Кошки (Самара ёнкс)

Кошки
	Веле
Кошки
	54°12′ с. ш. 50°28′ в. д.HGЯO
Масторось	Россия
Федерациянь субъектэсь	Самара ёнкс
Муниципальной буе	Кошкинань
Велень поселениясь	Кошки
Историясь ды географиясь
Теезь	1730-це иестэ
Васенце ледстнемась	1737-це иестэ
Икелень лемтне	Покш ды Вишка Кошкина ; (1737-це иес); Преображенской слобода ; (1737-це иеде мейле) Преображенской Кондурчинской Слобода Кошки тож ; (1780-це иестэ саезь) Кошки (Преображенской) ; (XIX-це пингестэ саезь)
Часовой поясось	UTC+4[d]
Эрицятне
Зяро эрицят	▼7338 ломанть (2021);
Раськетне	рузт, ветькеть, эрзят
Конфессиятне	православной никониант, старообрядецт
Катойконимесь	ко́шкинецт
Цифровой идентификатортнэ
Телефононь кодось	+7 84650
Почтань индексэсь	446800
Объектэнь административно-территориальной явовомань Весе Россиянь классификаторонь кодось	36224832001
Муниципальной образованиянь территориянь Весе Россиянь классификаторонь кодось	36624432101
Географиянь лемтнень государственной каталогсо номерэсь	0057832
Лия
	Кошки Москва Кошки
	Кошки

Ко́шки (ветьк. Ку́шакъел) — Самара ёнксонь пелеве ёнкссо веле, Кошкинань буень ды Кошки велень поселениянь административной куншкакуро.

Косто саевсь валось

Топонимесь сюлмазь «Кушакъел» ветькень валонть марто, конась рузонь кельс ютавтови кода «Кошкино». «Кошак» валось ловови саезекс ветькень кельстэ ды ашти Куш юронть эйстэ, неень шкань ветькень кельсэ «Куç — Якамс» (невти тюркань Коч, саемга: кочевник, кочерга). Икеле «Кушак» валонть смустезэ ульнесь «Идем нармунть», конат бойкасто ливтнесть, теде башка «Кушак» валсо лемдякшность «Нумоло», конась татаронь кельсэ гайги кода «Куйан». Кушак ~ Кошак, Нумоло (саемга, Кайāк — Нармунь, Курак — Варака, Куçaк — Кудо нумоло). Истя кезэрень китаень кельсэяк, косо, вейке валось невтсь Киска ды Катка ютавтоманть. Эрямо тарканть теизь ветькетне ды Ташто Максимкина велестэ ютазь эрицятне, весемесь совакшнось ветькень эрямо таркатнень вейкине таркас. Ташто Максимкина веленть теизь вийсэ кармавтозь лемдямодо оргодиця ветькетне, конат ютакшность «идем паксятнес» ды усксесть «Кереметень» эсь языческой капищаст. 1680-це иестэ саезь 1790-це иес ветькень ламо эрямо таркатне теевкшневсь оргодиця сокицясо-видицясо, конат кепедевкшневсть Мелекесстэ саезь Вишка ды Покш Черемшанонть эзга. Истяттнэнень кандовить: Андреевкась, Ташто Максимкинась, Илюткинась, Елаурось, Ветькень Тимерликесь, Турноясось, Тумбась, Якушкинась, Ерепкинась, Егоркинась, Аксумлась, Салдакаевась, Абрыськинась ды лиятне.

Веленть эйсэ сеедьстэ кортыть лементь теевемадо мифологиянь ёндо. Вейке арсемась кармась Кошкинань буень гербень теемань юрокс, козонь совавтозь

…якстере паксясо удалце лапинетнень лангсо аштиця ашо (сиянь) катка.

Кошкинь икелень лемесь — Преображенской слобода — сюлмазь Свято-Преображения (руз.) (эрз. — православной христианствань вейке покшчинть марто^[1].

Аштема тарказо

Ашти Самара ёнксонь пелеве ёно Кондурча лейчиренть лангсо.

