Джинсань чачома чи
| Джинсань чачома чи | |
|---|---|
 Джинсат | |
| Тешкстамонь чись | Панжиковонь 20-це чи |
Джинсань чачома чи — покш чи, кона алтазь джинсань теемань ушодомантень. Тешкстави эрьва иестэ панжиковонь 20-це чистэ. Те чистэнть 1873-це иестэ Леви Страусснэнь ды Джэйкоб Дэвиснэнь макссть «кирдемкавтомо ды пеелень, ярмаконь ды шкань невтемапелень туртов зепе марто важодема комбинезононь» теемга патент[1][2].
Кода ульнесь
«Сырнень лихорадканть» тёкш шкасто Леви Страусс бизнесменэсь кармась стамо коцтонь понкст ды микшнеме сынст сырнень вешницятненень. Понкстнэнь артомга тевс нолдавсь Генуясто индигось, кона лововсь сехте кеме артомапелекс. Коцтонть пачтясть Ним (de Nimes) Франциянь ошстонть. Тестэ тусть англань кельсэ джинсатнень неень шкань лемест: denim ды jeans.
Васенце джинсатнень питнест ульнесь 1 доллар 46 центт. Неть ульнесть зярыя зепе марто понкст, конатнень ставксост кемекстазельть кавксть ютамосо. Васень покш нолдавксось сеске миезель, ды курок Леви Страусс панжсь Сан-Франциско ошсо «Levi Strauss & Co» фирма.
Мейле теезель ветеце зепеяк, кона сёрмадозель Levi’s каталогсонть кода «watch pocket» (шкань невтемапелень туртов зепе).
1886-це иестэ понкстнэс васенцеде стазель кедень панкс (патч), эйсэнзэ невтезь кавто лишметне усксть понкстнэнь кавто пелев. Легендань коряс, истямо тев алкукскак теезель ды понкстнэ эзть сезевкшне.
1926-це иестэ васенцеде стазельть понксодарсо чочамка марто джинсат[3].
XX-це пингенть куншкасто джинсатне теевсть каршо молемань чартявксокс (символокс), сынст кандтнесть весе, кить ловсть пряст контркультурань кисэ аштицякс.
1990-це иестэ Time журналось лемдизе 501-це моделенть «20-це пингень сехте модной теевксэкс».
Джинсатне а лиснить модасто нейгак. Эрьва кодамо лувсо стамост кувалма сынь ладить весень туртов[1].
Тевтувталт
Те чистэнть джинсань оршамопелень ламо стыцятне ды арсицятне (дизайнертнэ) невтнить од теевксэст. Эрьва иестэ те чиденть келейстэ сёрмадови СМИ-сэ.
Фактт
Джинсатнень теицяст Леви Страусс зярдояк сынст эзь кандтне, сонзэ мельс седе пек тукшность классикань лувсо стазь костюмтне. Сонзэ эрямо шкасто джинсатне лововсть васняяк важодемань оршамопелекс[4].
Седе мейле, кода Джеймс Дин актёрось лиссь джинсасо ломань юткс, сынст кармасть ловомо каршо молема лувонь оршамопелекс.
Джинсатнень кисэ сехте покш питнесь — 60 тёжат долларт. Те ульнесь «Levi Strauss & Co» 501-це башка моделесь, конань рамизе Япониясто коллекционер.
Ловови, Европасо джинсатненень истямо покш мель кармась явовомо сень кувалма, мекс оля шкасто эйсэст яксесть американь военнойтне, конат микшнесть сынст тосонь эрицятненень[5].
Тешкставкст
- ↑ 1 2 Джинсы отмечают юбилей и остаются на пике моды, РИА Новости (20 Панжиков 2013). Ваннозь 9 Чадыковонь 2025.
- ↑ Народный дресс-код, Коммерсантъ (20 Панжиков 2023). Ваннозь 9 Чадыковонь 2025.
- ↑ 20 мая: какой праздник сегодня отмечают в России и мире, Lenta.ru (20 Панжиков 2024). Ваннозь 9 Чадыковонь 2025.
- ↑ Natalya Pyhova. Как деним покорил мир: 15 фактов о джинсах. BurdaStyle.ru (12 Ожоковонь 2018). Дата обращения: 9 Чадыковонь 2025.
- ↑ День рождения джинсов, КТО?ЧТО?ГДЕ? (31 Якшамков 2017). Ваннозь 9 Чадыковонь 2025.
Ссылкат
 | Те сёрмадовксонть лангс а нежедить РУВИКИ-нь лия сёрмадовкстнэ. |