Кеосаян, Тигран Эдмондович

Википедиясто материал - аорев содамкундосто
Тигран Кеосаян
арм. Տիգրան Քեոսայան
Кеосаян Тигран Эдмондович.jpg
Чачомсто лемезэ Тигран Эдмондович Кеосаян
Чачома чизэ 1966-це иень якшамковонь 4-це чи(1966-01-04)
Чачома тарказо Москов ош, РСФСР, СССР
Кулома чизэ 2025-це иень таштамковонь 26-це чи(2025-09-26) (59 иеть)
Кулома тарказо
Масторозо
Важодемазо налксиця, кинонь режиссёр, сценариень сёрмадыця, клипень снимиця, телевидениясо ветиця, телевидениясо продюсер, театрань режиссёр
Важодемань иетне 1992-це иестэ саезь — неень шкас
Казнензэ Заслуженный деятель искусств Российской Федерации
IMDb ID 0449085
Логотип РУВИКИ.Медиа Тигран Эдмондович Кеосаян

Тигра́н Эдмо́ндович Кеосая́н (1966-це иень якшамковонь 4-це чи, Москов — 2025-це иень таштамковонь 26-це чи, Москов) — Советэнь, Россиянь ды Армениянь киносо ды телевидениясо налксиця, кинонь режиссёр, сценариень сёрмадыця, продюсер, видеоклипень режиссёр, телевидениясо ветиця. Эдмонд Гарегинович Кеосаян Советэнь кинонь режиссёронь ды сценариень сёрмадыцянть (1936—1994), «Кежень акундавиця пандыцят» («Неуловимые мстители») Советэнь содавикс фильмань режиссёронть цёразо.

Эрямокизэ

Тигран Кеосаян чачсь Московсо 1966-це иень якшамковонь 4-це чистэ кинонь теицянь кудораськесэ[1]. Тетязо — Эдмонд Кеосаян кинонь режиссёрось (1936—1994), авазо — Лаура Геворкян налксицясь (чачсь 1939-це иестэ). Раськень коряс — армянин.

1983-це иестэ прядызе средней школанть ды кармась важодеме «Мосфильм» кинонь студиясо[1].

1984-це иестэ кармась тонавтнеме Кинематографиянь Весе Союзонь государственной институтонь (ВГИК-нь) режиссёронь факультетсэ, ютась тонавтома Игорь Васильевич Таланкин профессоронть мастерскойсэ[1]. Зярыя шкань ютазь тердезель Советэнь Армиянь срочной военной службас[1]. Теде мейле поладызе вузсо тонавтнеманзо. Мартонзо ве курсонь тонавтницякс ульнесть Александр Баширов, Фёдор Бондарчук, Рената Литвинова ды Иван Охлобыстин.

1987-це иестэ саезь кармась снимавомо кинонь эпизодтнэсэ.

1992-це иестэ снимизе «Катька ды Шиз» («Катька и Шиз») покш метрань васенце фильманзо.

1993-це иестэ Тигран Кеосаян Давид лелянзо марто пурнась-тейсь «Gold Vision» студия, косо Фёдор Бондарчук институтонь ялганзо марто пек парсте важодсь музыкань видеоклипень ды рекламань роликень теемасо[2]. Вейсэ важодсь Ирина Аллегрова, Михаил Шуфутинский, Игорь Саруханов, Наталья Ветлицкая Россиянь шоу-бизнесэнь ломантнень марто[1]. Шкань ютазь кармась туеме клипень снимамонть эйстэ, седе ламо мель кармась явомо кинонь режиссёронь важодемантень[3].

1998-це иестэ[4] прядызе С. А. Герасимов лемсэ Кинематографиянь Весе Россиянь государственной институтонь (ВГИК-нь) режиссёрань факультетэнь Юрий Николаевич Озеровонь курсонть. ВГИК-сэ тонавтнемань шкасто Тигран путызе «Чипаень чире» («Солнечный берег») кемгавксово минутань кувалмосо художественной эсь васенце фильманзо. Драмась алтазель срочной службань солдатонтень, кона оргоди армиясто, зярдо а цидярды «дедовщинанть» каршо. Те фильмасонть снимазель Фёдор Бондарчук[1].