Историязо

Кошкинь моданть лангсо ломаненть улемадо невтить археологиянь зярыя муевкстнэ. Веленть маласо муезь минек эрадо икелень омбоце тёжа иень куншкань бронзань шкань кавто эрямо таркат ды кото кургант, 1987-це иестэ Р. С. Багаутдинов археологсонть прявттнэнь-вождттнень калмамост муеманть вельде максы ёвтамс арсема, колмо ды пель тёжат иеде икеле кошкинань губоресь эрясь ды ульнесь индоевропейской модань сокицянь-видицянь плематнень вейсэндявксонь куншкакуротнестэ вейкекс^[2].

Кошки неень шкань веленть васенце эрицякс кармасть ветькетне. Тень кемекстамга мереви содавтовомс Н. А. Арнольдов историянь наукань кандидатонть пачтямонзо марто^[3].

Покш Кошкина. XVIII-це пингенть ушодкссто (малав 1710-це иестэ) «эсь олясо» ютазь ветькень ломантнесэ (Максимкинасто) ашти Кошки неень шкань велесь. 1737-це иентень — 8 кудоюртт, 8 кудот, 10 кардазт, 2 шлямо кудот, лишмень 3 кардот. В. Н. Татищевень кармавтоманзо коряс эсь олясо эрямо сазь сокицятне-видицятне 1737-це иестэ панезельть мекев, сынст таркас тесэ кармасть эрямо лемдязь калмыктне.

Вишка Кошкина. XVIII-це пингенть ушодкссто (малав 1710-це иестэ) «эсь олясо» ютазь ветькень ломантнесэ (Ташто Максимкинасто) ашти Кошки неень шкань велесь. 1737-це иентень — 4 кудоюртт, 4 кудот ды 4 кардазт. Секе 1737-це иестэ В. Н. Татищевень кармавтоманзо коряс велень весе эрицятне панезельть икелень эрямо таркас, од таркантень састь эрямо лемдязь калмыктне эсь олясо эрямо сазь сокицятне-видицятне 1737-це иестэ панезельть мекев, сынст таркас тесэ кармасть эрямо лемдязь калмыктне.

Кошки. <...> Теезель 1737-це иестэ В. Н. Татищевсэ кода лемдязь калмыктнень ды рузтнэнь марто военной эрямо тарка (Преображенской Слобода) ветькень кадозь эрямо таркатнесэ (Вишка ды Покш Кошкина).

Неяви авторонть бажамозо керямс Кошкинь историянть ветькень пельксэнзэ, ансяк тесэ, тень лангс апак вано, чарькодеви вейкесь: веленть лемезэ «сюлмазь» лия таркав туиця ветькень васенце эрицятнень марто. Те лементь тееманзо эряви вешнемс тюркань башка саезь кельсэ — ветькень кельсэнть.

1780-це иестэ Симбирской наместничествань теемстэ, Преображенской Кондурчинской Слобода Кошки тож, Ставрополень уездстэ, совась Самарань уездс. 1796-це иестэ саезь — Симбирской губерниясо.

1851-це иестэ саезь Кошки (Преображенской) велесь Самарань губерниянь Самарань уездэнь 2-це стансо^[4].

1910-це иес Кошки велесь ульнесь административной таркань Тенеева ды Тенеевань ёнкссо.

1910-це иестэ Кошки велентень макссть волостень куншкань статус. Волгань-Бугульмань чугункань кинь теемась ды 1911-1912-це иетнестэ Погрузной чугункань кинть эйстэ 4 вёрстань ютазь теевсь Кошки экономикань ды микшнемань куншкакурокс.

ХХ-це пингень 90-це иетнестэ вейсэндязельть Погрузной станциясь ды Кошки велесь^[5].

Неень шкасто тесэ эрить эрить рузт, эрзят, мокшот, ветькеть, татарт ды лия раськень ломанть.

2025-це иестэ Кошки велесэ прядовсь парконь паролгавтомась^[6].

