Григорьев, Андрей Николаевич

Википедиясто материал - аорев содамкундосто
Андрей Николаевич Григорьев
Андрей Григорьев (Герой России).jpg
Чачома чизэ 1989-це иень панжиковонь 12-це чи(1989-05-12) (37 иеть)
Чачома тарказо
Званиязо Младшей сержант[d]
Тюремат/войнат
Казнеть ды премият
Герой Российской Федерации

Андрей Николаевич Григорьев (чачсь Нюрнбинской улуссо) — Россиянь ушман, ефрейтор, Украинасо торпингень тевдеемань улиця, салава лемезэ «Тута». Россиянь Откерь (2025)[1].

Эрямокизэ

Андрей Григорьев чачсь Якутиянь Нюрнбинской улуссо ламо эйкакшонь кудораськесэ[2].

Ульнесь Украинасо торпингень тевдеематнесэ. Салава лемезэ — «Тута». Служи РФ-нь Вооружённой вийтнень «Восток» ушмонь группировкань гвардиянь мотострелковой 39-це бригадасо[3][4].

Урьвакстозь, касты вете эйкакшт[5].

Подвигезэ

2024-це иень сундерьковсто Украинань вооружённой вийтнень (ВСУ-нь) пельде Донецкой Раськень Республикань Трудовое веленть кис тюрематнесэ Андрей Григорьев кармась тюреме кедьсэ Украинань ушманонть каршо. Ятонть шлемензэ лангсо аштиця камерась снимизе те тюреманть. 2025-це иень ушодкссто видеось понгсь соцсеттнес. Сестэ весемесь кармась содавомояк седе домкасто. Андрей Григорьев ёвтнесь, сонензэ ды ялганстэнь эрявсь аравтомс Россиянь коцтонть Трудовое велесэ, ансяк те путовксонть топавтомсто Григорьевень ялганзо чавизе Украинасто пулемётонь ледницясь. Теде мейле Украинань ушманось арсесь кортамс Григорьевень марто полонс прянь максомадо[6], ансяк се кармась мартонзо тюреме[7]. Григорьевень ульнесь якутонь пеелезэ, кона лездась тензэ идемс ятонть. Украинань ушманось лемдизе Андрей Григорьевень масторлангсо сех вадря ушманокс ды вешизе сонзэ «максомс туемс сэтьместэ». Григорьев топавтызе те вешеманть. Тюремадо мейле Григорьевнень кото чить савсь ськамонзо цидярдомс ятонть тылсэ[8]. Россиянь ушманось получась осколкань кемнилее, пеелень кавто ранявомат ды глушамо. Лецямо ютась госпитальсэ.

Кармась содавомо Украинань вооружённой вийтнень изнязенть лемезэяк. Те ульнесь Дмитрий Масловский Одесса ёнксонь
30 иень чачозесь, «Кобра» салава лементь марто ВСУ-нь 71-це бригадань ушманось[9].

2025-це иень якшамковонь 11-це чистэ «ушманонь долконь топавтомсто невтезь виевчинть ды откерьксчинть кис» Владимир Путин РФ-нь Президентэсь макссь Андрей Григорьевнень Россиянь Откерь покш лем[10].

Секе чистэнть Андрей Григорьевень марто вастовсь Айсен Николаев Якутиянь Прявтось. Сон тешкстась, ушманось — сэтьме од ломань, кона а лови эсь прянзо откерекс. Бути подвигензэ ланга аволь видеось, сондензэ, паряк, кияк содамо аволь карма. Вастовомань прядовомсто Айсен Николаев казсь Андрей Григорьевнень якутонь од пеель[11].

Украинань ушманонть марто тюремань видеонть ланга мелензэ ёвтызе Илон Маск Американь миллиардерэсь. Х эсь соцсеттьсэ сон сёрмадсь:

Эрьва мезенть теевемстэ монь удома таркань стенасо кекшезь Масторлангонь васенце торпингень шкань окопонь чувомань пеель. Теезь-нолдазь 1917-це иестэ. Пистолетэнть коряс маласо тюремасо седе лезэв[12].

Казнензэ

  • Россиянь Откерь (2025)[13].

Тешкставкст

  1. ↑ Указ о присвоении звания Героя Российской Федерации ефрейтору Андрею Григорьеву, Президент России. Ваннозь 11 Якшамковонь 2025.
  2. ↑ Татьяна Цвенгер. Глава Якутска подарил Андрею Григорьеву снегоболотоход (руз.). yakutia.kp.ru - (11 Якшамковонь 2025). Дата обращения: 11 Якшамковонь 2025.
  3. ↑ Козлов, Иван. Грыз зубами, бил ножом. Перед смертью солдат ВСУ восхитился якутским бойцом, AiF. Ваннозь 11 Якшамковонь 2025.
  4. ↑ Маск прокомментировал рукопашную схватку штурмовика из Якутии с военным ВСУ - Российская газета, Российская газета (4 Якшамков 2025). Ваннозь 11 Якшамковонь 2025.
  5. ↑ Российские ученые увеличили срок службы никелида титана с помощью наноструктурирования | Газета Балаково(руз.). gazetabalakovo.ru. Дата обращения: 11 Якшамковонь 2025.
  6. ↑ Путин присвоил звание Героя России ефрейтору Григорьеву, Известия (11 Якшамков 2025). Ваннозь 11 Якшамковонь 2025.
  7. ↑ Илон Маск прокомментировал схватку якутского военного с боевиком ВСУ, РЕН ТВ (4 Якшамков 2025). Ваннозь 11 Якшамковонь 2025.
  8. ↑ Путин присвоил звание Героя РФ бойцу Григорьеву, победившему в рукопашной - Российская газета, Российская газета (11 Якшамков 2025). Ваннозь 11 Якшамковонь 2025.
  9. ↑ Козлов, Иван. Стонал напрасно. Боец ВСУ, погибший в схватке с якутом, не дождался помощи, AiF. Ваннозь 11 Якшамковонь 2025.
  10. ↑ Путин присвоил звание Героя РФ ефрейтору из Якутии Андрею Григорьеву, TACC. Ваннозь 11 Якшамковонь 2025.
  11. ↑ Глава Якутии встретился с героем Андреем Григорьевым, прославившимся на поле боя. Ваннозь 11 Якшамковонь 2025.
  12. ↑ Маск неожиданно высказался о схватке штурмовика из Якутии с военным ВСУ, РИА Новости (4 Якшамков 2025). Ваннозь 11 Якшамковонь 2025.
  13. ↑ Указ о присвоении звания Героя Российской Федерации ефрейтору Андрею Григорьеву, Президент России. Ваннозь 11 Якшамковонь 2025.
Саезь "https://myv.ruwiki.ru/w/index.php?title=Григорьев,_Андрей_Николаевич&oldid=535844"-стэ