Режиссёрокс улемстэ Кеосаяннэнь покш содавиксчи кандсть кинонь истят важодематне: Александр Збруевень ды Вера Глаголевань марто прявт рольтнесэ «Бедная Саша» (1997-це ие) лирикань од иень комедиясь[5], «Цёрань важодема» («Мужская работа») (2001-це ие) приключениянь телесериалось, кона ёвтни Чечнясо Генеральной штабонь Прявт управлениянь (ГРУ-нь) спецназонь ушманонь служамодо[6][7].

2000-це иень панжиковсто «Gold Vision» студиясь вейсэндяви «Видео Интернешнл» продюсерэнь куншкакуронть марто[8], истя пурнави-тееви «2 В студиясь»[9]. Кеосаянт лелятне-ялакстнэ вейсэ важодсть те компаниянть марто, 2004-це иень тундос снимасть ды ветясть продюсерэнь тевть эрьва кодамо сериалсо ды фильмасо.

2003-це ды 2004-це иетнестэ ульнесь «Россия» телеканалсо «Раськень артист» («Народный артист») телевидениянь музыкань теварсевкссэ жюрис совицякс.

2007-це иестэ саезь важоди телевидениясо ветицякс. 2007-це иень эйзюрковсто саезь 2009-це иень сундерьковс «РЕН ТВ»-сэ — «Тигран Кеосаянонь марто чокшне» авторонь ток-шоунь ветиця (седе тов — «…Тигрань Кеосаянонь марто»). 2007-це иень ацамковсто секе каналсо Эвелина Блёдансонь марто ульнесь «Од иесь мекевланг» («Новый год наоборот») од иень шоунь ветицятнестэ вейкекс[10]. «РЕН ТВ»-сэ вещаниянь концепциянь полавтоманть кис «Раськень Медиа Группань» («Национальная Медиа Группа») (НМГ-нь) холдингенть арсеманзо коряс Кеосаянонь марто телеканалсо вейсэнь важодемась лоткавтозель[11].

2009-це иестэ саезь 2010-це иес Алёна Хмельницкая васенце нинзэ марто «Россия» телеканалсо ветясь «Тон ды мон» («Ты и я») содавикс ломантнень кудораськаст ланга телешоу[12].

2009-це иень ацамковсто саезь 2010-це иень ацамковс — «ДТВ» телеканалонь исполнительной продюсер[13].
2010-це иень якшамковонь 18-це чистэ саезь панжиковонь 31-це чис — секе каналсо «Тигран Кеосаянонь марто пси чокшне» («Горячий вечер с Тиграном Кеосаяном») авторонь ток-шоунь ветиця[14]. Кеосаянонь пингстэ телеканалсо появасть «Валмеревксэнь калавтыцят» («Разрушители пословиц»), «Эсь зыянтомочинь департамент» («Департамент собственной безопасности»)[15], «Килангонь торпингеть» («Дорожные войны») ды «Рузокс вадря видео» («Улётное видео по-русски») программатне, теде башка «Весть милициясо» («Однажды в милиции») ды «Анеявикст» («Невидимки») сериалтнэ[16].

2011-це иестэ аволь куватьс велявтсь «РЕН ТВ»-с. 2011-це иень сундерьковонь 7-це чистэ саезь ацамковонь 23-це чис — «Саты чатьмонемс!» («Хватит молчать!») ток-шоунь ветиця. Те программанть пекстамодо мейле Кеосаян кода ветиця эзь появакшно экрансо ниле иеть[17] ды путынзе виензэ кинонь бизнесэс[18], вельмевтизе «Голд Вижн» студиянзо.

2014-це иень ожоковонь 3-4-це читнестэ ульнесь «Каренина. Живое издание» театрализовазь онлайн-ловноматнесэ[19].

2016-це иень таштамковонь 3-це чистэ саезь — «НТВ» телеканалсо «Раськеютконь пилорама» («Международная пилорама») ракамонь ды оймсемань чокшнень шоунь ветиця; программань тематикакс ёвтазь масторлангонь политикань тевтнень ракамонь ёндо невтемась[20][21][22].

2008-це ды 2010-це иетнестэ Тигран Кеосаян печтясь кавто инфарктт миокардат[23].

2025-це иень якшамковонь 8-це чистэ печтясь клиникань кулома ды прась комас[24].

Кудораськезэ ды эсензэ эрямозо

Тетязо — Эдмонд Кеосаян (1936-це иень ожоковонь 9-це чи — 1994-це иень чадыковонь 21-це чи), кинонь режиссёр, сценариень сёрмадыця. Авазо — Лаура Геворкян (Кеосаян) (чачсь 1939-це иень якшамковонь 28-це чистэ), театрасо ды киносо налксиця.

