Космос (раськень теварсевкс)
| «Космос» раськень теварсевкс | |
|---|---|
 | |
| Тувталось | Владимир Путин Россиянь Президентэнть кармавтомазо |
| Ярмаконь ютавтоматне | 4,5 триллионт целковойть |
«Кóсмос» рáськень тевáрсевксэсь ушодовсь топавтовомо Владимир Путин Россиянь Президентэнть кармавтомасо 2025-це иестэ[1]. Путы Россиянь Федерациясо ламо аравтомат спутникень группировкань ды орбитальной раськень станциянь теемань, космосонь связень сервисэнь, космосонь связень энергетикань кастомань, васоло космосонь покш ванномань ды важодицятнень анокстамонь коряс[2].
Теварсевксэнть ланга
2025-це иень чадыковонь 16-це чистэ Н. Э. Бауман лемсэ Московонь технической государственной университетсэ космосонь отраслянь кастомань кевкстематнень коряс покш промкссо Владимир Путин ёвтась «Космос» раськень теварсевксэнь арсемадо ды топавтомадо мель:
...те пек эрявикс ёнксонть эйсэ минек аравтовкстнэ улезт сюлмазь масторонок кода космосонь кастомань икеле молиця державанть марто[2].
Россиянь Президентэсь тешкстась, раськень теварсевксэнтень эряви сюлмамс отраслянь кастоманть маласо ды васоло шканть перть истят аравтоматнень:
- теемс эрьва кодамо смустень спутникень эсенек группировкат;
- теемс орбитальной раськень станция;
- кастомс космосонь ядерной энергетиканть;
- теемс «космосонь буксир»;
- ютавтомс васоло космосонь коряс ламо ванномат;
- пурнамс «Спектр-РГ» орбитальной обсерваториянть пингстэ Менелень-масторонь детальной карта[2].
Тешкставкшновсь, теварсевксэнь технологиянь цётамотненень эряви улемс экономикань ды эрицятнень эрямост кастомань виекс[2].
Раськень теварсевксэнь лангс ярмаконть арсеви явомс федеральной бюджетэнть кемекстамодо мейле 2026-це ды седе тов молиця иетнес[2].
Ярмаконь явома
2025-це иень аштемковонь 17-це чистэ раськень теварсевксэнть кемекстызе Владимир Путин Россиянь Президентэсь[3]. Од тевконёвонть коряс 2036-це иес явови 4,4 триллионт целковойть[4].
Федеральной теварсевкст
«Космос» раськень теварсевксэнтень совавтозь федеральной истят программат:
- «Космосонь информационной технологиятнень эрьва кодамо ёндо кастома»;
- «Космосонь перспективной системат ды сервист»;
- «Россиянь ядерной энергетикань космосонь кастома»[5].
Невтемат
Раськень теварсевксэнь покш кевкстематнень кортамсто арсезель:
- 2030-це иентень кастомс обитальной группировкань спутниктнень 1,2 тёжат единицас;
- иень перть весемезэ 56-с покшолгавтомс Россиянь ракетань нолдамо таркатнестэ нолдамотнень;
- 2027-це иестэ кундамс отечественной орбитальной станциянь келейгавтомантень;
- 2030-це иентень кастомс отраслясо важодиця ломантнень 40 тёжат ломаньс;
- кастомс отраслясо 1,5-ксть важодемань тевдееманть[5].
Тешкставкст
- ↑ Путин анонсировал скорое утверждение нового нацпроекта по космосу - Газета.Ru | Новости, Газета.Ru (16.04.2025). Ваннозь 17 Чадыковонь 2025.
- ↑ 1 2 3 4 5 Совещание по вопросам развития космической деятельности, Президент России (16.04.2025). Ваннозь 17 Чадыковонь 2025.
- ↑ "Роскосмос" рассказал подробности космического нацпроекта. РИА Новости (17 Аштемковонь 2025). Дата обращения: 13 Сундерьковонь 2025.
- ↑ Путин утвердил нацпроект «Космос» с бюджетом 4,4 трлн рублей до 2036 года. Коммерсантъ (18 Аштемковонь 2025). Дата обращения: 13 Сундерьковонь 2025.
- ↑ 1 2 Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года» (руз.). government.ru (13 Умарьковонь 2024). Дата обращения: 17 Чадыковонь 2025.
2025—2030-це иетнестэ Россиянь раськень теварсевкстнэ | |
|---|---|
| Ломанень капитал | |
| Паро эрямо | |
| Экономикань кастома |
|
