Ковонь полавтовомат

Мода — Ков — Чипай системась. Моданть перька эсензэ киявасо Ковонть валдомгавты Чипаесь, ансяк сонсь ковось аволь валдо; 1 — од ков, 3 — васенце нилеце пелькс, 5 — пешксе ков, 7 — меельце нилеце пелькс

Ковонь полавтовомат — Моданть лангсто ваныцятнень туртов неявиця Чипайсэ валдомтовиця Ковонь пельксэнть мельга-мельцек молиця полавтовоматне. Ниле таргонь перть мереви ваномс Ковонь истят полавтовоматнень: од ков, од Ков, васенце нилеце пелькс, касыця (покшолгадыця) ков, пешксе ков, аламолгадыця Ков, меельце нилеце пелькс ды ташто Ков, теде мейле циклась ушодови одов^[1].

Лимбекс лемдяви Ковонь дискенть неявиця песь.

Ковонь терминаторокс лемдяви неявиця дискенть валдомтовиця ды сулейсэ аштиця пелькстнэ^[1].

Прявт полавтовомат

Ковонь полавтовомат. Гимназиятнень туртов географиянь тонавтнемань атлассто схема
(1898-це ие)

Модань менельчиренть велькссэ пельков, конань 2010-це иестэ снимизе МКС-24 экипажс совицясь

Видеосонть неяви, кода Ковось юты полавтовоматнень — орбитанть пачк, конань формазо невти Чипайсэ ниле таргонь перть ковонь верьксэнть эрьва кодат пельксэнзэ валдомтоманть. Камерась невти Ковонть се шкасто, зярдо васенце плансо пек бойкасто велявтневи Модась

Ковонь полавтовоматне эрсить сестэ, зярдо полавтневи Моданть, Ковонть ды Чипаенть вейкест-вейкест эйстэ аштемась^[1].

Ниле таргонь перть Ковонь полавтовоматне — од ковось, од Ковось, васенце нилеце пельксэсь, касыця (покшолгадыця) Ковось, пешксе ковось, аламолгадыця Ковось, меельце нилеце пельксэсь ды ташто Ковось — полавтыть вейкест-вейкест. Од ковонь шкасто Ковонть весе дискезэ чополгавтозь, пешксе ковонь шкасто — весе валдомгавтозь. Од ды ташто Ковось неяви теке човине тарваз^[1].

Ковонь полавтовомань циклась лемдяви синодической ковокс. Шкань коряс покшолмазо малав 29,5306 чипаень чить ды сон ашти ковонь ковкерькстнэнь юрсо. Ковонь орбитань лапушкавтовоманть кис Ковонь полавтовоматнень цикланть кувалмозо аволь свалшкань^[1].

Од ковонь теевемадо мейле малав 7 чинь ды 10 часонь ютазь ушодови полавтовома, кона лемдязь васенце нилеце пельксэкс. Те шкантень ковонь ды чипаень дикстнень ютксо ужонь кувалмось — 90 градуст, Чипаесь валдомты ковонь дискень ансяк пелензэ вить пельксэнть (Модань пелевеёнксонь полушариясто ванномсто). Зярдо Ковось ашти Чипаень каршо пелькссэнть, ушодови пешксе ковонь шка. Од ковонь шкань малав 14 чинь ды 18 часонь ютазь вить ёндо Ковось ушодови малавгадомо Чипаенть марто, ковонь дискень валдомтозь пельксэсь вишкалгады ды аламонь-аламонь карми неявомо Ковонть керш пельксэзэ. Од ковонь самодо мейле 22 чинь ды 3 часонь ютазь Ковось васенце нилеце пелькссэнть лиси малав пелевестэ ды неяви вень омбоце пельксэнть перть. Вить ёндо Ковонь дискесь аламонь-аламонь малавгавтови чипаенсенть марто, сасы эйсэнзэ, теде мейле ковонь дискесь тееви анеявиксэкс. Ушодови од ковонь шка^[2]^[3]^[4].

Модань Лембе ёнксонь полушариясто полавтовоматне неявить теке велявтозь, а модань экваторсто ванномсто — велявтозекс 90 %-с.

Менельчиренть ёндо ваннома
Лем	Пелевеёнксонь полушария		Экватор	Лембеёнксонь полушария
Лем	Верце тёкш	Чилисема	Чилисема	Чилисема	Алце тёкш
Од ков (артовкссо 1-це номер)
Од ков (2)
Васенце нилеце пелькс (3)
Покшолгадыця ков (4)
Пешксе ков (5)
Аламолгадыця ков (6)
Меельце нилеце пелькс (7)
Ташто ков (8)

Коень коряс эрьва ковсто эрси вейке пешксе ков. Лиясто ковонь перть эрсить кавто пешксе ковт, ды сестэ омбоценть лемдить сэняжа ковокс. Тувталось сеньсэ, ковонь циклась ковкерьксэнь цикладонть седе нурька — сонзэ кувалмозо 29,5306 чить, а ковсонть 30−31 чить. Кавто пешксе ков марто ковось эрси колмо иес весть.

Ковонь полавтовомань невтемань мнемоникань лув

Васенце нилеце пельксэнь меельце нилеце пельксэнть эйстэ явомсто, Пелевеёнксонь полушариясо аштиця ваныцянтень мереви тевс нолдамс мнемоникань истят лувт. Бути менельсэ ковонь тарвазось неяви «с (d)» буквань кондямокс, сестэ ковось — «таштолгадыця», эли «туиця», те меельце нилеце пельксэсь (фр. dernier). Бути весемесь велявтозь лия ёнов, сестэ мельсэ-превсэ тензэ вишка мандынень путомсто лиси «р (p)» буквась, те корты, ковось «касыця», те васенце нилеце пельксэсь (фр. premier)^[5].

Теке марто вант

Венерань полавтовомат
Таркань ужо

Литература

Антон Ковалёв Я тебя никогда не забуду // Тарпон. Люди, яхты, горизонты. — 2013. — № 1.
Оксана Абрамова. Взламывая астрономию / Под ред. М.Ю. Шевченко. — Москва: АСТ, 2021. — 304 с. — (Взламывая науку). — ISBN 978-5-17-118143-7.

Тешкставкст

Лисьмапрят

↑ ¹ ² ³ ⁴ ⁵ Фазы Луны (неопр.). Большая российская энциклопедия. Дата обращения: 22 Сундерьковонь 2023.
↑ Оксана Абрамова, 2021, с. 88.
↑ Оксана Абрамова, 2021, с. 89.
↑ Оксана Абрамова, 2021, с. 90.
↑ Антон Ковалёв, 2013, с. 65.

Ссылкат

Ковонь полавтовомат

[Фазы_Луны-1] ¹ ² ³ ⁴ ⁵ Фазы Луны (неопр.). Большая российская энциклопедия. Дата обращения: 22 Сундерьковонь 2023.

[_7785218f953b895b-2] Оксана Абрамова, 2021, с. 88.

[_7785218f953b895a-3] Оксана Абрамова, 2021, с. 89.

[_7785208f953b8780-4] Оксана Абрамова, 2021, с. 90.

[_33dfe54906c5518a-5] Антон Ковалёв, 2013, с. 65.

[1]

[2]

[3]

[4]

[5]