Лелязо — Давид Кеосаян (1961-це иень чадыковонь 10-це чи — 2022-це иень ожоковонь 19-це чи), киносо налксиця, кинонь режиссёр, сценариень сёрмадыця ды режиссёр.

Лелянзо тейтерезэ — Лаура Кеосаян (чачсь 1982-це иень даволковонь 8-це чистэ), театрасо ды киносо налксиця.

Вастневсь Наталья Ветлицкаянь марто, сестэ Фёдор Бондарчуконь марто снимась тензэ «Посмотри в глаза» моронзо лангс клип[25].

Васенце низэ (1993-це иестэ саезь 2014-це иес) — Алёна Хмельницкая (чачсь 1971-це иень якшамковонь 12-це чистэ), театрасо ды киносо налксиця, телевидениясо ветиця. Урьвакстсть 1993-це иестэ[12]. Комсьвейкее иень перть вейсэнь эрямосо чачсть кавто тейтерть: Александра (чачсь 1994-це иестэ) ды Ксения (чачсь 2010-це иень медьковонь 7-це чистэ)[26]. Мирдтне-нитне явсь 2014-це иестэ[27][28].

Омбоце низэ (2022-це иестэ саезь) — Маргарита Симоньян (чачсь 1980-це иень чадыковонь 6-це чистэ), журналист, «RT» телеканалонь ды «Россиясь течи» Кулянь раськеютконь агентствань (МИА-нь) прявт редактор. Вейсэ эрить 2012-це иестэ саезь. Мирдтнень-нитнень — колмо эйкакшост[28]: Марьяна тейтерест (чачсь 2013-це иень умарьковонь 12-це чистэ)[29], Баграт цёраст (чачсь 2014-це иень таштамковонь 27-це чистэ)[27], Маро тейтерест (чачсь 2013-це иень ожоковонь 19-це чистэ)[30].

Кардамот

2022-це иень даволковонь 28-це чистэ Тигран Кеосаян совавтозель Европань союзонь (ЕС-нь) кардамонь спискатнес[31][32]. 2022-це иень эйзюрковонь 4-це чистэ саезь ашти Швейцариянь кардамонь спискасо. 2022-це иень эйзюрковонь 15-це чистэ совавтозь Великобританиянь кардамонь спискас[33][34]. 2022-це иень эйзюрковонь 25-це чистэ Австралиянь омбомасторонь тевень ды микшнемань министерствась совавтсь Тигран Кеосаянонь каршо кардамот[35]. 2022-це иень чадыковонь 27-це чистэ Казахстанонь Омбомасторонь тевень министерствась ёвтась мель совавтомс Тигран Кеосаянонь Казахстанов а сакшномань ломанень спискас. Зярыя чиде икеле эсензэ YouTube-каналсо Кеосаян 2022-це иень панжиковонь 9-це чистэ Казахстансо кирдивийтнень арсемга Изнямонь чинь парадонь аютавтомань коряс ёвтась мель: Малавикс мастортнэнень эряви арсемс, кинь кис сынь аштить Россиянть, США-нть ды НАТО-нть карадо-каршо аравтоманть ютксо, а Московонтень — домкасто ваномс, кие мартонзо ды кие аволь»[36]. 2022-це иень аштемковонь 24-це чистэ Казахстанонь Омбомасторонь тевень министерствась совавтызе Тигран Кеосаянонь «а сакшномань ломанень спискас»[37][38]. Медьковонь 7-це чистэ Канадань Омбомасторонь тевень министерствась совавтызе сонзэ кардамонь спискас[39]. 2022-це иень ожоковонь 19-це чистэ совавтозь Украинань кардамонь спискас.

Казнеть ды званият

Шкинемазо

Налксицянь важодемат

  • 1971-це ие — «Корона Российской империи, или Снова неуловимые» — эпизодсо
  • 1989-це ие — «Сталинград» — Советэнь ушман
  • 1991-це ие — «Джокер» — Ашир
  • 2000-це ие — «Ландыш серебристый» — клубсо инже
  • 2000-це ие — «Главные роли» — Никита Бакрадзе
  • 2005-це ие — «Любовница» — Сергей
  • 2006-це ие — «Жара» — цецянь микшниця
  • 2007-це ие — «Трюкачи» — эпизодсо
  • 2010-це ие — «Счастливы вместе» («Спасите нашу Дашу» сериясо) — «Любовная любовь» сериалонь режиссёр
  • 2013-це ие — «Море. Горы. Керамзит» — эпизодсо
  • 2017-це ие — «Актриса» — режиссёр
  • 2018-це ие — «Крымский мост. Сделано с любовью!» — телепередачань ветиця

Музыкань видеоклипсэ снимамозо

  • 1995-це ие — Тигран Кеосаян снимась «Ночной мотылёк» София Ротарунь моронь клипсэ.

