Кадрат (раськень теварсевкс)

Википедиясто материал - аорев содамкундосто
«Кадрат» раськень теварсевкс
Рабочие, занимающиеся ремонтом помещения.jpg
Ушодовома шкась 2024-це ие
Тувталось Владимир Путин Россиянь Президентэнть кармавтомазо
Сайтэсь национальныепроекты.рф

«Ка́драт» (руз. «Ка́дры») — раськень теварсевкс, кона ушодозель Владимир Путин Россиянь Президентэнть кармавтоманзо коряс[1]. Васенцеде невтезель 2024-це иестэ Федеральной Собраниянтень Кучомань (руз.) (эрз. ловнома шкасто[2].

Прявт путовксозо

Владимир Путин ёвтась «Кадрат» раськень теварсевксэнть ушодовомадо (2024-це ие)

2024-це иестэ Владимир Путин Федеральной собраниянтень Кучомасонзо аравтсь путовкс анокстамс од специалистт промышленностенть, науканть ды лия ёнкстнэнь туртов, теке шкане демографиянть кастомга: учови, 2030-це иес масторсонть 20 иестэ саезь 24 иес кармить 8,3 миллионт эрицят; 2035-це иес — 9,7 миллионт. Масторонь Прявтось тешкстызе, 2023-це иестэ Россиясо ульнесь важодемань сех алкине арасьчись — 2,9 %, мезесь невти экономикасо парсте ветямонь тевтнень ды теке шкастонть кадрань бойкасто касыця эрявиксчинть[3]. Сехте пек весемесь неяви промышленностьсэ, конантень 2028-це иес эряви анокстамс важодемань профессиянь коряс малав 1 миллион специалистт[4]. Те стакачинть куроксто витемга Президентэсь кармавтызе министрань кабинетэнть, профильной ведомстватнень ды предпринимателень вейсэндявкстнэнь паролгавтомс средней, высшей ды профессиональной тонавтоманть раськень теварсевкстнэнь путовкстнэнь марто, ды теде башка ваномс сень, мезе алкукс эряви экономикантень:

…эряви тевсэ кемекстамс сюлмотнень тонавтомань весе эскелькстнэсэ школасто саезь вузос. Сыненст эряви важодемс ве мельсэ, вейсэнь тевень топавтозь. Нама, тесэ эряви важодема таркань сыця шкань максыцятнень лездамосткак. Тедедень тонавтнема иестэнть саезь масторонь весе школатнесэ кастозь профориентациянь лувось. 6-це классто саезь эйкакштненень мереви теевемс содавиксэкс эрьва кодамо специальносттнень марто[5].

Кадратнень асатыксчинть киртямонзо коряс государственной стратегиянть тевс нолдазь яволявтозель раськень од теварсевксэнь ушодома, ды витнезельть мартонзо сюлмавозь раськень ды федеральной лия теварсевкстнэ[6]. «Кадрат» раськень теварсевксэнть марто сюлмазельть тевть, конат паролгавтсызь тонавтомань лувонь инфраструктуранть, технологиянь ды наукань базатнень:

  • средней профессиональной тонавтомань учреждениятнень витемаст-петемаст ды пештямост (2030-це иес явозь 120 миллиардт целковойть)[1];
  • тееви покш витема 800 вузонь вейсэнь эрямо таркатнес (2030-це иес явозь 124 миллиардт целковойть);
  • 2030-це иес стявтовить университетэнь 25 кампуст (явозь 400 миллиардт целковойть); арсеви строямс студентэнь малав
    40 ошкеть;
  • «Приоритет-2030» (руз.) (эрз. государственной программантень максовить башка ярмакт университеттнэнень лезксэкс (2030-це иес явозь 190 миллиардт целковойть);
  • 2030-це иес тонавтомань профессиональной весе учреждениятнень «Профессионалитет» (руз.) (эрз. федеральной теварсевксэнтень совамо, тень пингстэ вейсэ топавтыть тевть колледжтне ды бизнесэсь, теде мейле тонавтнемань прядыцятненень сеске максыть важодема таркат[2];
  • вузтнэсэ ды научной организациятнесэ одкстомтовить наукань-техникань ловнома таркатне (башка явозь 9 миллиардт целковойть)[7];
  • тонавтыцянь вузтнэнь одкстомтомань программа (явозь 9 миллиардт целковойть)[8];
  • кавксть покшолгавтовить бизнесэнь ды государствань путовкстнэ наукань ды технологиянь теевкстнэс (2030-це иес кастомс валовой внутренней продуктонть лангс ютавтомань пельксэнть 2 %-с)[1].

Питнень максома

Раськень теварсевксэнть лезэнзэ туртов питнень максомакс аштить кадровой, инновационной ды промышленной алкуксонь теварсевкстнэ, конат анокстазь регионтнэсэ кирдивийтнень марто вейсэ, вузтнэнь ды бизнесэнть марто, ды теде башка тезэнь совить инвестициятнень лезксэст вельде студентэнь стартаптнень ламочист[1]. Аравтозь покш путовкс 2030-це иес пачтямс студентэнь эземстэ тевс нолдазь технологической стартаптнень 30 тёжас эрьва иестэ[9]. РФ-нь Правительствась анокстась программа, кона максы велявтомс инвестициятнестэ 50 % венчурной предпринимательтненень, конат явсть ярмакт истят теварсевкстнэс (велявтомас явозь 13 миллиардт целковойть).

