Ишуткин, Николай
| Ишуткин, Николай |
|---|
К:РУВИКИ:Статьи без изображений (тип: не указан)
Николай Иванович Ишуткин (руз. Николай Иванович Ишуткин) (1954 иень панжиковонь 28 чи, Покш Березникень буень Симкина веле - 2021-це иень якшамковонь 12-це чи, Саран ош) - эрзянь[1] валморонь ды прозань содавикс сёрмадыця, журналист. 1987-2021-це иетнестэ - «Чилисема» журналонь[2] прявт редактор.
Эсензэ ланга
Николай Ишуткин чачсь Покш Березникень буень Симкина велесэ, кона ашти аволь васоло Сура леенть эйстэ. Валморонь сёрмадыцянть тетязо ульнесь тонавтыцякс, авазо - колхозсо важодицякс. Школань прядомадо мейле тонавтнесь Николай Ишуткин тонавтнесь Н.П. Огарёв лемсэ Мордовиянь государственной университетэнь филологиянь факультетсэ. Тосо ушодызе сёрмадомань тевенть. 1973 иестэ "Сятко" журналсо лиссть "Од пора" ды "Килейне" васенце валморонзо. Тень редизь «Эрзянь правда" кулялопань сестэнь прявттнэ ды университетэнь прядомадо мейле тердизь важодеме редакцияв.
Кулялопасо кеменде ламо иень важодемадо мейле Николай Ишуткин аравтозель «Чилисема» (сестэ сон ульнесь «Пионерэнь вайгель») эйкакшонь ды од ломанень журналонь прявт редакторокс.
1995 иестэ совавтозель Россиянь Сёрмадыцянь вейсэндявксос. 1999 иестэ Ишуткиннэнь максови «Мордовия Республикань культурань заслуженной важодиця» покш лем.
Николай Иванович Ишуткин ламо важоди одтнэнь марто, вети ушодыця сёрмадыцянь эрьва иень семинаронь эрзянь куронть, якси Мордовиянь ды сонзэ томбале эрзянь велетнева, вешни од лемть. Сон - финнэнь-угрань раськеютконь сёрмадыцянь ассоциациянь правленияс совиця, кочказь Россиянь финнэнь-угрань журналистэнь вейсэндявксонь секретариатс[3].
Шкинемазо
Эрзянь кельсэ
- "Тештине" (вейсэнь пурнавкс, 1982 ие)
- "Маней васолкст" (вейсэнь пурнавкс, 1987 ие)
- "Валскень теште": Стихотвореният. – Саранск: Мордовской книжной издательствась, 1989. – 48 с.
- "А сёпсынь арсемам ды мелем" (вейсэнь пурнавкс,1993 ие)
- "Тештень мастор": Стихть, пародият. – Саранск: Мордовской книжной издательствась, 1994. – 71 с. Пейзаж души: Стихи. – Мордов. кн. изд-во, 1998. – 55 с.
- "Вармань кандовкст": Эрямосто саезь ёвтнемат, пародият. – Саранск: Мордовской книжной издательствась, 2004. – 176 с.
- "Пейделькань кужине": Стихть, нурька морынеть, стихсэ содамоёвкст. – Саранск: «Книга» издательствань кудось, 2007. – 80 с.
- "Сёксень кизэнь паламо – Поцелуй бабьего лета": Стихть. – Саранск: Россиянь литфондонь Мордовиянь региононь отделениясь, 2009. – 304 с.
Рузонь кельсэ
- "Калейдоскоп" (башка пусмо, 1989 ие)
- "Пейзаж души" ( башка пусмо, рузонь кельс ютавтыцяст А. Громыхин ды сонсь авторось, 1998 ие)
Ванома
- ↑ Время и события. 2014: библиографический указатель / Нац. б-ка им. А.С. Пушкина Респ. Мордовия; [сост. А.Н. Маланьчева]. – Саранск, 2013. – 148 с. (руз.)
- ↑ ЦГПБ им. Н.А. Некрасова День эрзянского языка(руз.)
- ↑ «Чилисема» ковставксось №5, 2011 ие. лоп. 18 (эрз.)