Китэнь ды дельфинэнь масторлангонь чи
| Китэнь ды дельфинэнь масторлангонь чи | |
|---|---|
 Горбун кит | |
| Типень коряс | Экологиянь |
| Смусть | Варштавтомс ломантнень вановтост китэнь, китэнь кондят, лиясто ловсосо потиця иневедень лия ракшатнень лангскак |
| Теиця | Китобойной раськеютконь комиссия (IWC) |
| Ютавтома чи | 1986-це иень медьковонь 23-це чи |
| Мезе марто сюлмазь | Китэнь промыслань микшнемань тевень кардамонть марто |
 Китэнь ды дельфинэнь масторлангонь чи | |
Китэнь ды дельфинэнь масторлангонь чи (англ. World Whale and Dolphin Day) — экологиянь покшчи, конань 1986-це иестэ кемекстызе Китобойной раськеютконь комиссиясь (англ. International Whaling Commission — IWC). Покшчинть тешкстыть медьковонь 23-це чистэ, секс мекс 1982-це иень те чистэнть Китобойной раськеютконь комиссиясь максызе вайгелензэ китобойной промыслань покш тевень ветямонь ды микшнемань кардамонть кис 1985/1986-це сезонсто ушодовомсто[1][2].
Кардамось ушодсь важодеме 1986-це иень даволковонь 19-це чистэ саезь. Тень кис эрьва иень даволковонь 19-це чистэ тешкстави лияяк покшчи — Китэнь идемань масторлангонь чи (англ. World Whale Day)[3]. Сонзэ ловить ловсосо потиця иневедень лия ракшань (млекопитающеень) идемань чикскак. Лиясто эрьва кодамо масторонь экологиянь вейсэндявкстнэ вейсэ алтыть те чинть ловсосо потиця се ракшанть туртов, кона ашти ёмамо лангсо[4][5].
Эрямопингезэ
Китобойной раськеютконь комиссиясь (англ. International Whaling Commission — IWC) совавтсь ковкерьксэв од чи 1986-це чистэ [6].
1982-це иестэ комиссиясь ёвтась экологиянь стакачитнеде, конат сюлмазь китэнь ды дельфинэнь покш куловтоманть марто. Тень лангс нежедезь 1986-це иень медьковонь 23-це чистэ китобойной промысланть лангс нолдазель покш кардамо. Се шкастонть саезь весе масторсо эрьва иестэ тешкстави — Китэнь ды дельфинэнь масторлангонь чи, кона алтазь ведьалонь лия ёнов а молиця эрицятненень [7][8].
«Наукань тевтнень кис» китэнь кундсема
Китобойной раськеютконь комиссиянть китэнь промышленной кундсемадо лоткавтомадонть мейле Япониясь эсь каршо кардамотнень анолдамга вейсэндясь соглашениянтень, ансяк кармась китэнь кундсеме «наукань тевтнень кис». Тень коряс 2007-це иестэ меревсь кундамс 950 китт, лисни, эрьва чистэ Япониясо кундсесть малав колмо китт. Секе иестэнть «Ниссин-мару» япониянь китобойной флотилиянь флагмансо лиссь толонь зыян, секскак «ванномга» ульнесть чавозь 508 ракшат. Тень лангс ванозь Япониясо ёвтасть мель велявтомс китэнь кундсемантень сынст раштамо шкасто. Наукань важодематнеде прядовомадо мейле ракшатнень сывелест васняяк пачтяви япононь ресторантнэс. Теде башка Япониясо одов арсеви велявтомс горбун китэнь кундсемантень[9].
2010-це иень даволковонь 19-це чистэ Кевин Радд Австралиянь Премьер-министрась вешизе Япониянть лоткавтомс китэнь кундсемань промысланть ды тандавтызе ушодомс сонзэ каршо тев Гаагасо Уголовной раськеютконь судсо [10].
Россиясо покшчинь тешкстамо
Эрьва иестэ активисттнэ ды пертьпельксэнь ванстомань вейсэндявкстнэ ютавтнить покш вастовомат, промкст ды кортамот, косо бажить весень икеле ёвтнемс ловсосо потиця иневедень ракшатнень аламолгадомань стакачитнеде. Те сюлмазь китобойной промысланть, дельфинтнэнь ды иневедень лия эрицятнень дельфинарийтнесэ ды океанариумтнесэ кирдемаст марто, косо сынст мельга сеедьстэ ваныть беряньстэ[11].
Россиясо Китэнь ды дельфинэнь масторлангонь чистэ ютавтневить эрьва кодат тевть, конат аравтозь ловсосо потиця иневедень неть ракшатнень ванстомаст лангс. Вана кой-кодат тевтне[12]:
- Экологиянь покшчинь программат, саемга, Архангельскойсэ 2023-це иень медьковонь 23-це чистэ Иневедень пелевеёнксонь музеенть икеле ютась покшчи, козонь совавтозь Францонь-Иосифень Мода архипелагонть марто интерактивень содавтома, эрьва кодат кевкстематнень коряс каршо валонь максома, мастер-классонь ютавтома ды Михайлушка овтонть марто фотонь теема.
- Мемориальной экспедицият, саемга, 2023-це иень умарьковсто «Эльдорадо» яхтасо экспедиция, кона ульнесь Францонь-Иосифень Мода архипелагонь сех эрявикс таркатнесэ — Галля усиясо ды Тегетхофф мыссэ.
- Наукань ды практикань конференцият, саемга, «Францонь Иосифень Мода: ванномань 150 иеть» раськеютконь инжетнень марто конференциясь, кона ютась 2023-це иень сёксня.
Тешкставкст
- ↑ Brakes P., Simmonds M. P. Whales and Dolphins: Cognition, Culture, Conservation and Human Perceptions. — Routledge, 2013. — P. 42. — 256 p. — ISBN 9781317974697.
- ↑ International Whaling Commission. IWC Schedule. — 2013. — P. 5. Архивная копия от 13 Даволковонь 2014 на Wayback Machine
- ↑ Halifax Discovery Centre celebrates 38th annual World Whale Day(англ.)(недоступная ссылка — история). Global News. Ваннозь 15 Даволковонь 2020.
- ↑ Сегодня — День защиты китов и морских млекопитающих(недоступная ссылка — история). Харьковские Известия (19 Даволков 2013). Ваннозь 20 Даволковонь 2014.
- ↑ Всемирный день китов(недоступная ссылка — история). РИА Новости (19 Даволков 2013). Ваннозь 20 Даволковонь 2014.
- ↑ Роман Паршинцев. Всемирный день китов и дельфинов: у берегов Чукотки летом собираются до 100 горбачей. Мир24 (23.07.2023).
- ↑ 23 июля — всемирный день китов и дельфинов. Экосфера (23 июля 2023).
- ↑ 23 июля, Всемирный день китов и дельфинов.
- РИА Новости (1 Эйзюрков 2007). Ваннозь 13 Умарьковонь 2010. Архивировано из первоисточника 26 Эйзюрковонь 2012.
- Лента.ру (19 Даволков 2010).
__ARCHIVEDTALK__ Ваннозь 20 Даволковонь 2010.
Это архив обсуждения. - Комсомольская правда.
- ↑ Всемирный День китов и дельфинов отметят в Архангельске. Правда Севера.
