Команмелна
| Команмелна | |
|---|---|
 | |
| Масторось | |
| Ярсамопельть | |
 [[Ошибка скрипта: Функции «getWikibooksLink» не существует.|Рецепт в Викиучебнике]] | |
 Команмелна | |
Команмелна́, Кома́н мелна́ (нар.-мар. команмелна — колмо пельксэнь пачалксеть, эчке пачалксеть[1]; пан-мар. коман меленӓ, сев.-зап. мар. коман мелнӓ) — почтсто теезь маринь раськень ярсамопель.
Косто саевсь лемесь
Ярсамопелесь сюлмазь пачалксетнень марто ды тееви эрьва кодамо почтсто. Лемесь саезь «коман» — «пельксэнь» ды «мелна» — «пачалксе» валонть эйстэ.
Мезестэ теевить пачалксетне
Верце пачалксесь паневи пинемень почтонь 150 граммасто ды вельксэнь
250 граммасто. Куншка пачалксесь — пинемень почтонь 50 граммасто, вельксэнь
100 граммасто ды чапаськадозь ловсонь эли кефирэнь 150 граммасто. Алце пачалксенть теемга эрявить ямксонь почтонь 300 граммат ды 3-4 алт[2].
Те теемась саезь невтемань кис. Эрьва косо команмелнась тееви эрьва кода. Вейке изданиясо сёрмадозь истя:
Розень эли товзюронь 1 стаканонть лангс эрявить — 2 алт, танстень коряс сал (васенце пельксэнть туртов). Пинемень почтонь эли манкань ямксонь туворонь 3 пенчтнень лангс — ловсо эли чапаськадозь ловсо — стаканонь 2/3 пелькст, велькс — стаканонь 1/2 пелькс (омбоце пельксэнть туртов). Пинемень ямксонь эли хлопьянь 2 стаканс — велькс — 1 стакан[3].
— Э. Меджитова. Марийская кухня. 1990
А лиясо истя:
Колмо пельксэнь вейке пачалксес эрявить (граммасо): васенце пельксэнтень — розень эли ямксонь почт 29,
4 алт, танстень коряс сал. Чапаксонть сталмозо улезэ 46 граммат. Омбоце пельксэнтень — пинемень почт эли манкань ямкст 5, аволь чапамо ловсо эли чапаськадозь ловсо, кефир 16, велькс 10. Полуфабрикатонть
сталмозо — 30 граммат. Колмоце пельксэнтень эрявить пинемень ямкст 16, велькс 24, те пельксэнь полуфабрикатонть сталмось улезэ 38 граммат[4].— Марийские национальные блюда. 1980
Кода паневить пачалксетне
Васенце пельксэнть туртов эряви анокстамс розень почтсто, верек алсто ды салсто чапакс. Сонзэ карми эрявомо кевердемс човине сюкорокс пачалгонь покшолмань коряс 1,5–2 миллиметрань эчкелмасо, аламодо пидемс каштомсо ваднезь ды эждезь пачалго лангсо. Зярдо появи якстерьгадома, эряви путомс ловсосо, чапаськадозь ловсосо, кефирсэ эли велькссэ човорязь пинемень ямкссто омбоце пельксэнть. Сон улезэ тусто, теке велькс, човорязь почтсо. Омбоце пельксэнть теемадо мейле полуфабрикатонть таго путыть каштомс. Аламо шкань ютазь путыть колмоце пельксэнть.
Те пельксэнть туртов эряви саемс пинемень ямкст ды 8-10 часонь перть кирдемс велькссэ эли скалонь оень пидевкссэ. Кашань кондямо анокстазь човорявксонть путомс омбоце пельксэнть лангс ды истя пидемс якстерьгадозь тюсос[3].
Кода максовить пачалксетне
Ярсамодо икеле пидесть каштомсо пачалго лангсо. Пачалксетне — маринь раськень кемемасо озномань шкасто коень ютавтомань пек эрявикс пелькс. Сех сеедьстэ команмелнанть панить покш инжетнень туртов, раськень ёнкс марто мирденень лисемань-урьвакстомань шкасто ды свал маринь Мастянь тешкстамсто[5].