Прявт сёрмадовкс: Университетэнь технологической предпринимательствань тарка (руз.) (эрз.

Технологиянь олячи

«Кадрат» раськень теварсевксэсь ловови Россиянь наукань-технологиянь кастомань стратегиянь покш пельксэкс, конань вельде арсеви теемс технологической суверенитет «ютамонь» ёнкстнэсэ, конат лездыть кирдемс масторонь весе экономиканть кемечинзэ: станкостроениясо ды производствань средстватнесэ, робототехникасо (руз.) (эрз., пилоттомо систематнесэ, даннойтнень экономикасо, химиясо[10]. Стратегиянть коряс 2023-це иентень Россиянь внутренней рынкасо покш технологиянь товартнэнь ды услугатнень арсеви покшолгавтомс котоксть, аволь сырьевой экспортонь объёмонть арсеви кастомс кавто колмоце пельксэс[1]. Тень пингстэ учови импортонь покш киртямо: бути 1999-це иестэ сон ульнесь внутренней валовой продуктонь 26 %,
2023-це иентень валгсь валовой внутренней продуктонь 19 %-с, 2030-це иентень учови валовой внутренней продуктонь валгома 19 %-с[1]. Истямо койсэ, карми лоткавтозь Россиянть омбомасторонь технологиятнень ды наукоёмкой усксематнень эйстэ пек покш аштемазо, теде башка пекставить производственной таркатне, конат кадовсть Россиясто омбомасторонь компаниятнень туемадост мейле.

Прявт сёрмадовкс: Россиясто омбомасторонь компаниятнень туема (руз.) (эрз.

Теде башка эряви содамс

2024-це иень чадыковсто Антон Котяков трудонь министрась ёвтась, 2021-це иестэ саезь од ломанень важодемань арасьчись киртявсь вейке ды пелексть, кармась 5,1 %[11].

2024-це иень ацамковсто Александр Новак РФ-нь вице-премьерэсь ёвтась, Россиясо покш квалификация марто эрявить малав 1,5 миллионт ломанть. Вице-премьерэсь корты, важодицятнень асатыксэсь неяви строямосо, транспортсо ды жилищно-коммунальной хозяйствасо[12].

2025-це иень даволковсто Татьяна Голикова РФ-нь вице премьерэсь ловизе, «Кадрат» раськень теварсевксэнть лангс эряви ютавтомс 116 миллиардт целковойть[13]. 2025-це иень даволковонь 21-це чистэ сон мерсь, теварсевксэнть лангс кассовой ютавтомась топавтозь 43,8 %-с[14].

Тешкставкст

  1. ↑ 1 2 3 4 5 6 Послание Президента Федеральному Собранию. http://kremlin.ru (29 Даволковонь 2024). Дата обращения: 4 Эйзюрковонь 2024.
  2. ↑ 1 2 Владимир Путин объявил о запуске нового национального проекта «Кадры». https://edu.gov.ru (29 Даволковонь 2024). Дата обращения: 6 Эйзюрковонь 2024.
  3. ↑ Путин: безработица в РФ снизилась до 2,9% впервые в истории, TACC. Ваннозь 7 Эйзюрковонь 2024.
  4. ↑ Путин: до 2028 года нужно подготовить 1 млн специалистов рабочих профессий, AiF. Ваннозь 7 Эйзюрковонь 2024.
  5. ↑ Послание Президента Федеральному собранию. http://kremlin.ru (29 Даволковонь 2024). Дата обращения: 6 Эйзюрковонь 2024.
  6. ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Ваннозь 4 Эйзюрковонь 2024.
  7. ↑ Путин поручил модернизировать сеть научно-технических библиотек, РИА Новости (29 Даволков 2024). Ваннозь 29 Даволковонь 2024.
  8. ↑ В России выделят девять миллиардов рублей на обновление педвузов, РИА Новости (29 Даволков 2024). Ваннозь 29 Даволковонь 2024.
  9. ↑ Дмитрий Чернышенко: 69 регионов подключилось к реализации федпроекта «Платформа университетского технологического предпринимательства». http://government.ru (6 Ожоковонь 2022). Дата обращения: 19 Даволковонь 2024.
  10. ↑ Необходимо добиться технологического суверенитета, заявил Путин, РИА Новости (29 Даволков 2024). Ваннозь 7 Эйзюрковонь 2024.
  11. ↑ Путин обсудил молодежную политику с членами правительства - Российская газета, Российская газета (4 Чадыков 2024). Ваннозь 9 Чадыковонь 2024.
  12. ↑ Александр Новак: России необходимо 1,5 млн высококвалифицированных кадров | Эксперт (руз.). Эксперт. Дата обращения: 11 Ацамковонь 2024.
  13. ↑ Татьяна Голикова оценила расходы на нацпроект «Кадры» в 116 млрд рублей. Эксперт (18 Даволковонь 2025). Дата обращения: 19 Даволковонь 2025.
  14. ↑ Голикова: кассовое исполнение нацпроекта "Кадры" составляет уже 43,8%, TACC (21 Даволков 2025). Ваннозь 21 Даволковонь 2025.
Саезь "https://myv.ruwiki.ru/w/index.php?title=Кадрат_(раськень_теварсевкс)&oldid=541492"-стэ