Кремлянь куз
| Кремлянь куз | |
|---|---|
 | |
| Кода сеедьстэ ютавтневи | эрьва иестэ |
Кремлянь куз — Кремлясо Од иенень алтазь эрьва иень невтема. Прявт смустезэ — эйкакштнень Якшаматянть марто вастовома. Иеде иес билеттнэнь микшнемаст ушодовомас фестивалень ютавтома лувось кирдеви салавачисэ, коень коряс те эрси ожоковс[1].
Кузось ютавтневи Кремлянь Государственной кудосо. Тезэнь совамсто эряви ютамс сыцятнень ванныця суликань павильононть пачк. Московонь метросто лисемстэ аравтневить эрявикс таркас пачкодемга невтемат.
Эрямопингезэ
Кремлянь площаденть Од иеде икеле кузсо мазылгавтомась саи эсь ушодксонзо 300-то иеде икеле, I-це Петрань тевветямонь шкасто. Эсь кармавтоматнесэ императорось Од иень тешкстамонь шканть полавтызе таштамковонь 1-це чистэ якшамковонь 1-це чис ды тень кис Московонь Соборной площадьсэ кармавтсь озавтомс пичесалмуконь чувтот.
1996-це иестэ саезь од иень эрий чувтотнень таго озавтнить Никольскоень площадьсэ. Кремлянь васенце кузтнэнь усксесть 1990-це иетнень прядовомсто Ине Устюгсто, Якшаматянь тиринь ёнкссто[2].
Од иень чувтотнень ушодыть вешнеме кизэнь прядовомсто коштонь ды спутникень сюлмавоманть тевс нолдазь. Москов ёнксонь вирень весе ванстоматнесэ кочкить 50-70 чувтот; од иень кузонтень прявт вешематне — виде нетькс ды валаня чувтопря.
Кода ютавтови
Коень коряс невтематне ютавтневить эрьва чине ацамковонь прядовомсто ды якшамковонь ушодовомсто. Истя 2023-це иенть прядовомсто ды 2024-це иенть ушодовомсто покшчинь невтематне ютасть ацамковонь 26-це чистэ саезь якшамковонь 8-це чись, оймсемакс ульнесь якшамковонь 1-це чись. Теке марто Кремлянь кудосо ютавтнить патриаршей куз — таргочинь школань, приютонь ды эйдень кудонь эйкакштнень туртов паронь теемань акциянть. Билетт тозонь а микшнить: сынст макснить истят учреждениянь трявкстнэнень.
Рамамсто билеттнэ максовить аштема таркатнес — казненть кис эряви пандомс башка. Самсто ваныцянть улезэ эсь билетэзэ. Эрьва билетэнть анокстыть вейке ваныцянть лангс ды теить лия ёнов а молиця лувсо — ачарькодевикс тердеманть Московонь Профсоюзонь федерациясь лови аволь видекс ды сестэ од иень покшчис ютамс а мереви.
Кузонть явить кавто пельксэс: васенцесэнть фойесэ невтеви мельстуиця программа, омбоцесэнть — сонсь невтемась. Вейке чистэ ютавтневить колмо невтемат: 10 чассто 30 минутасто, 14:00 чассто ды 18:00 чассто[3]. Кузонь васенце пельксэнть панжить ушодовомадо 1 чассто 15 минутадо икеле. Спектаклясь моли малав вейке час, а невтемадо икеле киштемань-морамонь программась — малав 45 минутат.
14 иес эйкакштнень тетявтомо-ававтомо а нолдтнить, ансяк ялатеке эйкакшонть марто улезэ вейке покш ломань[4]. Кой-кона ваныцятнень туртов анокстави сурдоперевод марто башка невтема; коляскасо лавшо шумбрачи марто эйкакштнень вакссо молить мартост сыця ломанть ды весенень явовить башка таркат.
Льготат
Од иень кузонтень питневтеме мереви самс:
- Профсоюзс совицятненень. Кремлянь кузонть аноксты Московонь Профсоюзонь федерациясь. Секскак эсь важодемасо профсоюзс совиця кой-кона тетятнень-аватнень туртов билеттнэ максовить питневтеме, вишка питне марто эли кодамояк рамавксонь пельксэнть пандомсто[1].
- Ламо эйкакшонь кудораськетненень ды льгота марто лия эрицятненень. Кузс питневтеме билеттнэ максовить социальной идемань таркань куротнень вельде.
- Вадрясто тонавтницятненень. «Весе Россиянь кузс» понгить сех вадрятне — билеттнэ максовить «ветес» тонавтницятненень ды олимпиадасо изницятненень; эйкакштне сыть кузс тонавтыцяст марто.
Теке марто вант
- Кремлянь Покш кудосо Од иень куз
- Россиясо Общественной куз
Тешкставкст
 | Те сёрмадовксонть лангс а нежедить РУВИКИ-нь лия сёрмадовкстнэ. |
- ↑ 1 2 Полина Калмыкова Как попасть на кремлевскую елку // Тинькофф Журнал : сайт. — 2023. — 24 Ожоковонь.
- ↑ София Токарева. Главная елка страны – 2024: все секреты, как добраться и увидеть ее, Известия.
- ↑ Кремлёвская Ёлка 2023 - 2024 (руз.). Московская Федерация профсоюзов.
- ↑ Новогодние ёлочные представления (руз.). Государственный Кремлёвский Дворец.