Эрицятне

Зяро эрицят
1959	1970	1979	1989	2002	2010
3620	↗5428	↗6658	↗7352	↗8149	↘7969
2021
↘7338

1000

2000

3000

4000

5000

6000

7000

8000

9000

1970

2021

Шумбрачинь ванстома

Кошкисэ лецямонь учреждениятне невтезь Кошкинань буень центральной больницясо.

Транспортонь ардтнема

Веленть трокс юты ки, кона лисни чивалгома ёндо Борма веленть вакссо Самара—Ульяновск кинть лангс, чилисема ёндо — Нурлатов (седе тов Альметьевск, Набережные Челны).

Веленть эйстэ 3,5 вайгельбень ютазь ашти Погрузна чугункань станциясь Москов—Ульяновск—Уфа чугункань кинь магистральсэ. Станциянть видьс ардтни 1-це № автобусось.

Велестэнть содавикс ломантне

Васильевский Руслан Сергеевич (англ.) (эрз. (1933—2011) — Россиянь историк, археолог ды этнограф. Историянь наукань доктор, профессор. Россиянь Федерациянь наукань заслуженной важодиця.
Бичина Тамара Ивановна (1925—2005) — Советской энтомолог, касовкстнэнь идемань биологиянь методтнэнь прявт арсицятнестэ вейке, касовкстнэнь идемань биологиянь методтнэнь коряс Весе Россиянь наукань ды ванномань институтонь наукань старшей сотрудник.

Велень администрация
Парк

Тешкставкст

↑ Самарская топонимика (неопр.). samara-kraeved.ru. Дата обращения: 13 Сундерьковонь 2025.
↑ Симаков В. Е. Энциклопедия чувашских сёл Самарской области. — Самара: Издательство «НТЦ», 2008. — С. 89—91. — ISBN 978-5-98229-167-7.
↑ Арнольдов Н. А. Край наш Кошкинский от А до Я. Краеведческий словарь-справочник. Кошки, 2005.
↑ Н. П. ИнфоРост // № 243 — с. Кошки (Преображенское) /. ГПИБ | [Вып. 36] : Самарская губерния : … по сведениям 1859 года. — 1864. (неопр.) elib.shpl.ru. Дата обращения: 13 Сундерьковонь 2025. Архивировано 15 Аштемковонь 2020 года.
↑ Кошки (неопр.). Туры и экскурсии по Самарской области (4 Ацамковонь 2023). Дата обращения: 13 Сундерьковонь 2025.
↑ Монин, Леонид В селе Кошки Самарской области благоустроили парк (неопр.). Новости Mail (26 Ожоковонь 2025). Дата обращения: 12 Сундерьковонь 2025.

Ссылкат

Официальный сайт Администрации муниципального района Кошкинский Самарской области

[1] Самарская топонимика (неопр.). samara-kraeved.ru. Дата обращения: 13 Сундерьковонь 2025.

[chuvash-2] Симаков В. Е. Энциклопедия чувашских сёл Самарской области. — Самара: Издательство «НТЦ», 2008. — С. 89—91. — ISBN 978-5-98229-167-7.

[3] Арнольдов Н. А. Край наш Кошкинский от А до Я. Краеведческий словарь-справочник. Кошки, 2005.

[4] Н. П. ИнфоРост // № 243 — с. Кошки (Преображенское) /. ГПИБ | [Вып. 36] : Самарская губерния : … по сведениям 1859 года. — 1864. (неопр.) elib.shpl.ru. Дата обращения: 13 Сундерьковонь 2025. Архивировано 15 Аштемковонь 2020 года.

[5] Кошки (неопр.). Туры и экскурсии по Самарской области (4 Ацамковонь 2023). Дата обращения: 13 Сундерьковонь 2025.

[6] Монин, Леонид В селе Кошки Самарской области благоустроили парк (неопр.). Новости Mail (26 Ожоковонь 2025). Дата обращения: 12 Сундерьковонь 2025.

[1]

[2]

[3]

[4]

[5]

[6]