Режиссёронь важодемат

Фильмат

  1. 1992-це ие — «Катька и Шиз».
  2. 1996-це ие — «Дела смешные, дела семейные».
  3. 1997-це ие — «Бедная Саша»[5].
  4. 1999-це ие — «Президент и его внучка».
  5. 1999-це ие — «Директория смерти».
  6. 2000-це ие — «Ландыш серебристый»[41].
  7. 2001-це ие — «Мужская работа».
  8. 2002-це ие — «Мужская работа 2».
  9. 2004-це ие — «Ландыш серебристый 2».
  10. 2006-це ие — «Заяц над бездной».
  11. 2008-це ие — «Мираж».
  12. 2011-це ие — «Ялта-45».
  13. 2012-це ие — «Три товарища».
  14. 2013-це ие — «Море. Горы. Керамзит»[42][43].
  15. 2017-це ие — «Актриса».
  16. 2018-це ие — «Крымский мост. Сделано с любовью!».
  17. 2022-це ие — «Бессмертные»[44].

Музыкань видеоклипть

  • «Посмотри в глаза» — Наталья Ветлицкая (Фёдор Бондарчуконь марто вейсэ).
  • «Белая песня» — Диана (Ирина Нельсон).
  • «Скрипка-лиса» (1997) (моронть васенце лемезэль — «Скрип колеса»; музыкась — Игорь Сарухановонь, валтнэ — Александр Новиковонь)[45][46].
  • «Соседка» — Михаил Шуфутинский.
  • «Картонные крылья любви» — «Машина времени» морамонь курось.
  • «Ты знаешь, мама» — Диана Гурцкая.
  • «Я тебя отвоюю» — Ирина Аллегрова.

Лия важодемат

Сценариень важодемат

  1. 1996-це ие — «Дела смешные, дела семейные».
  2. 2000-це ие — «Ландыш серебристый».

Продюсерэнь важодемат

  1. 2012-це ие — «Три товарища».
  2. 2012-це ие — «Многодетная семья».
  3. 2013-це ие — «Общага».

Телепроектсэ улема

  • 1998-це иестэ Алёна Хмельницкаянь марто ульнесь «НТВ» телеканалонь «Устами младенца» теленалксемасо.
  • 2002-це иестэ (эфирэсь ютась 2003-це иень якшамковонь 9-це чистэ) изнясь «Васенце каналонь» од иень фильматнесэ снимазь ломантнень марто «Слабое звено» теленалксемань специальной нолдавкссо. Изнязь 307 тёжат целковойтне кучозельть Кинонь налксицянь гильдияс.
  • 2006-це иестэ ульнесь «СТС» телеканалонь «Слава Богу, ты пришёл!» шоунь 9-це ды 15-це нолдавкстнэсэ.
  • 2007-це иень ожоковсто Алёна Хмельницкая нинзэ ды Александра тейтерензэ марто ульнесь «Васенце каналонь» «Стенка на стенку» спортонь шоунь 4-це нолдавкссо.
  • 2009-це иестэ тердтнезель «Васенце каналсо» «Прожекторперисхилтон» шоунь инжекс.
  • 2010-це иестэ ульнесь «Видеобитвань» жюрисэ.
  • 2010-це иень ацамковсто Алёна Хмельницкая нинзэ марто ульнесь тердезь инжекс «Россия» телеканалонь «Десять миллионов» шоунь налксицякс.
  • 2014-це иестэ ютасть «Империя иллюзий. Братья Сафроновы» шоунь снимамотне, косо жюрис свалшкань совицякс ульнесть Тигран Кеосаян ды Дмитрий Шепелев, васенце невтемась ульнесь «СТС» телеканалсо 2015-це иень даволковонь 21-це чистэ.
  • 2016-це иестэ ульнесь «Россия» телеканалсо «Один в один!» нилеце сезононь жюрис совицякс[47].
  • 2016-це иень ацамковонь 31-це чистэ «НТВ» телеканалсо ютась «Своя игра» од иень нолдавксонь невтема, косо Кеосаян ульнесь кода каналонь ветиця, изнизе Сергей Малозёмовонь («Чудо техники» ды «Еда живая и мёртвая» программань ветицянть) ды Джон Уорренэнь («Поедем, поедим!» программань ветицянть).

