Кочетов, Василий Иванович
| Василий Иванович Кочетов | |||||||
|---|---|---|---|---|---|---|---|
 | |||||||
| Чачома чизэ |
1915-це иень якшамковонь 15-це чи |
||||||
| Чачома тарказо | Ильинской веле, Починкань буе, Обран ёнкс | ||||||
| Кулома чизэ |
1987-це иень таштамковонь 3-це чи |
||||||
| Кулома тарказо | Воронеж ош | ||||||
| Масторозо |
 СССР |
||||||
| Кодамо ушмосо | авиациянь | ||||||
| Служамонь иетне | 1939—1960-це | ||||||
| Званиязо |
 |
||||||
| Тюремат/войнат | Ине Отечественной война | ||||||
| Казнеть ды премият |
|
||||||
Васи́лий Ива́нович Ко́четов (1915—1987) — Советской Армиянь полковник, Ине Отечественной войнасо улиця, Советской Союзонь Герой (1944-це ие).
Эрямо кизэ
Василий Кочетов чачсь 1915-це иень якшамковонь 15-це чистэ Ильинской велесэ (ней — Обран ёнксонь Починкань буе)[1]. Руз. Сисем иень школань прядомадо мейле важодсь колхозсо. 1937-це иестэ Кочетов прядсь велень хозяйствань техникум, теде мейле важодсь васня агрономокс, мейле тонавтыцякс. 1939-це иестэ саезель служамо Важодицянь ды сокицянь-видицянь Якстере Армияв. 1941-це иестэ прядызе Харьковонь военной авиациянь ледницянь-бомбардирэнь школанть. Теке иень сундерьковсто саезь — Ине Отечественной войнань фронттнэсэ[2].
1943-це иень таштамковсто Василий Кочетов гвардиянь старшей лейтенантось ульнесь СССР-нь Дальней действиянь авиациянь 6-це авиакорпусонь
62-це авиадивизиянь гвардиянь 11-це авиаполконь отрядонь штурманокс. Се шкантень сон тейсь ятонь боевой техникань пурнавомань ды ушмантнэнь, тылсэ пек питней таркатнень лангс 211 ливтямо[2].
1944-це иень эйзюрковонь 13-це чистэ СССР-нь Верховной Советэнь Президиумонь кармавтомасо Василий Кочетов гвардиянь старшей лейтенантонтень максозель Советской Союзонь Героень покш лемесь, казезель Ленинэнь орденэсь ды
3376-це номерэнть ало «Сырнень теште» медалесь[2].
Войнань прядовомадо мейле Кочетов поладызе Советской Армиясо служамонть. 1948-це иестэ прядсь Военно-воздушной академия[3].
1960-це иестэ полковникень званиясо кучозель запасос. Эрясь Воронежсэ (Мирэнь куросо, 3-це кудосо аравтозь ледстнемань лаз), важодсь Воронежэнь политехнической институтонь менель венчень строямонь кафедрасо. Кулось
1987-це иень таштамковонь 3-це чистэ, калмазь Воронежэнь Юго-Западонь калмолангсо[2].
Теде башка казезель Якстере Знамянь ды Отечественной войнань 1-це степенень ордентнэсэ, Якстере Тештень кавто орденсэ, зярыя медальсэ[2].
Тешкставкст
- ↑ Кочетов Василий Иванович
- ↑ 1 2 3 4 5
Кочетов, Василий Иванович. «Масторонь маралят» вальмась.
- ↑ Командный факультет. Военно-Воздушная академия имени Ю. А. Гагарина. Москва. 2007 год. ЗАО СП «Контакт РЛ». — Стр. 242. — 367 с.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Воробьёв В. П., Ефимов Н. В. Герои Советского Союза: Справочник. — СПб., 2010.
- За Отчизну, свободу и честь! — Горький, 1989. — Кн. 7.
- Тюльников Л. К. Герои Советского Союза — горьковчане / Л. К. Тюльников, Я. И. Басович. — 2-е изд., перераб. и доп. — Горький: Волго-Вятское книжное издательство, 1981. — 366 с.
- Командный факультет. Военно-Воздушная академия имени Ю. А. Гагарина. — М.: ЗАО СП «Контакт РЛ», 2007. — С. 242. — 367 с.