Карачков, Константин Алексеевич
| Константин Алексеевич Карачков | ||||||||||
|---|---|---|---|---|---|---|---|---|---|---|
 | ||||||||||
| Чачома чизэ | 10 ожоковонь 1918 | |||||||||
| Чачома тарказо | РСФСР-са Пензенскяй губернияса, Саранскяй уездса, Николаевкаса | |||||||||
| Кулома чизэ | 2 аштемковонь 1997 (78 лет) | |||||||||
| Кулома тарказо | ||||||||||
| Масторозо |
 СССР |
|||||||||
| Кодамо ушмосо | ВДВ | |||||||||
| Служамонь иетне | 1939—1945 | |||||||||
| Званиязо |
  |
|||||||||
| Тюремат/войнат | ||||||||||
| Казнеть ды премият |
|
|||||||||
Константин Алексеевич Карачков (1918—1997) — Важодицянь ды сокицянь-видицянь Якстере Армиянь старшина, Ине Отечественной войнань участник, Советской Союзонь Герой (1945-це ие).
Эрямозо
Константин Карачков шачсь 1918-це иень ацамковонь 10-це чистэ Николаевка велесэ. Получась средняй аф полнай образования, мезьда меле покодсь аф стака промышленностень предприятиянь строямань Саранск ошень управленияса счетоводкс. 1939-це кизоня Карачков тертьфоль покодиень-сокаень-видиень Якстерь Армияв.
1941-це кизоста — Великай Отечественнай войнань толу китнень эса. Ульсь Смоленскяй тюремаса, 1941-це кизоня тюрсь и лисендсь куродомста Брянскяй и Орловскяй областьса. 1941-це кизоня 30-це октябрьста стакаста ранендаф. Госпитальса пчкамда меле 1942-це кизоня апрель ковста Карачков тюрсь немецкяй войскань Демянскяй группировкать каршес. Тяка кизоня июльста тага ульсь стакаста ранендаф. Пчкамда меле идесь Псковскяй областть, Украинскяй и Молавскай ССР-хнень эса, тюрсь Днепрать инкса, ульсь Корсунь-Шевченковскяй и Бугско-Днестровскяй операцияса. 1944-це кизонь август ковть самс Константин Карачков гвардиянь старшинась ульсь Украинскяй 2-це фронтонь 53-це армияса гвардейскяй воздушно-десантняй 1-це дивизиянь гвардейскяй воздушно-десантняй 6-це полконь 76-миллиметровай орудянь батареянь страшина. Цебярьста няфтезе прянц Ясско-Кишинёвскяй операциять пингста.
1944-це кизоня 20-це августста Карачков ульсь Яссамть ала немецнень оборонаснон сяземста, аф ваномок вражескяй аф лоткси толть молеманц лангс пачфнесь эсь батареянь васттненди боеприпаст. 30-це августста Румыниянь Бузэускяй уездонь Албешти велеть инкса тюремаста машфтозе пулемётнай вастть, а сяльде велеса тюремать пингста автоматнай толса машфтсь вражескяй 12 солдатт и нинге 4 мокшендаса тюрема.
СССР-нь Верховнай Советть Президиумонц Указонц коряс 24-це мартста 1945-це кизоня «фронтса немецкяй врьгятнихнень каршес тюремста командованиять боевой заданиянзон цебярьста пяшкодеманкса и тяконь лувксса мужествань и герозмань» гвардиянь старшинати Константин Карачковонди максфоль Советскяй Союзонь Героень лемсь, казьфоль Ленинонь орденца и «Зрнянь Тяште» 7487 номер мархта медальса.
1945-це кизоня январьста-июльста тонафнесь Харьковскяй танковай училищаса. Ульсь демобилизовандаф. Мрдась Саранскяи, покодсь ДОСААФ-са инструкторкс. Кулось 1997-це кизоня 20-це июньста, калмаф Саранск ошса.
Ульсь тяфта жа казьф Отечественнай войнань 1-це степенень орденца и Якстерь Тяште орденца, нинге эрь кодама медальса.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Мордовия: Энциклопедия. — Саранск, 2007.