Койдула, Лидия

Лидия Койдула
Лидия Койдула
	эст. Lydia Koidula
Гражданствась	Россиянь империя;
Тев теят	валморозей, ютавтыця, журналист, сёрмадей
Аля	Яннсен, Йохан Вольдемар[d]
Калмамо тарка	Лесное кладбище[d];
Чачома чи	12 (24) ацамковонь 1843-це иень
Кулома чи	30 медьковонь (11 умарьковонь) 1886-це иень (42 иеть)
Чачома тарка	Вяндра[d];
Мирде/васта	Eduard Michelson[d]
Область деятельности	Валморамась[d]
Тонафнемань васта	Q31275457? (1861);
Причина смерти	рак молочной железы[d]
Кулома тарка	Кронштадт[d], Санкт-Петербургская губерния[d], Россиянь империя;
Имя в браке	Lydia Emilie Florentine Michelson
	Лидия Койдула

Ли́дия Ко́йдула (эст. Lydia Koidula; алкуксонь лемезэ Ли́дия Эми́лие Я́ннсен эст. Lydia Emilie Florentine Jannsen; 1843 иень ацамковонь 12 (24) чись , Вяндра, Пярнунь уездэсь, Лифляндской губерниянь — 1886 иень медьковонь 30 чись (умарьковонь 11 чись), Кронштадт ош, Российская империя) — Эстень масторонь валморозей, сёрмадыця, эстэнь драматургиянь путыцязо-теицязо.

Эрямопингезэ

Йохан Яннсенэнь - журналистэнь ды содамочинь явшицянь тейтерь. Школасо тонавтнемстэ лездась тетянстэнь «Пярнунь почтальон» кулялопань нолдамосо (эст. «Perno postimees»): тейнесь ютавтомат, шождалгавтсь эрьва кодат сёрмадомат кулялопасо нолдамонь туртов. Секе шкане ульнесть сёрмадозь сонзэ васенце валморонзо, васня немецень кельсэ. «Койдула» лемесь (ютавтови кода «Валскемартонь») максызе тензэ Карл Роберт Якобсон - раськень кепедемань теиця, сестэ, кода васенцеде печатынзе тейтеренть сёрмадовксонзо эсь букварьсэ.

Кулялопасо важодемстэ, Койдула вастневи ламо ломань марто, конатне XIX пингень куншкасо аштесть эстэнь раськень кепедемань юросо, тень кувалт чачсть сонзэ вановтонзо ды кемеманзо. 1860 иетнень омбоце пелькссэ сонзэ лемезэ кармась содавиксэкс, кода патриотонь сёрмадей.

1873 иестэ сонь лиссь мирденень. Мирдезэ ульнесь Тартунь университетэнь студент - Эдуард Михельсон - Латвиянь ломань, Койдула тусь эрямо Кронштадтов, косо мирдезэ ульнесь оенной врачокс. 1874 иестэ Лидия чачсь васенце эйкакш — Ханс Вольдемар, кавто иень ютазь - тейтерька - Хедвиг. 1878 иестэ, Венасо чачсь колмоце эйкакш — Анна (1878—1964)^[3]. Секень лангс апак вано, што Койдула свал сакшнось Эстэнь масторов, сонензэ пек сэредьстэ марявсь эсь мастор марто явовомась.

Эрямонзо лоткавтызе потень ракось. Сон кулось Кронштадт ошсо, косо ульнесь калмазьдяк. 60 иень ютазь сонзэ калмозо ульнесь ускозь Эстэнь масторов ды тосо калмазь одс Метсакальмисту калмозырьс покш честь марто. Калмамсто ульнесть СССРень Верьце Советэнь Эстень масторонь ёндо депутатт: Герман Пресс ды Юлиана Тельман, Антс Лаутер ды Март Рауд сёрмадейть ды лият эстэнь масторонь культурань ёндо ломанть. Секень марто мирдензэ ды одсто кулозь эйкакшонзо лиядсть тоско, Кронштадсо, эсь раськень модань пелькссэ.

1929 иестэ аштемковонь 9 чистэ Пярну ошсо панжозеь Койдуланень кеврунго. Кеврунгонь теицясь - Адамсон Генрих, тоско панжозель Койдулань лемень кундамо музеесь. Кронштадсо, се кудонть лангсо, косо эрясь аравтозь лемензэ кундамо лаз^[4].

Сонзэ лемензэ канды Пярнунь драмань театрась.

