Кудоракшань масторлангонь чи
| Кудоракшань масторлангонь чи | ||||||
|---|---|---|---|---|---|---|
| ||||||
| Официальной лемезэ | World Pet Day | |||||
| Смустезэ | весе кудоракшатненень алтазь раськеютконь покшчи | |||||
| Аравтозь | 1931-це иестэ | |||||
| Косо тешкстави | кудоракшатнень азорост, ракшань лецицят, кинологт | |||||
| Зярдо ютавтневи | сундерьковонь 30-це чи | |||||
| Кода сеедьстэ тешкстави | фестивальть, акцият, кортамот | |||||
Кудоракшань масторлангонь чи (англ. World Pet Day) — те раськеютконь покшчи, кона алтазь весе кудоракшатненень ды тешкстави эрьва иень сундерьковонь 30-це чистэ. Те чись аравтозь кудоракшатнеде содамочинь кастоманть, сынст парсте эрямонть ды теке марто сынст кирдемга покш ответственностень келейгавтоманть лангс.
Покшчинть ланга
Кезэрень ломанесь ушодсь идем ракшатнень тонавтомо кевень пингестэ саезь ды сеске кармась сынст тевс нолдамо мода лангсо ды охотямосо. Эряви тешкстамс, ракшань 140 тёжань содавикс видтнэнь эйстэ тонавтомс лиссь ансяк 47 тёжатнень. Кудонь сех васенце ракшакс кармась верьгизэсь, неень шкань кисканть васолонь раськезэ. Ломантне редясть, кискань онгомась пани кудост эйстэ сывелень ярсыця зыянов ракшатнень, кудазортнэ ушодсть кискатнень тевс нолдамо ванстомань туртов. Се шкастонть саезь кискась кармась ломаненть кеме ялгакс ды лездыцякс. Кискатне ламоксть идесть ломантнень эрямост ды лездасть изнямс стакачитнень. Саемга, ветиця кискатне аштить неявикс таркасо анеиця ломантнень эрямосо. Истят кискатнень коряс васенце школатне появасть Германиясо ды ульнесть алтазь сеть ветеранттнэнь туртов, конат ёмавтызь сельме нееманть Масторлангонь васенце торпингень шкасто. Ней кискатнень ули мик эсест паспортост, косо сёрмадозь сынст раськень-буень историядо, рунгос ормаменьксэнь путомадо, якавтомадо ды азордо информациясь[1].
Ломаненть ды катканть ютксо вейсэнь сюлмавоматне седе стакат. Те арсеманть коряс, кезэрень ломантне тонавтызь каткатнень охотямо норовонь порицятнень лангс. Лия арсеманть коряс, каткатне «кедьс тонадсть» сынсь, зярдо чарькодсть, ломаненть свал ули ярсамозо, косо ярсамопель — тосо порицятнеяк. Секскак содыйтне неень шкас пелькстыть, кие кинь сех васенцекс тонавтызе: ломанесь катканть эли каткась ломаненть. Течи сех вечкевикс кудоракшатнень ютксо пухляня неть трявкстнэ саить васенце таркатнень ютксто вейкенть[1].
1840-це иестэ Виктория Великобританиянь инязоравась тейсь Инязоронь вейсэндявкс, кона пурнась ярмак ракшатнень трямга ды вансь ракшатнень марто прянь парсте ветямонть мельга. 1931-це иестэ Флоренциясо ульнесь кемекстазь покшчи — Кудоракшань чи, конань прявт путовксокс ульнесь трявкстнэнь идемась. Россиясо те чинть кармасть ловомо покшчикс ансяк 2000-це иестэ Ракшатнень идемань раськеютконь фондонть лезксэнзэ вельде. Эрьва иестэ те покшчинть тешкстыть сетне, кить мелявтыть кудонь трявкстнэнь кис: ракшань азортнэ, ракшань лецицятне, кинологтне ды сеть, кинь важодемаст аравтозь апак иде ракшатнень марто прянь беряньстэ ветямонть каршо[1]. Сестэ экологиянь эрьва кодат вейсэндявкстнэ ды пертьпельксэнь обществатне ёвтасть мель ютавтнемс ламо тевть, конат аравтозь Модамасторонть лангсо весе эриксэнтень ды кудоракшатненень паро ёжонть кастомга.
Путовкст ды аравтомат
Кудоракшань Масторлангонь чинть прявт путовкстнэ совавтыть:
- Кудоракшатнень марто прянь парсте ветямонть ды эрявиксчинть.
- Кудонь трявкстнэнь мельга видестэ урядамонть, андоманть ды кирдеманть.
- Ракшатнень марто прянь беряньстэ ветямонть каршо бороцямонть ды ракшатнень идицятнень мелест-арсемаст кирдеманть.
- Приютсто кудоракшань саицятненень лездамонть[2].
Ютавтовиця тевть
Те чистэнть весе масторсо ютавтневить эрьва кодат тевть, конатнень ютксо:
- Паро тевень теемань акцият, приюттнэнь ды ракшань идемань вейсэндявкстнэнь туртов ярмаконь пурнамо.
- Ракшатнень азорост туртов ракшань лецицянь ванномат ды кортамот.
- Тонавтомань лекцият ды семинарт, конат аравтозь трявкстнэнь мельга видестэ якамонть коряс содамочитнень кастоманть лангс.
- Покш промкст ды вастовомат, косо ломантне вастовить вейкестэ арсицятнень марто ды кортыть кудоракшатнень мельга видестэ якамонть коряс.
Кудоракшань масторлангонь чись ашти покш таркасо кудоракшатненень паро ёндо прянь ветямонть коряс. Те покшчись ледстни ломантненень кудоракшатнень ланга мелявтомадо, мелень явомадо ды идемадо. Теке марто те вадря тувтал невтемс ракшатнененень эсь вечкеманть ды кемеманть, теке марто арсезевемс сеть ракшатнеде, конатненень эряви кудо ды мелявтома[2][3].
Теке марто вант
- Ракшатнень марто кежейстэ прянь ветямо
Тешкставкст
- ↑ 1 2 3 <Всемирный день домашних животных в 2024 году: история и традиции праздника. Семья. Проект КП.ру.
- ↑ 1 2 30 ноября — Всемирный день домашних животных. Федеральное бюджетное учреждение здравоохранения «Центр гигиенического образования населения».
- ↑ 30 ноября 2023 – Всемирный день домашних животных: История и традиции праздника. Общественная служба новостей.К:Рувики:Cite web (не указан язык)