«НТВ» телеканалонь телепроектт

Критикань валт

2000-це иень прядовомсто — 2010-це иетнень ушодовомсто телевидениянь критикась сэтьместэ кортась Тигран Кеосаянонь ланга[49][50], тень пингстэ сондензэ кода ветицядо ёвтазель мель теке сон «парсте чарькоди весе стакачитнень ды бажи весементь содамс парсте».

Владимир Кара-Мурза-покшось тележурналистэсь эсь сёрмадовкссо ёвтась Кеосаянонь туртов критикань валт, косо сёрмадсь, «Международная пилорама» программасо ветицясь «таго валгсь сехте алов», секс мекс «сонзэ пельде эфирсэ ёвтазь валрисьметне а ладить телевидениянь ветицянтень ды лия эрьва кодамо паро ломанентеньгак».

2018-це иестэ Кеосаян истя ёвтнесь программасо эсь улемадонзо:

Кунсолодо, те оймсема, ёвтан сюкпря важодема ялгатненень, каналонтень, Лёша Земскийнень ды Тима Вайнштейннэнь, те тарка, косо мон кортан кода ули мелем, мезде ули мелем, весементь ланга. Ды те оймень коряс вечкевикс тев. Те монь аволь алкуксонь профессиям. Сон ульнесь васенцекс, телевиденияс монь самом ульнесь сюлмазь «Ренсэ» важодеманть марто. Те кавто башка ёнкст, тынь тень чарькодтядо. Тосо общественно-политическоекс весе ульнесь, «Ренсэ», а тесэ раксемань Comedy Channel, Джон Стюарт тосо ды седе тов. Те оймень коряс вечкевикс тев. Монь профессиям – режиссёр.

2022-це иестэ Казахстанонть коряс Кеосаян ёвтась каршо валт. Кеосаян вешсь «арсемс» и ютамс киньгак пелев, «ды кить зярс эзизь прядо арсемаст, конат теить аволь ялгаксчинь ды аволь виде эскелькст, мезе ней теят, ловомс минек ятокс. Сехте пек экономикань ды кулянь тевтнень ветямосо». Теде башка Кеосаян ледстясь: «Украинанть лангс варштадо домкасто, арседе парсте». Тень лангс Казахстанонь Омбомасторонь министерствасо ёвтасть:[51]:

Паряк, сонзэ мелензэ-арсеманзо сюлмазь Россиянь общественностень кой-кона пельксэнть ды политикань ломантнень кой-кона пельксэнть марто, ансяк те кодаяк а полавтсынзе минек Масторонок Прявттэнь ютксо вейсэнь важодеманть ды ютавтовиця тевтнень, шабрань ды ялгаксчинь сюлмавоматнень. Арсеви, Кеосаян карми совавтозь сетнень юткс, кинень Казахстанов сакшномс а эряви.

