Здунов, Василий Фёдорович
| Василий Фёдорович Здунов | |
|---|---|
| Файла:Vasily Fedorovich Zdunov.jpg | |
| Масторозо |
 СССР |
Василий Фёдорович Здунов (Пустой шаблон {{ВД-Преамбула}}) — Советской Армиянь генерал-майор, Ине Отечественной войнасо улиця, Советской Союзонь Герой (1944).
Эрямозо
Василий Здунов чачсь 1924-це иень ожоковонь 24-це чистэ неень Мордовия Республикань Отяжбуень Ламбаське велесэ. Прядсь средней школа, эрясь Челяба ёно. 1942-це иень умарьковсто саезель служамо Важодицянь ды сокицянь-видицянь Якстере Армияв. Тонавтнесь Ленинградонь пехотань училищасо, тонавтнеманзо апак прядо 1943-це иень эйсюрковсто кучозель фронтов. Саезель 348-це леднемань дивизиянь 415-це башка разведротас. Васенцеде разведкас лисемстэ 5 ялганзо марто сайсть контрольной пленной[1]
1944-це иень медьковсто саезь Василий Здунов старшей сержантось ульнесь Белорусской 1-це фронтонь 3-це армиянь 348-це леднемань дивизиянь 207-це истребителень ды танк каршо тюремань башка дивизиононь орудиянь командирэкс. Парсте невтизе прянзо Белорусской ССР-нь Минск ёнксонть олякстомтомсто [2].
1944-це иень медьковонь 1-це чистэ Червенской буень Сунище веленть вакссо Здуновонь расчётозо пиризе ятонть потамонзо Могилёв-Минск покш кинть лангсо. Се тюремасонть расчётось истожась штурмовой 2 орудият, 4 автомашинат, 8 повозкат, зярыя кементь ятонь солдатт ды офицерт. Зярдо яттнэ терявтсть кирьксамс сынст ды саемс орудияст, Здунов маштсь парсте аравтомс каршо аштеманть ды кирдизе атаканть[2].
1944-це иень таштамковонь 25-це чистэ СССР-нь Верховной Советэнь Президиумонть кармавтоманзо коряс Василий Здунов старшей сержантонтень максозельть Советской Союзонь Героень покш лемесь, Ленинэнь орденэсь ды «Сырнень Теште» медалесь [2].
Войнадо мейле кадовсь служамо Якстере Армияс. Прядынзе Горькиень военно-политической училищанть ды В. И. Ленин лемсэ военно-политической академиянть. Меельценть прядомадо мейле кадовсь тосо тонавтыцякс, ульнесь факультетэнь прявтокс. Мейле служась СССР-нь Гражданской оборонань системасо. 1987-це иестэ ульнесь Якстере Площадьсэ Изнямонь Парадсо, кандсь Изнямонь знамянть. Отставкас тусь генерал-майорокс[2]. Эрясь Московсо, кулось 1998-це иень аштемковонь 28-це чистэ [3]. Калмазь Московсо Троекуровань калмазырьсэ.
Казезь Отечественной войнань 1-це степенень орденсэ (11.03.1985), Якстере Тештень колмо орденсэ (29.04.1945; 30.12.1956; 27.12.1982), «Почётонь Тешкс» орденсэ (1.09.1988), «СССР-нь Ушмовийсэ Тиринь масторонтень служамонь кисэ» 3-це степенень орденсэ (30.04.1975), россиянь Ялгаксчинь орденсэ (28.04.1995), «Отвагань кисэ» кавто медальсэ (08.1943; 5.01.1944),«Боевой теевкстнэнь кис» (13.06.1952) ды лия медальсэ[4].
Тешкставкст
- ↑ Победа дала нам веру в Россию [В. Ф. Здуновонь интервьюзо ды лият]. // Военно-исторический журнал. — 1995. — № 3. — С.4-10.
- ↑ 1 2 3 4 Здунов Василий Фёдорович (руз.). AZ Library. Дата обращения: 7 Чадыковонь 2013.
- ↑ «Челябинской энциклопедиясо» В. Ф. Здуновонь эрямо кизэ
- ↑
Здунов, Василий Фёдорович. «Масторонь маралят» вальмась.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.