Панемадо мейле пачалксенть эряви путомс ваканс ды верьксэнть ваднемс солавтозь эли скалонь ойсэ, лангозонзо путомс панезь омбоце пачалксенть ды таго ваднемс ойсэ.
Пси пачалксетнень путомс целасто эли керсезь. Пачалксесь ашти колмо пельксстэ, ансяк «колмо кепедьксэнь» пачалксенть эчкелмась улезэ 6–7 миллиметрадо аволь седе ламо, тюсось — якстере-ожо[3].
Культурасо ды литературасо
Эсь произведениясост маринь сёрмадыцятне сеедьстэ пшкалесть раськень ярсамопельтненень. М. Шкетан маринь литературань содавикс сёрмадыцятнестэ вейкесь 1935-це иестэ сёрмадсь «Команмелна» ракамонь сёрмадовкс. Эйсэнзэ пеедькшневи неть пачалксетнень вечкицятнень эйстэ вейкесь:
Кие васенцекс арсизе команмелнанть – ней ёвтамс стака. Паряк, пек умонь шкасто теизе кодамояк эчке ава. Ды кода неяви, те ульнесь сюпав ава. Сонзэ кедьсэ важодсть сиведезь ломанть, а сонсь авась ансяк мелявтсь паро ярсамонь варчамодо. Азорось, маряви, педясь медь ды пидесь брага, а сыре авась, паряк, пачалксеть ды эрьва кодат прякат пансь. Вана сестэ, улема, появаськак команмелнась.
Чарькодеви, команмелна – сюпав ярсамопелесь. Эряви кавто сортонь почт, велькс, топо, ой. Икеле кажов ломаненть арасель скалозояк, команмелнань теемась пряс эзь сакшнояк, ды секскак сёвномс сонзэ а мезень кис.
Весенень мереви кунсоломс Геннадий Сабанцев Марий Эл Республикань раськень валморонь сёрмадыцянть ловномасо «Команмелна» аудиокниганть[6].
ШЫП ЛИЙ маринь рэперэсь ды Качери Бавай налксицясь нолдасть «Коман мелна» моро – лемесь сёрмадозь 2011-це иес ташто орфографиянть коряс текстсэ «Коман» ды англ. Come on валтнэнь марто налксеманть туртов[7].
Теке марто вант
- Пачалксеть
- Пачат
- Ынджера
- Качапа
- Кайзершмаррн
Тешкставкст
- ↑ Андреева Л. А. Блины в языковой картине мира марийцев // Вестник угроведения. — 2015. — № 1 (20). — С. 7—13.
- ↑ Зорина З. Г., Крылова Г. С., Якимова Э. С. Марийский язык для всех.- Ч. 1.- Йошкар-Ола, 1990.- С. 113
- ↑ 1 2 3 Э. Меджитова. Марийская кухня. Авт. текста Т. Партионова; Фотосъемка А. Щербинского, Э. Меджитовой. — Йошкар-Ола : Марийское кн. изд-во, 1990.
- ↑ Марийские национальные блюда. Издание четвёртое, дополненное. С. Г. Ершов, С. Н. Николаев, В. А. Панкратова, А. А. Петухова. Марийское книжное издательство. Йошкар-Ола. 1980 г.
- ↑ traktir12.ru
- ↑ Аудиокнига «Команмелна»
- ↑ Коман мелна. ШЫП ЛИЙ, Качери Бавай
Литература
- Пища и утварь // Марийцы. Историко-этнографические очерки. — Йошкар-Ола: МарНИИЯЛИ, 2005. — С. 108—117. — 336 с. — 2000 экз. — ISBN 5-94950-027-X.
- Юадаров К. Марийская крестьянская кухня.— Йошкар-Ола, 2009.— С. 7