Тешкставкст

  1. ↑ 1 2 3 4 5 6 Тигран Кеосаян. Биография и фильмография. Сетевое издание «Государственный интернет-канал «Россия» // russia.tv. Дата обращения: 10 Таштамковонь 2020. Архивировано 17 Умарьковонь 2020 года.
  2. ↑ Андрей Вульф. ТИГРАН КЕОСАЯН: РАВНЫЙ СРЕДИ ЛУЧШИХ ИЛИ ЛУЧШИЙ СРЕДИ РАВНЫХ? Газета «Музыкальная правда» (29 Ацамковонь 1995). Дата обращения: 30 Панжиковонь 2018. Архивировано 6 Медьковонь 2020 года.
  3. ↑ Юрий Геворкян. Топ-10: клипмейкеры, ставшие режиссёрами. — В этом году «Социальная сеть» Дэвида Финчера числится в основных фаворитах «Оскара». Газета «Аргументы и факты» // aif.ru (27 Якшамковонь 2011). Дата обращения: 26 Медьковонь 2017. Архивировано 8 Медьковонь 2019 года.
  4. ↑ Кеосаян Тигран Эдмондович. Биография, фильмография, фотографии актёра и режиссёра. Архивень копия 23 Таштамковонь 2020 на Wayback Machine // ruskino.ru
  5. ↑ 1 2 Антон Чаркин. ТВ-6 покажет «Бедную Сашу». «Коммерсантъ» (24 Ацамковонь 1997). Дата обращения: 7 Аштемковонь 2015. Архивировано 23 Ожоковонь 2020 года.
  6. ↑ Тигран Кеосаян сдерживает вулканический темперамент. Газета «Аргументы и факты» // aif.ru (17 Медьковонь 2001). Дата обращения: 26 Медьковонь 2017. Архивировано 7 Таштамковонь 2018 года.
  7. ↑ Тигран Кеосаян в сладком плену госзаказа. Газета «Аргументы и факты» // aif.ru (21 Якшамковонь 2002). Дата обращения: 26 Медьковонь 2017. Архивировано 7 Таштамковонь 2018 года.
  8. ↑ Фабрика грез "Видео Интернэшнл". «Коммерсантъ» (31 Панжиковонь 2000). Дата обращения: 30 Панжиковонь 2018. Архивировано 23 Ацамковонь 2017 года.
  9. ↑ В «Студии 2В» все отечественное. Газета «Труд» (1 Аштемковонь 2000).
  10. ↑ Телевизор на закуску. С кем встречать Новый год, когда от Башмета до Моисеева - расстояние в несколько кнопок? Газета «Аргументы и факты» // aif.ru (26 Ацамковонь 2007). Дата обращения: 26 Медьковонь 2017. Архивировано 17 Медьковонь 2019 года.
  11. ↑ Арина Бородина, Сергей Соболев. «РЕН-ТВ» и «СТС» обменялись кадрами. — С 1 декабря новым исполнительным продюсером телеканала «ДТВ» (входит в холдинг «СТС Медиа») станет известный режиссёр и телеведущий Тигран Кеосаян. «Коммерсантъ» (11 Сундерьковонь 2009). Дата обращения: 11 Сундерьковонь 2017. Архивировано 24 Таштамковонь 2020 года.
  12. ↑ 1 2 Елена Самойлова. Тигран Кеосаян и Алёна Хмельницкая: «Семейная жизнь — не война, чтобы друг друга завоёвывать». Газета «Труд» (1 Ожоковонь 2009). Дата обращения: 7 Аштемковонь 2015. Архивировано 24 Даволковонь 2020 года.
  13. ↑ «CTC Media» назначила Кеосаяна генпродюсером «ДТВ». Газета «Взгляд» // vz.ru (3 Ацамковонь 2009). Дата обращения: 3 Ацамковонь 2009. Архивировано 5 Сундерьковонь 2011 года.
  14. ↑ Арина Бородина. Телевидение в день теракта в Москве. «Коммерсантъ» (31 Эйзюрковонь 2010). Дата обращения: 7 Аштемковонь 2015. Архивировано 31 Ожоковонь 2014 года.
  15. ↑ Есть и честные милиционеры. «Комсомольская правда» (17 Панжиковонь 2010). Дата обращения: 29 Таштамковонь 2018. Архивировано 29 Таштамковонь 2018 года.
  16. ↑ «Мы можем всё. Но не всё сразу»: Тигран Кеосаян — о преобразованиях на канале ДТВ. Российская газета (16 Эйзюрковонь 2010). Дата обращения: 29 Таштамковонь 2018. Архивировано 16 Аштемковонь 2019 года.
  17. ↑ Александр Мельман. «Ты не поцеловал девушку!» — Теленеделя с Александром Мельманом. Газета «Московский комсомолец» // mk.ru (8 Таштамковонь 2016). Дата обращения: 11 Таштамковонь 2016. Архивировано 17 Ацамковонь 2021 года.
