергов Евгений)
- Пуркаев Максим
- Инязор Пургаз
- Рябовонь Анатолий
- Рябов Владимир
- Лёша Рав
- Радаев (Радин-Аловский) Василий
- Радаев Василий
- Русланова Лидия Андреевна
- Сафронов Никас
- Инязор Тюштя
- Чапаев Василий
- Чесноков Фёдор
- Чиндяйкин Николай
- Эрзямасонь Олёна
- Никул Эркай
- Степан Эрьзя
Эрзянь седямонь ды морамонь шкинема
Финнэнь-угрань масторсо сех содавикс «Торама» фольклоронь морокурось. 2005-це иестэ ульнесь теезь-пурназь «Морденс» арт-фолк морокуро. Сон вечкеви кунсолыцятненень. 2010-це иестэ Саран ошсо ушодызе эсь шкинеманзо Мерема морамо-седямо кужось[7]. 2011-це иестэ Московсо васенцеде лиссь сцена лангс «Ойме» морамо-седямо кужось.
Эрзянь кельсэ неень шкань морот морыть Бакич Видяй, Ежевика Спиркина, Панишева Анна, Евгений Самаркин, Виктор Рауткин, Максим Трифонов, Андрей Бочканов, Артём Мамаев, Мария Акимова, Лияна Бакайкина ды лият.
«Морденс» фолк-арт морокуро
«Торама» фольклоронь морокуро (2009-це ие, Ине Петрань ош)
«Ойме» моры Tallinn Music Week фестивальсэ (2015-це ие)
«Мерема» этнографиянь фольклоронь морокурось Seto Kuningriigipäevad покшчисэ, Обиница, 2015-це иень умарьковонь 1-це чи
Тешкставкст
- ↑ 1 2 3 4 Официальный сайт Всероссийской переписи населения 2010 года. Национальный состав населения Российской Федерации(руз.)
- ↑ 1 2 3 4 5 6 7 8 9 10 11 12 13 14 15 16 17 18 19 20 Официальный сайт Всероссийской переписи населения 2010 года. Информационные материалы об окончательных итогах Всероссийской переписи населения 2010 года(руз.)
- ↑ http://www.gks.ru/free_doc/new_site/perepis2010/croc/perepis_itogi1612.htm
- ↑ Исследования по материальной культуре мордовского народа. М., 1963; Мокшин Н. Ф. Этническая история мордвы. Саранск, 1977.
- ↑ Российский журнал исследований национализма. 2013, No 1. Актуальное источниковедение (эрзянский национализм). с.90 ISSN 2221-0792(руз.)
- ↑ Водясова Л. П. Метафорическое моделирование концепта «религия» в романе А. М. Доронина «Баягань сулейть» («Тени колоколов») // Litera. — 2015. — № 4. — С.9-20. DOI: 10.7256/2409-8698.2015.4.18227. URL: http://e-notabene.ru/fil/article_18227.html(руз.),(эрз.)
- ↑ «Мерема», фольклорный ансамбль(руз.)