Коломасов, Василий Максимович

Василий Коломасов
Василий Коломасов
Чачомсто лемезэ	Василий Максимович Коломасов
Чачома чизэ	1909-це иень умарьковонь 14-це чи
Чачома тарказо	Найман веле, Ардатовскяй уездсь[d], Симбирской губерния[d], Россиянь империя;
Кулома чизэ	1987-це иень эйзюрковонь 6-це чи (77 иеть)
Важодемань ёрокчизэ	ютавтыця, сёрмадей
Казнензэ ды медалензэ

Коломасов, Василий Максимович (1909 иень умарьковонь 14 чистэ Эрзянь Найман велесэ Покш Килейбуесэ - 1987 иень эйзюрковонь 6 чистэ) — эрзянь^[1] сёрмадей^[2], валморозей, драматург^[3], ютавтыця. СССР-нь Сёрмадеень Кужос совиця (1938).

Эстедензэ

Василий Максимович Коломасов чачсь 1909 иень умарьковонь 14 чистэ Эрзянь Найман велесэ^[1]. Эйкакш порасто кундась тонавтнеме велень артельсэнть чувтосто строямонь, витемань-петемань тевтнес. Ды сон, весе тень парсте содазь, туекшнесь масторонь од стройкатнес важодеме. Сисем иень перть ютынзе Уралонь, Сибирень ды масторонь якшамо таркатнень. 1933 иестэ велявтсь тиринь велев ды сеске кучозель тонавтнеме партийной школав.Тонавтнемадо мейле важодсь «Сятко» ковставксо-журналсо, «Эрзянь коммуна» газетасонть ды редакторокс книгань издательствасо. Сёрмадомо ушодсь 1931 иестэ^[4]. Шкань апак таргсе кундась «Лавгинов» романонть сёрмадомо, конань прядызе 1940 иестэнть. 1941-1943 иетнестэ тюрсь фашисттнэнь каршо. Кода ойнань ветеран, Василий Максимович казезь Якстере Знамянь орденсэ ды зярыя медальсэ. Л. Елисеев сёрмадеесь «Лавгинов» романанть ютавтызеть рузонь кельс (1959). Романось книгань издательствасо нолдазель войнадо икелень иестэнть. Омбоцеде лиссь 1956 иестэ. 1962 иестэ «Лавгинов» ульнесь невтезь телевидениясо^[5].

Сёрмадовксонзо

«Иля авардть»^[6] (1931).
«Яхим Лавгинов» (1936)
«Прокопыч» (1940)
«Норовава» (1945, 1946 иестэ ульнесь путозь Мордовиянь драматической театрань сцена лангсо)
«Каракужонь свадьба» (1960)
«Пайстомо пиштяка» (1956)
«Кавто церынеть» (1957)
«Телень ки» (1984)

Содави кода ютавтыця эрзянь кельс^[7] болгаронь сёрмадеень шкинемаст (А. Ценева (руз. «По пути домой», 1966), З. Дафинова (руз. «Тошо и Жанна», 1966)), Н. В. Гоголень «Ревизор» пеедекшеманть, Г. Гейнень валморонзо, М. Шолоховонь «Судьба человека» ёвтнеманть ды лия^[6].

Лисьмапря

↑ ¹ ² Время и события. 2014: библиографический указатель / Нац. б-ка им. А.С. Пушкина Респ. Мордовия; [сост. А.Н. Маланьчева]. – Саранск, 2013. – 148 с. (руз.)
↑ «Чилисема», №11, 2015 ТИРИНЬ КЕЛЕСЬ ДЫ ЛИТЕРАТУРАСЬ МОНЬ ЭРЯМОСО(эрз.)
↑ Театральная энциклопедия. Том 3. Глав. ред. П. А. Марков - М.: Советская энциклопедия, 1964. - 1086 стб. с илл., 7 л. илл.(руз.)
↑ Большая советская энциклопедия. — М.: Советская энциклопедия. 1969—1978 Коломасов В.М.(руз.)
↑ Библиотека Мордовской Литературы: Коломасов Василий Максимович(руз.)
↑ ¹ ² ГБУ РК "Национальная библиотека Республики Коми" Коломасов Василий Максимович (руз.)
↑ Деловой Саранск. Выставка в память о мордовском писателе В. М. Коломасове(руз.)

[Время_и_события._2014-1] ¹ ² Время и события. 2014: библиографический указатель / Нац. б-ка им. А.С. Пушкина Респ. Мордовия; [сост. А.Н. Маланьчева]. – Саранск, 2013. – 148 с. (руз.)

[Чилисема-2] «Чилисема», №11, 2015 ТИРИНЬ КЕЛЕСЬ ДЫ ЛИТЕРАТУРАСЬ МОНЬ ЭРЯМОСО(эрз.)

[3] Театральная энциклопедия. Том 3. Глав. ред. П. А. Марков - М.: Советская энциклопедия, 1964. - 1086 стб. с илл., 7 л. илл.(руз.)

[4] Большая советская энциклопедия. — М.: Советская энциклопедия. 1969—1978 Коломасов В.М.(руз.)

[Библиотека_Мо-5] Библиотека Мордовской Литературы: Коломасов Василий Максимович(руз.)

[ГБУ_РК-6] ¹ ² ГБУ РК "Национальная библиотека Республики Коми" Коломасов Василий Максимович (руз.)

[Деловой_Саранск-7] Деловой Саранск. Выставка в память о мордовском писателе В. М. Коломасове(руз.)

[1]

[2]

[3]

[4]

[5]

[6]

[7]