  18. ↑ Тигран Кеосаян: «Если бы я боялся сравнений с «Тегераном-43», назвал бы свой фильм по-другому». Режиссёр и ведущий рассказал о своей новой картине «Ялта-45» и объяснил, почему больше не появляется на телеэкране. Комсомольская правда (2 Панжиковонь 2012). Дата обращения: 30 Панжиковонь 2018. Архивировано 5 Умарьковонь 2018 года.
  19. ↑ «Каренина. Живое издание»: 700 человек в прямом онлайн-эфире прочитали роман Толстого (руз.). Официальный сайт Государственного музея Л. Н. Толстого (ГМТ) // tolstoymuseum.ru (4 Ожоковонь 2014). Дата обращения: 26 Таштамковонь 2015. Архивировано из оригинала 27 Таштамковонь 2015 года.
  20. ↑ О проекте. Продолжая успешно смешивать политику и юмор, «НТВ» запускает новый сатирический проект «Международная пилорама». — Ведущий вечернего развлекательного шоу — известный кинорежиссёр, актёр и сценарист Тигран Кеосаян. Архивень копия 9 Чадыковонь 2020 на Wayback Machine Телекомпания «НТВ» // ntv.ru (3 сентября 2016 года)
  21. ↑ Анна Афанасьева. «Мы никуда не денемся от следователей, полицейских, бандитов». — Гендиректор «НТВ» Алексей Земский об обновлении канала Архивень копия 17 Ацамковонь 2021 на Wayback Machine // «Коммерсантъ», 14 сентября 2016
  22. ↑ «За вас с нами и за хер с ними!» Российское шоу «Международная пилорама» взбесило иностранцев. Почему его невозможно смотреть? Lenta.ru (6 Ацамковонь 2020). Дата обращения: 11 Якшамковонь 2021. Архивировано 17 Якшамковонь 2021 года.
  23. ↑ Тигран Кеосаян попал в больницу с инфарктом. — Режиссёру и телеведущему срочно сделали операцию. Газета «Комсомольская правда» // nnov.kp.ru (16 Якшамковонь 2008). Дата обращения: 26 Медьковонь 2017. Архивировано 19 Умарьковонь 2017 года.
  24. ↑ Симоньян сообщила о клинической смерти своего мужа Тиграна Кеосаяна, РБК (09.01.2025). Ваннозь 9 Якшамковонь 2025.
  25. ↑ «У меня были отношения с Наташей»: Кеосаян объяснил, почему они с Бондарчуком сняли клип Ветлицкой | STARHIT. Дата обращения: 21 Ожоковонь 2022. Архивировано 21 Ожоковонь 2022 года.
  26. ↑ У Тиграна Кеосаяна и Алёны Хмельницкой родилась вторая дочь. «РИА Новости» // ria.ru (7 Медьковонь 2010). Дата обращения: 11 Таштамковонь 2016. Архивировано 13 Таштамковонь 2018 года.
  27. ↑ 1 2 Елена Лаптева. Тигран Кеосаян и Маргарита Симоньян назвали сына Багратом. — Режиссёр и редактор снова стали родителями. Газета «Комсомольская правда» (27 Таштамковонь 2014). Дата обращения: 4 Ожоковонь 2014. Архивировано 1 Ацамковонь 2021 года.
  28. ↑ 1 2 Милена Жарова. Алёна Хмельницкая, Тигран Кеосаян и его новая жена Маргарита Симоньян устроили переполох в Ницце. Архивень копия 15 Чадыковонь 2021 на Wayback Machine Российская электронная газета «Дни.ру» // dni.ru (14 сентября 2016 года)
  29. ↑ Сусанна Альперина. «Марьяна Today». — Маргарита Симоньян родила дочь. Архивень копия 1 Ацамковонь 2021 на Wayback Machine «Российская газета» // rg.ru (12 августа 2013 года)
  30. ↑ У Кеосаяна и Симоньян родилась дочь Маро. Архивень копия 27 Эйзюрковонь 2020 на Wayback Machine // vesti.ru (19 октября 2019 года)
  31. ↑ ЕС ввёл санкции против Прилепина и Кеосаяна. Архивень копия 8 Аштемковонь 2022 на Wayback Machine РИА «Новости» // ria.ru (28 февраля 2022 года). Дата обращения: 8 июня 2022.
  32. ↑ Евросоюз включил в санкционные списки Скабееву, Кеосаяна и Прилепина (руз.). // lenta.ru (28 Даволковонь 2022). Дата обращения: 28 Даволковонь 2022. Архивировано 28 Даволковонь 2022 года.
  33. ↑ Великобритания ввела санкции против российских журналистов (руз.). Lenta.RU. Дата обращения: 25 Ацамковонь 2022. Архивировано 25 Ацамковонь 2022 года.
