Иневедень Сельме
| Ёнкс | Аламопольшань воеводства |
|---|
Иневедень Сельме (Татратнесэ. Сон ашти Татранонь раськень вирьпусмосонть, Рыбий Поток лашмосонть Сэрей Татрат пандокарязсонть Менгушовецэнь прянть пандало.
Эйстэденгзэ
Пандтне, конат аштить эрькенть перькава, кепедевить малав 1000 м пандалонть эйстэ; вейкесь — Рысы пандось (2499 м), те сэх сэрей тарка-пря польшань Татратнень. Менгушовецэнь прятнень вакссо (ков совавтови Щит Вельки, 2438 м), кершёндо ашти ёлганя Мних (2068 м) пандось. Эрькенть перькава касыть европань кедрань пичеть[1] (лат. Pinus cembra).
Икеле Иневедень Сельме эрькенть ульнесь лия лемезэ: «Калонь эрьке», тесэ ламо вастневсть форель. «Иневедень Сельме» лемесь саевсь кезэрень ёвксто, кона кортась эрькесь ульнесь сюлмазь иневедь марто[2].
Иневедень Сельменть пек вечкить Татрань туристт, тей сакшныть 50 000 седе ламо ломанть оймсема шканть. Эрькентень молемась малав кавто част ялго сэх малавкис кистэнть. Тельня, апокш кинь пельксэсь юты ловонь прямо таркаванть, тесэ кизнаяк якшамо. Экшелямось ды калонь андомась а мереви.
Историясь
Васеньце конёвтне косо лецтневи Иневедень Сельме эрькесь те 1575иесь. XIX пингэстэ Галициянь ды Грац ошонть судось мерьс сон польшань.
Иневедень Сельмесь «од ульнесь панжозь» туризманть коряс Халубинской Титус докторонть эйсэ XIX пингень куншкасто; васенце эрямо таркась (хижина) ульнесь путозь 1836 иестэ, ансяк 1865 иестэ сон палсь. Омбоцесь ульнесь стявтозь 1874 иестэ, ды сонгак ульнесь палтазь 1898 иестэ.
Иневедень Сельме эрькесь макс ламо вий ды ёрокчи ломаннэ. Артындейтне сёрмадсть эсист важодевкстнэнь, сынст ютксо ульнесть: Валери Элиаш-Радзиковской, Леон Вычулковской, Станислав Галек. Валморозейтнэ сёрмадст шкинемаст: Винцент Поль, Адам Аснык, Казимеж Пшерва-Тетмайер, Францишек Новицкой, Ян Каспрович), ды седямоньсёрмадейть: Зигмунт Носковской.
Фотокувт
Келэйстэ ванмось Иневедень Сельменть лангс
Иневедень Сельме — ванмось кудостонть
Чивалгомань ёнксось
Янтнестэ вановксось
- Morskie Oko Poland Winter.jpg
Иневедень Сельменть телень китне-янтне
Иневедень Сельмесь чадыковсто
Шалесь эрькенть чиресэ
Литературась
- Grzegorz Barczyk, Ryszard Jakubowski (red.), Adam Piechowski, Grażyna Żurawska: Bedeker tatrzański. Warszawa: Wydawnictwo Naukowe PWN, 2000. ISBN 83-01-13184-5.
- Józef Nyka: Tatry polskie. Przewodnik. Wyd. XV. Latchorzew: Trawers, 2007. ISBN 978-83-60078-04-4.