Шкинемазо

Лидия Койдулань лемень кундамо кев. Ашти чачоматарксо - Вяндрасо..

Лидия Койдулань кеврунго Пярну ошсо, Амандус Адамсон кевстэ керсий, 1929 иесь.

[[Артовкс:Лемень кундамо лаз - Лидия Койдула - Кронштадтсо, эрямо кудосонзо.]]

Сёрмадовксонзо

Койдула эстэнь литературасо кадсь содавикс тешкс, васняяк валморонь сёрмадомасо. Сонзэ патриотонь лирикась появась эрявикс шкасто ды ульнесь пек эрявикс эстэнь масторонь раськень кепедемань порасто. Койдуланень кармасть мереме «Эмайыга леень норовжорч» (эст. "Emajõe ööbik") (истя ульнесь лемдезь сонзэ валморонь пусмозо, конась лиссь 1867 иестэ). Сонзэ валморосо ёвтневи тиринь масторонтень вечкемадо, снартнема лездамс эсь раськенень, эстэнь ломантненень седей марямо.

Лидия Койдула ламо важодсь валморонь техника лангсо, мезесь лездась сы шкань валморозейтненень.

Койдула важодсь прозасояк, тейнесь олячинь ютавтомат, шождалгавтсь лия сёрмадыцянь текстт эстэнь кулялопатнень туртов.

Од вал Лидия Койдула совавсть эстэнь драматургияскак: васенце комедиясь «Пятянь цёразо Сааремаасо» (эст. "Saaremaa onupoeg", 1870) улльнесь сёрмадозь немецень Т.Кернерэнь сюжетэнь коряс, ансяк мельга молиця комедиятне уш ульнесть эсензэ — «Вал лангс путыцят» (эст. "Kosjakased" эли "Maret ja Miina", 1870) ды «Этакий мульк, или Сто вак соли» (эст. "Säärane mulk", 1872). Лидия Койдулань комедиясто ушодызе пингензэ эстэнь масторонь театрась.

Ловномапусмонзо (аволь весе)

«Лугань цецят» (эст. "Waino-lilled", 1866).
«Эмайыга леень норовжорч» (эст. "Emajõe ööbik", 1867).
«Пурназь валморот» (эст. "Kogutud luuletused", 1925).
«Кочксезь морот» (эст. "Valitud laulud", 1934).
«Кочксезь морот» (эст. "Valitud luuletused", 1943).
«Кочксезь морот» (эст. "Valitud luuletused", 1949).
«Валморонь вишка пусмо» (эст. "Väike luuleraamat", 1967).
«Валморот» (эст. "Luuletused", 1969).
«Монь тиринь мастором — монь вечекемам» (эст. "Mu isamaa on minu arm", 1978, 1993).

Интересной фактат

Лидия Койдулань валморонзо валтнэнь лангс «Монь тиринь мастором — монь вечкемам» (эст. "Mu Isamaa on minu arm") ульнесь сёрмадозь моро, конась кармась аволь официальной Эстэнь масторонь гимнэкс, сёрмадыцязо - эстэнь масторонь композитор Густав Эрнесакс (эст. Gustav Ernesaks)
Конёвонь ярмак лангсо - 100 эстэнь масторонь кронань вейке ёндо ульнесь артозь Лидия Коудула норовжорч марто, лия ёндо сёрмадозь сонзэ валморосто ниле строчкат

Silla otsad ühendatud,
Kandes ühte isamaad,
Tõe templiks pühendatud…
Nägu — millal tõeks saad?!

Эстонская 100-кроновая банкнота
Изображение Лидии Койдулы	Строчки из стихотворения Лидии Койдулы

Сёрмадомат

«Кто есть Кто в культуре Эстонии» / сост. и подг. текста «Авенариус». — 1996.

↑ Койдула Лидия // Большая советская энциклопедия (руз.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ Чешская национальная авторитетная база данных
↑ Лидия Койдула и её дочь в воспоминаниях Т. П. Милютиной (фрагмент книги) (неопр.). Сайт Натальи Лайдинен.
↑ Сайт Натальи Лайдинен

[_fed4ca51958edd16-1] Койдула Лидия // Большая советская энциклопедия (руз.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[_463872d7d16b59ac-2] Чешская национальная авторитетная база данных

[3] Лидия Койдула и её дочь в воспоминаниях Т. П. Милютиной (фрагмент книги) (неопр.). Сайт Натальи Лайдинен.

[4] Сайт Натальи Лайдинен

[1]

[2]

[3]

[4]