  34. ↑ Лица кремлевской пропаганды: Маргарита Симоньян. U.S. Department of State (31 Умарьковонь 2022).
  35. ↑ Австралия ввела санкции против 22 российских журналистов и сотрудников СМИ. — В частности, ограничения ввели в отношении Маргариты Симоньян, Тиграна Кеосаяна, Ольги Скабеевой. Информационное агентство России «ТАСС» // tass.ru (25 Эйзюрковонь 2022). Дата обращения: 31 Эйзюрковонь 2022. Архивировано 4 Чадыковонь 2022 года.
  36. ↑ МИД Казахстана пригрозил Кеосаяну запретом на въезд (руз.). РИА «Новости» // ria.ru (27 Чадыковонь 2022). Дата обращения: 28 Чадыковонь 2022. Архивировано 27 Чадыковонь 2022 года.
  37. ↑ Пропагандист Тигран Кеосаян включен в Казахстане в один список с террористами, https://tobolinfo.kz (3 Медьков 2022).
  38. ↑ Тигран Кеосаян в Казахстане оказался в одном списке с террористами, esquire.kz (3 Медьков 2022).
  39. ↑ Канада ввела санкции против патриарха Кирилла и главы Роскомнадзора (8 Медьковонь 2022). Дата обращения: 8 Медьковонь 2022. Архивировано 8 Медьковонь 2022 года.
  40. ↑ Указ Президента Российской Федерации от 12.04.2024 № 257 "О награждении государственными наградами Российской Федерации". Официальное опубликование правовых актов (12 Чадыковонь 2024). Дата обращения: 12 Чадыковонь 2024.
  41. ↑ Тигран Кеосаян: «Шоу-бизнес — это люди-клоуны». // «Огонёк» : журнал. — 2004. — 10 Ожоковонь. Архивировано 21 Умарьковонь 2018 года.
  42. ↑ Премьера на Первом: сериал о буднях олимпийской стройки в Сочи "Море. Горы. Керамзит". Первый канал (16 Аштемковонь 2014). Дата обращения: 7 Аштемковонь 2015. Архивировано 22 Даволковонь 2015 года.
  43. ↑ Почем керамзит для народа от Тиграна Кеосаяна? Вокруг ТВ (20 Аштемковонь 2014). Дата обращения: 7 Аштемковонь 2015. Архивировано 3 Медьковонь 2018 года.
  44. ↑ Сергей Пускепалис: Волковский театр представит в новом сезоне 9 премьер (руз.). Российская газета. Дата обращения: 29 Таштамковонь 2021. Архивировано 29 Таштамковонь 2021 года.
  45. ↑ Ведущий: Иван Цыбин. ВИДЕО. Программа «Утро на 5». Рубрика «Закрома Родины». Игорь Саруханов — «Скрипка-лиса». Режиссёр видеоклипа — Тигран Кеосаян. Выпуск 18 апреля 2013 года. «Пятый канал» (Санкт-Петербург) // 5-tv.ru
  46. ↑ Logo YouTube por Hernando (2005-2011).svg Видео. Клип на песню «Скрипка-лиса» — Игорь Саруханов. Режиссёр — Тигран Кеосаян (00:06:35). // youtube.com (Игорь Саруханов; 25 августа 2011 года)
  47. ↑ «Один в один!»: Стоцкая растрогала Стоянова ягодичными имплантами Рианны. Телепрограмма (11 Даволковонь 2016). Дата обращения: 21 Умарьковонь 2018. Архивировано 15 Умарьковонь 2017 года.
  48. ↑ «Нет, Россия, не сегодня»: О заимствовании идей, унижении в юморе и переизобретении журналистики. Клуб «33Литра» (5 Сундерьковонь 2018). Дата обращения: 17 Ацамковонь 2021. Архивировано из оригинала 14 Медьковонь 2019 года.
  49. ↑ Почему у современных телеведущих не горят глаза? Аргументы и факты (21 Ожоковонь 2009). Дата обращения: 21 Умарьковонь 2018. Архивировано 21 Умарьковонь 2018 года.
  50. ↑ Отар Кушанашвили: В смутные времена Тигран Кеосаян нужен на ТВ. Аргументы и факты (21 Чадыковонь 2013). Дата обращения: 21 Умарьковонь 2018. Архивировано 6 Умарьковонь 2020 года.
  51. ↑ tengrinews.kz. Оскорбительное и необъективное выступление - МИД Казахстана о Тигране Кеосаяне (руз.). Главные новости Казахстана - Tengrinews.kz (27 Чадыковонь 2022). Дата обращения: 28 Чадыковонь 2022. Архивировано 28 Чадыковонь 2022 года.

Ссылкат

Саезь "https://myv.ruwiki.ru/w/index.php?title=Кеосаян,_Тигран_Эдмондович&oldid=535014"-стэ